Stuðningur í skólastarfi
Leik- og grunnskólar í Kópavogi eru skólar án aðgreiningar þar sem öll börn eiga að fá nám og stuðning við hæfi.
Hvenær er gott að leita stuðnings?
Foreldrar og forsjáraðilar sem hafa áhyggjur af líðan, námi eða félagslegri stöðu barns geta rætt við kennara eða annað starfsfólk skólans. Þar geta þau fengið leiðbeiningar um næstu skref.
Einnig er hægt að hafa samband við skólaþjónustuna sem vinnur með nemendum, foreldrum og skólum á heildrænan hátt.
Gott er að leita stuðnings ef áhyggjur vakna um:
- Námserfiðleika
- Þroskafrávik
- Félagslega erfiðleika
- Einelti
- Vanlíðan
Stuðningur í grunnskólum
Ef foreldrar óska eftir stuðningi fyrir barn sitt eða aðkomu sérfræðinga er best að hafa samband við umsjónarkennara barnsins eða annað starfsfólk skólans.
Í grunnskólum Kópavogs starfa meðal annars:
Sérkennarar styðja nemendur sem þurfa sérstakan stuðning í námi eða aðlögun í skólastarfi.
Sérkennarar:
- Meta námsþarfir nemenda.
- Skipuleggja stuðning og kennslu við hæfi.
- Vinna með nemendum einstaklingum eða hópum.
- Veita kennurum og foreldrum ráðgjöf.
Markmiðið er að styðja þátttöku og námsframvindu nemenda í daglegu skólastarfi.
Náms- og starfsráðgjafar styðja nemendur í námi og veita ráðgjöf um líðan, félagslegar aðstæður og framtíðaráform.
Þeir veita meðal annars:
- Einstaklingsráðgjöf.
- Stuðning við námsval og skipulag náms.
- Ráðgjöf vegna líðanar og félagslegra aðstæðna.
- Fræðslu um náms- og starfsval.
Náms- og starfsráðgjafar vinna í samstarfi við nemendur, foreldra og starfsfólk skóla.
Hægt er að óska eftir aðkomu sálfræðings ef áhyggjur vakna af líðan, hegðun eða námsframvindu nemanda.
Sálfræðingur vinnur með nemendum, foreldrum og starfsfólki skóla og veitir meðal annars:
- Ráðgjöf.
- Viðtöl.
- Mat á stöðu nemanda.
- Stuðning og tillögur að næstu skrefum.
Sálfræðingar koma einnig að fræðslu og forvarnarstarfi í skólum.
Talmeinafræðingur metur mál og tal nemenda þegar áhyggjur vakna af málþroska, tali eða framburði.
Talmeinafræðingur:
- Leggur mat á málþroska.
- Vinnur með nemendum í talþjálfun.
- Veitir foreldrum og starfsfólki ráðgjöf.
- Vinnur með skóla og öðrum fagaðilum þegar þörf er á.
Iðjuþjálfi styður nemendur sem eiga í erfiðleikum með hreyfifærni eða þátttöku í daglegu skólastarfi.
Iðjuþjálfi:
- Metur færni og aðstæður nemenda.
- Veitir ráðgjöf um hjálpartæki og aðlögun.
- Styður þátttöku í námi og félagslífi.
- Vinnur með nemendum, foreldrum og starfsfólki skóla.
Iðjuþjálfi getur einnig komið með tillögur að breytingum á náms- og vinnuumhverfi í skólanum.
Skólaþjónusta
Skólaþjónustan vinnur með nemendum, foreldrum og skólum á heildrænan hátt.
Áhersla er meðal annars á:
- Snemmtæka íhlutun.
- Gott upplýsingaflæði milli skólastiga.
- Samvinnu milli skóla, foreldra og sérfræðinga.
- Fræðslu fyrir börn, foreldra og starfsfólk.
Ráðgjöf og sérfræðiþjónusta
Ef foreldrar óska eftir ráðgjöf eða stuðningi fyrir barn sitt er best að byrja á að hafa samband við kennara eða annað fagfólk skólans.
Í gegnum skólaþjónustuna er meðal annars veitt:
Almenn kennsluráðgjöf
Kennsluráðgjafar styðja við faglegt starf grunnskólanna þannig að nemendur og starfsfólk fái notið sín sem best í námi og starfi.
Unnið er með fjölbreytta náms- og kennsluhætti til að mæta þörfum ólíkra nemenda.
