Er jólahús Kópavogs í götunni þinni?
Leitin að jólahúsi Kópavogs árið 2024 er hafin. Óskað er eftir tilnefningum íbúa sem geta sent inn ábendingar og hugmyndir á vef bæjarins.
Leitin að jólahúsi Kópavogs árið 2024 er hafin. Óskað er eftir tilnefningum íbúa sem geta sent inn ábendingar og hugmyndir á vef bæjarins .
Þetta er í þriðja sinn sem leitað er að jólalegasta húsinu í bænum. Í fyrra varð fyrir valinu hús í Daltúni 1 en ári áður var það Múlalind 2 sem hreppti titilinn.
„Þetta er svo skemmtilegt og dýrmætt að sjá alla þessa ljósadýrð á myrkasta tíma ársins,“ segir Elísabet Sveinsdóttir, formaður lista- og menningaráðs Kópavogs en það stendur fyrir leitinni á jólahúsinu.
Við valið á húsinu er horft til jólafílings, birtu og samhengis við umhverfið. Hægt er að skila inn tilnefningum til 12. desember og verður val á jólahúsinu kynnt þann 16.desember.
