Skipulags- og umhverfisráð - 36. fundur

Skipulags- og umhverfisráð - 35. fundur frá 21.09.2026

26092155 - Silfursmári 1-7. Breytt aðalskipulag. Skipulags- og matslýsing.

Bæjarráð vísar afgreiðslu málsins til bæjarstjórnar.

26092156 - Silfursmári 1-7. Breytt deiliskipulag. Skipulags- og matslýsing.

Bæjarráð vísar afgreiðslu málsins til bæjarstjórnar.

26043172 - Dalvegur 1. Breyting á aðal- og deiliskipulagi.

Bæjarráð vísar afgreiðslu málsins til bæjarstjórnar.

Kynning á verkefninu LIFE Icewater. Kópavogsbær er í hópi 22 aðila sem hlotið hafa styrk sem er ætlað að flýta fyrir og bæta innleiðingu vatnaáætlunar á Íslandi. Hlutur Kópavogsbæjar snýr að aðgerðum til að koma vatnsgæðum Kópavogslækjar í betra ástand með fyrirbyggjandi aðgerðum, vakta ástand lækjarins og auka fræðslu til íbúa.

Gestur Pétursson, forstjóri Umhverfis- og orkustofnunar, Sæmundur Sveinsson sérfræðingur hjá Umhverfis- og orkustofnun og Karen Jónasdóttir, verkefnastjóri umhverfismála kynna verkefnið.

Kynning á fyrirhuguðum endurbótum á leik- og dvalarsvæðinu við Stelluróló (Holtsvöll) við Borgarholtsbraut.

Friðrik Baldursson garðyrkjustjóri gerir grein fyrir erindinu.

Vegagerðin og umhverfissvið sækja um framkvæmdaleyfi, dags. 1. október 2026, á grundvelli aðalskipulags til endurbóta á gatnamótum Nýbýlavegar, Ástúns og Þverbrekku í samræmi við framlögð gögn. Framkvæmdir munu hefjast um leið og leyfi fæst og taka um það bil 3 mánuði eða eftir tíðarfari. Ekki verður lokað fyrir umferð um gatnamótin á framkvæmdatíma en vænta má einhverja tímabundinna tafa. Í framkvæmdinni felst endurgerð núverandi gatnamóta þar sem beygjuvasar og framhjáhlaup verða aflögð, ný umferðarljós sett upp og aðstaða gangandi og hjólandi vegfarenda bætt. Lagður verður nýr göngustígur að gatnamótunum og gönguþveranir styttar til að auka öryggi allra vegfarenda.

Lögð fram kynning á aðgerðaráætlun Barnvæns sveitarfélags í Kópavogi.

Lögð fram tillaga áheyrnarfulltrúa Péturs Björgvins Sveinssonar, ódags., um að fela skipulagsfulltrúa að vinna tillögur að staðsetningu afgirtra hundagerða í hverfum Kópavogs.

Lögð fram tillaga áheyrnarfulltrúa Beitis Ólafssonar dags. 1. október 2026 um að skipulags- og umhverfisráð boði fulltrúa Skógræktarfélags Kópavogs á fund ráðsins til að fara yfir stöðu Guðmundarlundar.

Lögð fram fyrirspurn áheyrnarfulltrúa Beitis Ólafssonar dags. 1. október 2026 um lóðir í Vatnsendahvarfi.