Bæjarráð - 3075. fundur
Fjarfundur - Microsoft Teams
Mætt til fundar
Nefndarmenn
- Birkir Jón Jónsson - formaður
- Karen Elísabet S Halldórsdóttir - varaformaður
- Hjördís Ýr Johnson - aðalmaður
- Pétur Hrafn Sigurðsson - aðalmaður
- Theódóra S Þorsteinsdóttir - aðalmaður
- Sigurbjörg Erla Egilsdóttir - áheyrnarfulltrúi
- Margrét Friðriksdóttir - varamaður
Starfsmenn
- Ármann Kristinn Ólafsson - bæjarstjóri
- Pálmi Þór Másson - bæjarritari
Ritari
- Pálmi Þór Másson
Dagskrá fundar
Frá Gallup, dags. 24. janúar, lagðar fram niðurstöður Kópavogsbæjar úr könnun um þjónustu sveitarfélaga.
Kynning.
Frá lögfræðideild, dags. 20. janúar 2022, lögð fram beiðni f.h. lóðarhafa Turnarhvarfs 6, Borgarafls ehf., um heimild til að veðsetja lóðina.
Bæjarráð samþykkir með fimm atkvæðum umbeðna veðsetningu.
Frá bæjarlögmanni, dags. 24. janúar 2022, lagðar fram umsóknir sem bárust um lóðina Austurkór 22.
Fulltrúi Sýslumannsins á höfuðborgarsvæðinu var boðaður til fundarins til að sjá um útdrátt á milli umsækjenda. Útdráttur var færður í gerðarbók sýslumanns. Dregin var umsókn Fannýjar Guðbjargar Jónsdóttur. Bæjarráð samþykkir með fimm atkvæðum umsókn Fannýjar Guðbjargar Jónsdóttur um lóðina Austurkór 22 með vísan til niðurstöðu útdráttar og vísar málinu til afgreiðslu bæjarstjórnar. Öðrum umsóknum er hafnað með vísan til niðurstöðu útdráttarins.
Frá deildarstjóra gatnadeildar, dags. 24. janúar 2022, óskað eftir heimild bæjarráðs til að bjóða í opnu útboði til eins árs með möguleika á framlengingu tvisvar sinnum eitt ár í senn, malbiksviðgerðr og nýlagnir gatna og stíga.
Karen E. Halldórsdóttir vék af fundi og tók Margrét Friðriksdóttir sæti í hennar stað.
Bæjarráð frestar erindinu.
Frá Allsherjar- og menntamálanefnd Alþingis, dags. 20. janúar 2022, lagt fram til umsagnar frumvarp til laga um almannavarnir (almannavarnastig o.fl.), 181. mál.
Bæjarráð samþykktir með fimm atkvæðum að vísa málinu til afgreiðslu bæjarlögmanns.
Frá Umhverfis- og samgöngunefnd Alþingis, lagt fram til umsagnar frumvarp til laga um loftferðir, 186. mál. Óskað er eftir að umsögn berist eigi síðar en 3. febrúar nk.
Bæjarráð samþykktir með fimm atkvæðum að vísa málinu til afgreiðslu bæjarlögmanns.
07
Til umsagnar tillögu til þingsályktunar um upplýsingamiðlun um heimilisofbeldismál, 20. mál
Frá Allsherjar- og menntamálanefnd Alþingis lagt fram til umsagnar tillaga til þingsályktunar um upplýsingamiðlun um heimilisofbeldismál, 20. mál.
Þess er óskað að umsögn berist eigi síðar en 8. febrúar 2022.
Bæjarráð samþykkir með fimm atkvæðum að vísa málinu til afgreiðslu bæjarlögmanns.
Frá samtökum grænkera á Íslandi, dags. 23. janúar 2022, lögð fram beiðni um styrk til þróunar og útgáfu uppskriftarbókar fyrir leik- og grunnskóla.
Bæjarráð samþykkir með fimm atkvæðum að vísa málinu til umsagnar sérfræðings lýðheilsu.
