Þéttingarsvæði
Hér má nálgast upplýsingar um þau þéttingarsvæði sem eru í vinnslu hjá Kópavogsbæ.
Á fundi skipulagsráðs 19. desember 2022 var lögð fram að nýju tillaga Atelier arkitekta að breytingu á deiliskipulaginu Kársneshöfn fyrir lóðirnar nr. 2-4 við Bakkabraut, 1-3 við Bryggjuvör og 77 og 79 við Þinghólsbraut. Í breytingunni felst að núverandi atvinnuhúsnæði á lóðunum víki og íbúðarhús rísi í þess stað. Skipulagssvæðið afmarkast af Þinghólsbraut og lóðamörkum Þinghólsbrautar 73 og 75 í austri, fyrirhugaðri nýrri vegtengingu milli Borgarholtsbrautar og Bakkabrautar í norðri, fyrirhugaðs nýs hafnarkants til vesturs og núverandi grjótgarðs og strönd til suðurs. Gert er ráð fyrir að heildarfjöldi íbúða á reitnum verði að hámarki 150, á 2-4 hæðum þar sem 4. hæðin verður inndregin. Gert er ráð fyrir 0,75-1 bílastæði pr. íbúð, auk 0.2 fyrir gestastæði og að u.þ.b. 90% þeirra verði í innbyggðum og niðurgröfnum bílageymslum. Fyrirhugað er að heildarbyggingarmagn á svæðinu verði 24.995 m² ofan- og neðanjarðar með nýtingarhlutfalli 1,81. A-rými ofanjarðar 18.810m². B-rými ofanjarðar 2.385m². A-rými neðanjarðar 1.980m². B-rými neðanjarðar - Bílakjallari - 3.800m².
Þá lögð fram umsögn skipulagsdeildar dags. 15. desember 2022.
Skipulagsráð samþykkti framlagða tillögu að breyttu deiliskipulagi. Vísað til afgreiðslu bæjarráðs og bæjarstjórnar.
Á fundi bæjarstjórnar 10. janúar 2023 var afgreiðsla skipulagsráðs staðfest.
Deiliskipulagsbreyting þessi tekur gildi með birtingu auglýsingar í B-deild Stjórnartíðinda og telst þá málinu lokið.
Tillagan Borg í mótun/Grænn miðbær var hlutskörpust í hugmyndasamkeppni um þverun Reykjanesbrautar ásamt byggð yfir og/eða við Reykjanesbraut auk tengingar fyrir vistvæna ferðamáta í svæðiskjarna í Smára.
Niðurstaða keppninnar var kynnt miðvikudaginn 30. mars 2022 og verðlaunahöfum veittar viðurkenningar. Samkeppnislýsingu má nálgast hér.
Bæjarstjórn Kópavogs átti frumkvæðið að hugmyndasamkeppninni sem samþykkt var einum rómi í bæjarstjórn 11.maí, 2021.
Hugmyndasamkeppnin var unnin í samvinnu Kópavogsbæjar og Arkitektafélags Íslands. Markmið Kópavogsbæjar með samkeppninni var meðal annars að styrkja svæðiskjarnann í Smára og efla tengsl á milli svæða innan kjarnans fyrir alla ferðamáta. Verðlaunatillögur verða til sýnis í Bókasafni Kópavogs fram yfir helgi og og aðgengilegar á vef Kópavogsbæjar.
Höfundar verðlaunatillögunnar eru ASK arkitektar ehf., Þorsteinn Helgason, arkitekt FAÍ, Jakob Jakobsson, arkitekt FAÍ, aðstoð veittu: Anna Margrét Sigmundsdóttir, arkitekt FAÍ og Páll Gunnlaugsson, arkitekt FAÍ.
Í öðru sæti var tillagan Smárahvammur. Höfundar hennar eru: Arna Kristjánsdóttir, samgönguverkfræðingur, Berglind Hallgrímsdóttir, samgönguverkfræðingur, Hlynur Hugi Jónsson, landslagsarkitekt, Ómar Ingþórsson, landslagsarkitekt, Pétur Jónsson, landslagsarkitekt, Svana Rún Hermannsdóttir, landslagsarkitekt, Silja Traustadóttir, arkitekt, Þröstur Þór Bragason, miðlunarfræðingur, Guðmundur Sigfinnsson, hagfræðingur.
Þriðju verðlaun hlaut tillagan: Kjarninn – ávöxtur til framtíðar. Höfundar hennar eru: VSÓ ráðgjöf. Starfsfólk sem kom að tillögu: Andrea Kristinsdóttir, Orri Gunnarsson, Samúel Torfi Pétursson, Smári Ólafsson.
Á fundi bæjarstjórnar 14. desember 2021 var samþykkt tillaga að deiliskipulagi fyrir miðbær Kópavogs, Hamraborg, Fannborgarreit og Traðarreit vestur.
Hér að neðan eru gögn málsins:
Miðbær deiliskipulagsuppdráttur dags. 14. desember 2021
Miðbær greinargerð deiliskipulags dags. 14. desember 2021
Miðbær sérskilmálar deiliskipulags dags. 14. desember 2021
Umsögn Skipulagsstofnunar dags. 26. ágúst 2021.
Svar við umsögn Skipulagsstofnunar dags. 17. september 2021.
Umsögn Skipulagsstofnunar dags. 9. nóvember 2021.
Greinargerð með endanlegri áætlun dags. 24. nóvember 2021.
