Velferðarráð - 134. fundur

Minnisblað skrifstofustjóra dags. 12.6.2024 lagt fram til kynningar.

Lagt fram til kynningar.

Minnisblað skrifstofustjóra og forstöðumanns félagsmiðstöðva dags. 4.6.2024 lagt fram til kynningar.

Velferðarráð lýsir ánægju með framkomnar tillögur og vísar málinu til umsagnar í öldungaráði.

Úrskurður úrskurðarnefndar velferðarmála vegna uppsagnar á húsaleigusamningi dags. 16.5.2024 lagður fram til kynningar.

Lagt fram til kynningar.

Niðurstöður frumkvæðisathugunar Gæða- og eftirlitsstofnunar á upplýsingum um þjónustu við fatlað fólk á heimasíðum sveitarfélaga lagðar fram til kynningar.

Velferðarráð vísar málinu til kynningar í notendaráði í málefnum fatlaðs fólks.

Breytingar á reglum um notendastýrða persónulega aðstoð fyrir fatlað fólk lagðar fram til afgreiðslu.

Velferðarráð samþykkir breytingar á reglum um notendastýrða persónulega aðstoð fyrir sitt leyti og vísar þeim til afgreiðslu í bæjarráði og bæjarstjórn.

Áfrýjun dags. 14.5.2024 ásamt tilgreindum fylgiskjölum lögð fram til afgreiðslu að nýju.

Minnisblað skrifstofustjóra dags. 12.6.2024 lagt fram til kynningar.

Velferðráð þakkar fyrir kynninguna.

Velferðarráð lýsir áhyggjum af fjölda barna í vistun utan heimilis, þyngd mála og skorti á úrræðum. Vonir voru bundnar við að tillögur starfshóps um fyrirkomulag þjónustu við börn með fjölþættan vanda næðu fram að ganga og eru það vonbrigði hve seint hefur gengið að koma fram með raunhæfa og tímasetta aðgerðaáætlun.

Minnisblað skrifstofustjóra dags. 11.6.2024 lagt fram til kynningar.

Velferðarráð þakkar fyrir kynninguna.

Afgreiðslu á tillögu Sigurbjargar Erlu Egilsdóttur aðalmanns Pírata að bókun velferðarráðs var frestað á síðasta fundi ráðsins og er því lögð fyrir að nýju til afgreiðslu.

Einar Örn Þorvarðarson aðalmaður Viðreisnar, Hólmfríður Hilmarsdóttir aðalmaður Vina Kópavogs og Erlendur H. Geirdal áheyrnarfulltrúi Samfylkingar tóku undir tillögu Sigurbjargar að bókun velferðarráðs.

Tillagan er svohljóðandi:

"Velferðarráð samþykkir að við endurskoðun velferðarstefnu Kópavogs haustið 2024 verði mótuð stefna Kópavogsbæjar í málefnum heimilislausra. Stefnan mæli fyrir um hvernig þjónustu við heimilislausa skuli háttað og taki mið af þörfum hópsins, byggi á skaðaminnkandi nálgun og miði að því að tryggja hópnum aðgengi að þjónustu og húsnæði án strangra skilyrða. Í samræmi við tillögur skýrslu verkefnastjóra samstarfsverkefnis í málefnum heimilislausra verði unnið út frá kjarna þeirrar hugmyndafræði að húsnæði sé grunnþörf sem þarf að mæta áður en tekist er á við annan vanda sem einstaklingur kann að kljást við, svo sem fíkni-og/eða geðvanda."

Velferðarráð samþykkir að við endurskoðun velferðarstefnu Kópavogs haustið 2024 verði mótuð stefna Kópavogsbæjar í málefnum heimilislausra. Stefnan mæli fyrir um hvernig þjónustu við heimilislausa skuli háttað og taki mið af þörfum hópsins, byggi á skaðaminnkandi nálgun og miði að því að tryggja hópnum aðgengi að þjónustu og húsnæði án strangra skilyrða. Í samræmi við tillögur skýrslu verkefnastjóra samstarfsverkefnis í málefnum heimilislausra verði unnið út frá kjarna þeirrar hugmyndafræði að húsnæði sé grunnþörf sem þarf að mæta áður en tekist er á við annan vanda sem einstaklingur kann að kljást við, svo sem fíkni-og/eða geðvanda.

Sviðsstjóri og verkefnastjóri velferðarsviðs kynna framgang aðgerða í aðgerðaáætlun velferðarsviðs vegna ársins 2024.

Velferðarráð þakkar fyrir góða kynningu.

Sviðsstjóri kynnir starfið á velferðarsviði á milli funda velferðarráðs.