Mynd­band um fram­tíð­ar­sýn Kárs­ness

Framtíðarsýn fyrir vestanvert Kársness er viðfangsefni nýs myndbands sem unnið hefur verið fyrir Kópavogsbæ. Auður Dagný Kristinsdóttir skipulagsfulltrúi Kópavogsbæjar, Halldóra Hreggviðsdóttir ráðgjafi hjá Alta og Jóhann Jökull Ásmundsson íbúi á Kársnesi fjalla um svæðið, þátttöku íbúa í skipulagsvinnu og fyrirhuguð áform á Kársnesi.

Leiðarljósið í framtíðarsýn Kársness er að þar verði að búa, starfa og heimsækja hverfið. Það er sérlega vel staðsett á höfuðborgarsvæðinu og verður áhersla á enn betri samgöngur og góða þjónustu. Mikil uppbygging hefur átt sér stað á Kársnesi undanfarin ár en um leið leitast við að varðveita staðaranda, fjölbreytta byggð og tengsl við náttúru.

Myndbandið er unnið í tengslum við rammahluta aðalskipulags fyrir vestanvert Kársness sem er hefur verið samþykktur af bæjarstjórn Kópavogs og er nú í staðfestingarferli.

Íbúar og önnur áhugasöm eru hvattir til að skoða myndbandið og kynna sér skipulagið.

Rammahluti aðalskipulags