Bæjarráð - 3177. fundur

Frá sviðsstjóra fjármálasviðs, lagt fram þriggja mánaða uppgjör Kópavogsbæjar.

Lagt fram og kynnt.

Frá fjármálasviði, lagður fram viðauki nr. 3 við fjárhagsáætlun 2024. Viðaukinn er vegna viðbótarframlags til Lions vegna hækkaðs kostnaðar við standsetningu Kópavogsbúsins. Í upphafi gekk samningur við þá út á að Kópavogsbær legði til 25 m.kr. og þeir 28 m.kr. og eru þeir að óska eftir hækkun á framlagi bæjarins um 5 m.kr. Samkvæmt þeim sótti Kópavogsbær um framlag frá Húsfriðunarsjóði og verður framlag þaðan kr. 3,5 mkr.

Bæjarráð samþykkir að vísa framlögðum viðauka nr. 3 til afgreiðslu bæjarstjórnar.

Lagðar fram til kynningar uppfærðar gjaldskrár.

Lagt fram og kynnt.

Frá sviðsstjórum og gæðastjóra lögð fram minnisblöð um stöðu gæðamála.

Lagt fram og kynnt.

Bæjarráð samþykkir með fjórum atkvæðum gegn atkvæði Theódóru S. Þorsteinsdóttur að vottun á gæðakerfi Kópavogsbæjar verði hætt. Vinna sem nú þegar er hafin við endurskoðun gæðakerfisins verði lokið fyrir næstu áramót. Fyrirkomulag eftirlits bæjarráðs með gæðakerfi bæjarins verði vísað til vinnu við endurskoðun eftirlists bæjarráðs með stjórnsýslu og fjármálum Kópavogsbæjar.

Bókun:

"Undirrituð telur miður að hætt verði að votta gæðakerfi Kópavogsbæjar. Markmiðið með innleiðingu gæðakerfis er að tryggja góða og skilvirka þjónustu, gagnsæja stjórnsýslu, aukið öryggi og bætt eftirlit með kostnaði. Í niðurstöðu síðustu úttektar komu fram mörg frávik og athugasemdir.

Eftirfarandi texti er tekinn upp úr niðurstöðu úttektarfyrirækisins eftir síðustu vottun sem fór fram 2022: „Kópavogsbær mun því halda vottun sinni að því gefnu að bæjarfélagið framkvæmi fullnægjandi úrbótaáætlun fyrir þau frábrigði sem fram komu. Bæjarfélaginu ber þannig að greina orsök og innleiða úrbætur til að lagfæra frábrigðin fyrir næstu vottunarúttekt sem áætluð er í byrjun desember 2023“. Alla jafna gefur vottunaraðilinn skipulagsheildinni sem um ræðir 12 mánuði, eða fram að næstu vottunarúttekt, til þess að skilgreina og innleiða úrbætur og umbætur sem dugar til að standast kröfur. Það er augljóst á gögnum máls sem hér liggja undir að ekki hefur tekist að uppfylla kröfur vottunaraðila. Faglegra hefði verið að halda áfram vottun og uppfylla þær kröfur sem okkur ber til að tryggja þau markmið sem lagt var upp með."

Theódóra S. Þorsteinsdóttir


Bókun:

"Kópavogsbær hefur starfað eftir gæðakerfið frá árinu 2008. Innri og ytri úttektir á gæðakerfi Kópavogsbæjar munu tryggja að virkni þess verði með fullnægjandi hætti og því ekki þörf á vottun."

Orri V. Hlöðversson

Ásdís Kristjánsdóttir

Hjördís Ýr Johnson

Frá lögfræðideild, dags. 05.06.2024, lögð fram drög að breytingum á persónuverndarsamþykkt.

Bæjarráð frestar erindinu.

Lagðar fram niðurstöður úr rammasamningsútboði umhverfissviðs við verktaka frá 24. apríl 2024 um ýmis konar smærri þjónustuverk.

Lagt fram.

Andri Steinn Hilmarsson vék af fundi kl. 11:33.

Frá deildarstjóra innkaupadeildar, dags. 10.06.2024, lagðar fram upplýsingar um örútboð vegna innkaupa á endurskoðun Kópavogsbæjar á grundvelli rammasamnings Ríkiskaupa.

Bæjarráð vísar tillögu um heimild til örútboðs til afgreiðslu bæjarstjórnar.

Fundargerð 579. fundar stjórnar SSH frá 03.06.2024.

Lagt fram.

Fundargerð 498. fundar stjórnar Sorpu bs. frá 04.06.2024.

Lagt fram.