Streymisfundur um Arnarnesveg
Tillaga að nýju deiliskipulagi Arnarnesvegar, 3. áfanga, verður kynnt á streymisfundi fimmtudaginn 3. mars.
Tillaga að nýju deiliskipulagi Arnarnesvegar, 3. áfanga, verður kynnt á streymisfundi fimmtudaginn 3. mars. Frestur til að senda athugasemdir hefur verið framlengdur til 11. mars.
Athugið að hlekkurinn verður virkur þegar útsending hefst
Deiliskipulagstillagan nær til hluta Arnarnesvegar, nýs vegar með tveimur akreinum í hvora átt, göngu- og hjólastíga, ásamt tveimur nýjum hringtorgum, frá gatnamótum Arnarnesvegar og Rjúpnavegar að fyrirhuguðum gatnamótum Breiðholtsbrautar og Arnarnesvegar og veghelgunarsvæða hans sem ná að jafnaði 30 metra út frá miðlínu vegarins.
Hægt er að kynna sér tillöguna á vef Reykjavíkurborgar og Kópavogsbæjar og senda fyrirspurnir fyrirfram á netföngin skipulag@reykjavik.is eða skipulag@kopavogur.is. Leitast verður við að svara þeim á fundinum. Einnig verður hægt að senda fyrirspurnir meðan á streyminu stendur.
Allar upplýsingar er að finna á reykjavik.is/arnarnesvegur.
Kópavogsbær Reykjavíkurborg Að fundinum standa Reykjavíkurborg, Kópavogsbær og Vegagerðin en auk fulltrúa þeirra verða á fundinum fulltrúar verkfræðistofunnar EFLU sem er ráðgjafi deiliskipulagsins.