Kennsluráðgjöf með áherslu á upplýsingatækni
Kennsluráðgjafar styðja grunnskóla í þróun kennsluhátta með áherslu á upplýsingatækni.
Kennsluráðgjöf í málefnum nemenda með annað móðurmál en íslensku
Við skólaþjónustu grunnskóla starfar kennsluráðgjafi sem veitir ráðgjöf um móttöku og kennslu nemenda með íslensku sem annað mál.
Atferlisráðgjafi veitir ráðgjöf með það að markmiði að hafa jákvæð áhrif á hegðun nemenda.
Sérstök stuðningsúrræði
Atvinnutengt nám er ætlað nemendum í 9. og 10. bekk sem glíma við námsleiða eða vanlíðan í skóla og talið er að námið styðji við skólagöngu þeirra.
Námið gefur nemendum kost á að kynnast atvinnulífinu og undirbúa sig fyrir framtíðina.
Nemendur sem vegna langvarandi veikinda eða slysa geta ekki tekið þátt í almennu skólastarfi eiga tímabundið kost á sjúkrakennslu.
Umfang kennslunnar ræðst af aðstæðum hverju sinni og er skipulagt í samvinnu skólastjóra og foreldra.
Fagteymi um réttindi og velferð barna er samráðsvettvangur grunnskóla í Kópavogi og menntasviðs Kópavogsbæjar.
Í fagteymum sitja fulltrúar grunnskólanna, Arnarskóla og menntasviðs. Markmið fagteymisins er að koma til móts við þarfir nemenda á sama tíma og velferð þeirra er tryggð.
Fagteymið:
- Veitir ráðgjöf til skóla.
- Styður við faglega úrvinnslu mála.
- Fer yfir einstaklingsbundnar áætlanir og atvik þegar þörf er á.
- Vinnur að því að draga úr líkum á að sambærileg atvik endurtaki sig.
Foreldrar eða forsjáraðilar eru upplýstir um vinnslu mála þegar þau eru tekin fyrir í fagteymi.
Fagteymið er fyrst og fremst samráðsvettvangur sem styður við fagleg vinnubrögð skóla og stendur vörð um réttindi nemenda og skólasamfélagið í heild sinni.
Stuðningur við börn og fjölskyldur
Ef stuðningur innan skólastarfs dugar ekki til er fjölbreytt ráðgjöf og stuðningur í boði hjá velferðarsviði Kópavogs.
Sjá nánarNámskeið
Að verða betri ég
Á menntasviði starfar forvarnarteymi sem samanstendur af fjölskyldufræðingi og foreldra- og uppeldisfræðingi. Teymið heldur námskeið í grunnskólum Kópavogs fyrir nemendahópa þar sem meginmarkmiðið er að efla tengslamyndum og stuðla að því að nemendum líði vel, bæði í leik og starfi.
Unnið er að því að:
- Efla ábyrgð, viðhorf og skilning nemenda á líðan sinni.
- Styrkja sjálfsmynd.
- Efla samkennd
- Ýta undir afstæða hugsun.
- Stuðla að jákvæðu viðhorfi og vellíðan.
- Læra og þjálfa núvitund.
Forvarnarteymið veitir einnig ráðgjöf til foreldra og býður upp á ýmis námskeið og fræðslu um uppeldi og velferð barna.
Skil milli skólastiga
Þegar barn flyst milli skólastiga er lögð áhersla á gott samstarf og upplýsingaflæði. Markmiðið er að tryggja samfellu í stuðningi og námi.
Að vori eru haldnir skilafundir milli starfsfólks leik- og grunnskóla þar sem farið er yfir stöðu barnsins og undirbúning að upphafi grunnskólagöngu.
Í sumum tilvikum eru einnig haldnir fundir með foreldrum og fulltrúum beggja skólastiga.
Starfsfólk leik- og grunnskóla heimsækir jafnframt hvert annað til að styrkja samstarf og samfellu milli skólastiga.
Þegar nemendur sem hafa fengið víðtækan stuðning í grunnskóla flytjast í framhaldsskóla er unnin tilfærsluáætlun með upplýsingum um nám og stuðning nemandans.
Að gerð hennar koma meðal annars:
- Nemandinn
- Foreldrar eða forsjáraðilar
- Kennarar
- Fagaðilar
Tilfærsluáætlunin hjálpar til við að tryggja að stuðningur og upplýsingar fylgi nemandanum milli skólastiga.