Lýðheilsu- og íþróttanefnd - 6. fundur

Lagt fram til kynningar uppfært erindisbréf lýðheilsu- og íþróttanefndar sem samþykkt var á fundi bæjarstjórnar 24. júní 2025.

Erindisbréf lagt fram til kynningar. Lýðheilsu- og íþróttanefnd þakkar Steini Sigríðar Finnbogasyni fyrir góða kynningu.

Steinn Sigríðar Finnbogason, lögmaður, vék af fundi kl. 16:30.

Á fundinn mætti Jakob Sindri Þórsson, sérfræðingur í stafrænni þróun á skrifstofu umbóta og þróunar hjá Kópavogsbæ og kynnti niðurstöðu úr viðhorfskönnun til foreldra vegna íþróttaiðkun barna hjá íþróttafélögum í Kópavogi.

Lýðheilsu- og íþróttanefnd þakkar Jakobi Sindra Þórssyni, sérfræðingi í stafrænni þróun á skrifstofu umbóta og þróunar, fyrir góða kynningu. Nefndin lýsir yfir ánægju sinni með framkvæmd og heilt yfir jákvæðrar niðurstöðu könnunarinnar.

Jakob Sindri Þórsson, sérfræðingur, vék af fundi kl. 17:25

Lagðar fram tillögur um breytingar á Vinnureglum við greiðslu atkvæða í kjöri íþróttafólks Kópavaogs ásamt Reglugerð íþróttaráðs um kjör á íþróttafólki Kópavogs. En endurskoðun reglananna var frestað á fundi nefndarinnar 27. mars.

Lýðheilsu- og íþróttanefnd samþykkir endurskoðaðaðar reglur.

Lagðar fram tillögur íþróttadeildar að endurskoðuðum reglum og reglugerðum lýðheilsu- og íþróttanefndar, í samræmi við bókun nefndarinnar á síðasta fundi 28. ágúst.

Lýðheilsu- og íþróttanefnd samþykkir framlagðar tillögur að endurskoðuðum reglum.

Lögð fram og kynnt nýting frístundastyrks fyrir árið 2024 ásamt þróun styrksins síðustu ár.

Lagt fram til kynningar.

Lagt fram erindi frá Kristínu Lárusdóttur, dags. 27. ágúst 2025, þar sem óskað er eftir að reglur varðandi símanotkun í sunlaugum verði endurskoðaðar.

Lýðheilsu- og íþróttanefnd sér ekki ástæðu til að breyta núverandi reglum.

Deildarstjóri íþróttadeildar fór yfir stöðu framkvæmda við endurnýjun gervigrass og tartans í Fífunni.

Lagt fram minnisblað um stöðu framkvæmda í Fífunni.