Skýringarmynd. Afstöðumynd. Dags. 14. desember 2021.
Skýringarmynd. Skilmálasneiðingar. Dags. 14. desember 2021.
Microclimate design. Starkstrad apríl 2021.
Aðgengi á framkvæmdatíma - áætlun.
Bílastæði á framkvæmdatíma - áætlun.
Minnisblað um bílastæðakröfur vegna Fannborgar 2, 4 og 6.
Athugasemdir og umsagnir. Samantekt.
Umsagnir umsagnaraðila. Fyrri hluti.
Umsagnir umsagnaraðila. Seinni hluti.
Umsögn skipulagsdeildar um innkomnar athugasemdir dags. 22. apríl 2021.
Á fundi bæjarstjórnar 22. september 2020 var samþykkt tillaga að breyttu aðalskipulagi fyrir Traðarreit austur, B29.
Hér að neðan eru gögn málsins; umsögn, greinargerð, ferill máls, athugasemdir og ábendingar ásamt fylgiskjölum 1-19.
- Traðarreitur - eystri. Umsögn og greinargerð.
- F 1. Húsakönnun.
- F 2. Fyrirspurn.
- F 3. Skipulagslýsing.
- F 4. Skipulagslýsing. Auglýsing.
- F 5. Skipulagslýsing. Umsagnir, athugasemdir og ábendingar.
- F 6. Vinnslutillaga ágúst 2019.
- F 7. Vinnslutillaga nóvember 2019
- F 8. Umhverfisskýrsla.
- F 9. Vinnslutillaga desember 2019. Auglýsing.
- F 10. Vinnslutillaga janúar 2020. Auglýsing.
- F 11. Vinnslutillögur. Kynning.
- F 12. Samantekt umsagna, athugasemda og ábendinga við vinnslutillögu.
- F 13. Tillaga að breyttu aðalskipulagi.
- F 14. Tillaga að deiliskipulagi.
- F 15. Erindi til Skipulagsstofnunar og afgreiðsla Skipulagsstofnunar.
- F 16. Auglýsing maí 2020.
- F 17. Kynning. Upptaka.
- F 18. Kynning á opnu húsi 25. júní og 9. júlí 2020.
- F 19. Athugasemdir, ábendingar og umsagnir sem bárust á kynningartíma.
- Glaðheimar vestur - Breytt deiliskipulag 9. desember 2021
- Glaðheimar vestur - Skipulagsskilmálar 9. desember 2021
- Glaðheimar vestur - Umsögn dags. 19. október 2020.
- Glaðheimar vestur - Skipulagsskilmálar dags. 19. október 2020.
- Glaðheimar vestur - Skýringahefti B, uppfært mv. 15 hæðir.
- Glaðheimar vestur - deiliskipulag 19. október 2020.
Á fundi bæjarstjórnar Kópavogs 12. desember 2017 var samþykkt tillaga að breyttu aðalskipulagi og deiliskipulagi á kolli Nónhæðar. Tillögurnar hafa nú verið sendar Skipulagsstofnun. Hér að neðan eru slóðir á breytt aðalskipulag; breytt deiliskipulag og greinargerð þar sem m.a. kemur fram ferill málsins, athugasemdir, ábendingar og umsagnir ásamt fylgiskjölum 1-26.
Aðalskipulag
Deiliskipulag
- Deiliskipulagsuppdráttur 14.07.2017 og breytt 29.11.2017.
- Skýringaruppdráttur 17.07.2017 og breytt 29.11.2017.
- Sérskilmálar 14.07.2017 og breytt 29.11.2017.
- Skuggavarp 14.07.2017.
- Nónhæð minnisblað - hljóðkort.
- Nónhæð - umhverfisáhrif.
- Nónhæð - fornleifaskráning.
- Skýringarhefti 08.08.2017.
Greinargerð og fylgiskjöl
201 Smári býr að því að vera í miðju höfuðborgarsvæðisins og í nálægð við stofnbrautir. Hverfið er rótgróið íbúða- og verslunarhverfi og nánast öll þjónusta í göngufæri.
Blönduð byggð íbúða og atvinnuhúsnæðis, vistvænar samgöngur, verslun og þjónusta verða áhersluatriði í uppbyggingu vestasta hluta Kársness. Samhliða uppbyggingu verður reist brú fyrir gangandi, hjólandi og almenningsvagna yfir Fossvog sem tengja mun svæðið við háskólasvæði Háskólans í Reykjavík, Háskóla Íslands og miðbæ Reykjavíkur.
Rammahluti aðalskipulags fyrir vestanvert Kársnes tók gildi í maí 2026. Í rammahlutanum er mótuð heildarstefna um framtíðarþróun á vestanverðu Kársnesi. Þar er lögð áhersla á að varðveita og efla sérkenni svæðisins, samþætta nýja uppbyggingu við núverandi byggð, bæta aðgengi og tengingar fyrir virka ferðamáta og skapa aðlaðandi almenningsrými.
Rammahluti aðalskipulags fyrir vestanvert Kársnes var samþykktur í maí 2026.
Hér fyrir neðan má nálgast gögn af kynningarfundi sem haldinn var í Kársnesskóla 29. nóvember 2016.
Nánari upplýsingar gefur starfsfólk skipulagsdeildar mánudaga til fimmtudaga frá kl. 09:00 til 15:00. Einnig má senda fyrirspurnir á skipulag@kopavogur.is.