Vorhreinsun

Kópavogsbær hvetur íbúa til að taka til hendinni eftir veturinn og gera garðana tilbúna til að taka á móti vorinu. Opnir gámar verða aðgengilegir íbúum á fimm stöðum í bænum þar sem hægt verður að losa sig við garðaúrgang og trjágreinar.

Gámarnir verða aðgengilegir á eftirfarandi stöðum frá 30. apríl til 19. maí árið 2024.

• Kársnes, við Vesturvör 14
• Digranes, við íþróttahúsið Digranesi
• Smára- og Lindahverfi, neðst á Glaðheimasvæðinu, Álalind 2
• Sala- og Kórahverfi, við Salalaug
• Þinga- og Hvarfahverfi, á bílastæði við Vallakór 8

Gámarnir eru einungis fyrir garðaúrgang og óheimilt er að setja annað í gámana.

Garðaúrgangurinn á ekki að fara í plastpokum í gáminn. Vinsamlegast losið úr pokunum í gáminn. Sá úrgangur sem kemur í gámana fer í endurvinnslu í Gas- og jarðgerðarstöð Sorpu þar sem unnin er molta og metangas.

Öðrum úrgangi skal skila á grenndarstöðvar eða til endurvinnslustöðva Sorpu. 

Athugið að ekki verður farið í götur bæjarins til að hirða garðaúrgang.