Frá stjórn SSH, dags. 20. janúar 2022, lögð fram skýrsla starfshóps: Sorphirða á höfuðborgarsvæðinu - samræming
úrgangsflokkunar sem óskað er eftir að tekin verði til umræðu. Meðfylgjandi eru drög að yfirlýsingu um samstarf sveitarfélaganna vegna samræmingar úrgangsflokkunar. Þess er óskað að yfirlýsingin verði staðfest á vettvangi sveitarfélagsins og
framkvæmdastjóra þess falið fullt og ótakmarkað umboð til undirritunar hennar.
Bæjarráð samþykkir með fimm atkvæðum að vísa erindinu til afgreiðslu bæjarstjórnar.
Frá stjórn SSH, dags. 20. janúar 2022, lögð fram drög að samstarfssamningi sveitarfélaga á höfuðborgarsvæðinu um rekstur skíðasvæða. Óskað er eftir efnislegri umræðu, afgreiðslu og staðfestingu af hálfu sveitarfélagsins.
Bæjarráð samþykkir með fimm atkvæðum að vísa erindinu til afgreiðslu bæjarstjórnar.
Frá stjórn SSH, dags. 20. janúar, lögð fram drög að loftslagsstefnu
til umræðu hjá sveitarfélaginu.
Bæjarráð vísar erindinu til umsagnar umhverfis- og samgöngunefndar.
Fundargerð í níu liðum.
Lagt fram.
Fundargerð í sjö liðum.
Lagt fram.
13.2 - 21111190 - Fyrirspurn. Notendur fjárhagsaðstoðar
Svar við fyrirspurn sem lögð var fram á fundi velferðarráðs 22.11.2021.
Velferðarráð þakkar ítarlega og greinargóða greinargerð.
Kristín Sævarsdóttir og Donata H. Bukowska lögðu fram eftirfarandi bókun:
„Í nóvember 2021 voru 107 Kópavogsbúar að þiggja fjárhagsaðstoð frá Kópavogsbæ og þar af teljast 26 vinnufærir. Nú þegar eru í gangi starfsþjálfunarsamningar við fyrirtæki á höfuðborgarsvæðinu auk þess sem sumarstörf hafa verið í boði fyrir þennan hóp. Þegar sumarstörfum lýkur er hætt við að viðkomandi einstaklingar lendi aftur í óvirkni með tilheyrandi afleiðingum.
Rannsóknir benda eindregið á að fólk sem hvorki er í vinnu né námi er í verulegri áhættu á langtíma fátækt og jaðarsetningu til framtíðar. Það eru vond lífsgæði fyrir einstaklinga auk þess sem það er dýrt fyrir samfélagið.
Það er mjög mikilvægt að Kópavogsbær setji í gang áætlun um starfsþjálfun fyrir notendur fjárhagsaðstoðar á vinnustöðum bæjarins til að auðvelda fólki að komast aftur út á vinnumarkaðinn.
Kristín Sævarsdóttir
Donata Bukowska“
Karen E. Halldórsdóttir tekur undir bókunina.
Vísað til bæjarráðs til upplýsingar.
Lagt fram.
14
Bæjarfulltrúi Karen Halldórsdóttir óskar eftir að fá á dagskrá endrskoðun fyrirkomulags sundkennslu í grunnskólum
Bæjarfulltrúi Karen Elísabet Halldórsdóttir óskar eftir að erindi umboðsmanns barna um fyrirkomulag sundkennslu í grunnskólum verði sett á dagskrá bæjarráðs og menntaráðs.
Bæjarráð samþykkir að vísa erindinu til umfjöllunar menntaráðs og ungmennaráðs.
15
Tillaga bæjarfulltrúa Theódóru S Þorsteinsdóttur um að hafinn verði undirbúningur á deiliskipulagi á nýrri íbúabyggð í Vatnsendahlíð
Undirrituð leggur til að hafinn verði undirbúningur á deiliskipulagi á nýrri íbúðabyggð í Vatnsendahlíð. Fjöldi íbúða skal taka mið af því að þar rísi nýtt skólahverfi á þessu glæsilegasta byggingarlandi á höfuðborgarsvæðinu þar sem stutt er í alla þjónustu með Elliðavatn og Heiðmörkina í bakgarðinum.
Theódóra S. Þorsteinsdóttir.
Bæjarráð samþykkir með fimm atkvæðum að vísa erindinu til umsagnar sviðsstjóra umhverfissviðs.