Frá skipulagsstjóra, dags. 20. september, lögð fram að nýju tillaga sviðsstjóra umhverfissviðs að breyttum lóðarmörkum Sunnubrautar 21, 23, 25, 27, 29, 31, 33, 35, 37, 39, 41, 43 og 45 vegna endurnýjunar á lóðaleigusamningum. Á fundi skipulagsnefndar 22.6.2015 var málinu frestað og vísað til umsagnar bæjarlögmanns. Lagt fram minnisblað lögfræðideildar dags. 20. júlí 2015; erindi Óskars Sigurðssonar hrl. fh. lóðarhafa Sunnubrautar 31, 35, 39, 43 og 45 dags. 21. desember 2015; erindi sviðsstjóra umhverfissviðs til Óskars Sigurðssonar hrl. dags. 5. janúar 2016; erindi sviðsstjóra umhverfissviðs til skipulagsnefndar dags. 7. janúar og 13. janúar 2016 og tölvupóstsamskipti Óskars Sigurðssonar hrl og sviðsstjóra umhverfissvið 8. og 9. febrúar 2016. Til umfjöllunar hefur verið í skipulagsnefnd tillaga að stækkun lóðanna Sunnubraut 21 til 45 (oddatölur), sbr. fundi skipulagsnefndar 18/1, 15/2, 11/4 og 27/6 2016. Fyrir liggur að endurnýja þarf lóðarleigusamninga fyrir umræddar lóðir. Núverandi afmörkun lóðanna er umfram upphaflega ætluð lóðarmörk og sýnd eru á þinglýstum lóðarleigusamningum og er ekki í samræmi við úthlutun lóðanna á sínum tíma. Skipulagsnefnd leggur til við bæjarráð og bæjarstjórn að lóðamörkum ofangreindra lóða verði ekki breytt sbr. þinglýsta samninga en að viðkomandi lóðarhafa verði heimiluð, á hans ábyrgð, afnot þess lands sem hann hefur afmarkað sér, á meðan Kópavogsbær þarf ekki á því landi að halda (sem er umfram þinglýsta samninga) svo sem vegna framkvæmda við veitumannvirki og stígagerð. Skipulagsnefnd samþykkti tillöguna og vísaði málinu til afgreiðslu bæjarráðs og bæjarstjórnar.
Pétur Hrafn Sigurðsson lagði til að málið verði lagt fyrir stjórn Sorpu bs. til kynningar áður en málið verður afgreitt í bæjarráði.
Tillagan var felld en tveir greiddu atkvæði með henni og tveir á móti. Atkvæði með tillögunni greiddu Pétur Hrafn Sigurðsson og Ólafur Þór Gunnarsson en atkvæði gegn henni greiddu Theódóra Þorsteinsdóttir og Hjördís Ýr Johnson. Karen Halldórsdóttir greiddi ekki atkvæði.
Fyrirliggjandi tillaga um tilraunaverkefni til eins árs um söfnun plasts var samþykkt með fjórum atkvæðum en Karen Halldórsdóttir greiddi ekki atkvæði.
Fulltrúar minnihlutans lögðu fram eftirfarandi bókun:
"Undirritaðir styðja það verkefni sem um ræðir að bæta plasti við í flokkun sorps enda er hér um tilraunaverkefni að ræða. Að ári er mikilvægt, verði verkefnið boðið út, að horft verði til allra þátta, þ.m.t. hvaða áhrif verkefnið hefur á byggðasamlagið Sorpu. Rétt hefði verið að kynna verkefnið innan stjórnar Sorpu áður en farið væri af stað.
Ólafur Þór Gunnarsson, Pétur Hrafn Sigurðsson, Birkir Jón Jónsson"