Umhverfis- og samgöngunefnd - 32. fundur
í Fannborg 6, fundarherbergi 2. hæð
Mætt til fundar
Nefndarmenn
- Margrét Júlía Rafnsdóttir - aðalfulltrúi
- Steingrímur Hauksson - sviðsstjóri skipulags- umhverfissviðs
- Kristján Matthíasson - aðalfulltrúi
- Hreiðar Oddsson - aðalmaður
- Margrét Björnsdóttir - formaður
- Tryggvi Magnús Þórðarson - áheyrnarfulltrúi
- Svava Hrönn Guðmundsdóttir - varafulltrúi
- Gylfi Sigurðsson - áheyrnarfulltrúi
- Sólveig Helga Jóhannsdóttir - starfsmaður nefndar
- Birgir Hlynur Sigurðsson - skipulagsstjóri
Ritari
- Sólveig Helga Jóhannsdóttir
Dagskrá fundar
Fulltrúi frá heilbrigðiseftirliti Hafnarfjarðar- og Kópavogssvæðis kynnir mælingar á loftgæðum í landi Kópavogs.
Páll Stefánsson og Tore Skjenstad frá Heilbrigðiseftirliti Hafnarfjarðar- og Kópavogssvæðis kynntu annars vegar mælingar á loftgæðum almennt í þéttbýli Kópavogs og hins vegar í Lækjarbotnum. Umhverfis- og samgöngunefnd þakkar fyrir erindið.
Sviðsstjóri kynnir tillögu að Frisbígolfvelli í Kópavogi.
Verkefnið er ekki á fjárhagsáætlun og því er ekki hægt að fara í það að svo stöddu.
Lögð fram skýrsla um Grænt bókhald fyrir árið 2011
Lagt fram og kynnt. Athugasemdir og ábendingar skulu berast umhverfisfulltrúa fyrir 18. apríl n.k.
Óska þarf eftir tilnefningum vegna Umhverfisviðurkenninga fyrir árið 2013.
Umhverfis- og samgöngunefnd felur umhverfissviði að auglýsa eftir tilnefningum.
Umhverfisfulltrúi kynnir drög að nýju hvatningarverkefni, varðandi ferðamáta barna til og frá skóla.
Umhverfisfulltrúi kynnti verkefnið.
Umhverfisfulltrúi kynnir tillögu að líflegu Hálsatorgi sumarið 2013.
Lagt fram og kynnt.
Dagur umhverfisins er haldinn árlega 25. apríl.
Umhverfis- og samgöngunefnd felur umhverfissviði að auglýsa daginn á heimasíðu bæjarins og hvetur íbúa til að taka til í nærumhverfi sínu í tilefni dagsins.
Lagðar fram ábendingar um óþrifnað við hesthúsalóðir á Kjóavöllum.
Umhverfissviði er falið að vinna áfram m.a. með fulltrúum frá hestamannafélaginu Spretti að bættri umgengni á svæðinu. Mikilvægt er að svæðið sé snyrtilegt þar sem það er í mikilli nálægð við íbúða- og íþróttasvæði.
Borist hefur erindi, dags. 03.03.2013, frá Jóhanni Óla Hilmarssyni og Ólafi Einarssyni varðandi talningu á fuglum í Kópavogi árið 2013.
Frestað.
Dagskrá samráðsfundar Skipulagsstofnunar með sveitarfélögum kynnt.
Dagskrá kynnt.
Lagt fram erindi frá íbúa, dags. 02.03.2013. Einnig er lagt fram minnisblað umhverfissviðs.
Umhverfis- og samgöngunefnd felur umhverfissviði að vinna að málinu og svara erindinu.
Ábending barst, dags. 04.04.2013, vegna fjölda bíla frá Heilsugæslu höfuðborgarsvæðisins á bílastæðum við Hálsatorg.
Umhverfis- og samgöngunefnd leggur áherslu á það að bílastæði við torgið eru fyrir viðskiptavini og felur umhverfissviði að benda Heilsugæslu höfuðborgarsvæðisins á að bílastæði séu í bílastæðahúsi við Hábraut 4.