Skipulagsnefnd

1409005F - Skipulagsnefnd, 15. september, 1244. fundargerð í 17 liðum.
Lagt fram.

1405447 - Faxahvarf 10. Breytt deiliskipulag.
Skipulagsnefnd samþykkti tillöguna með tilvísan í 43. gr. skipulagslaga nr. 123/2010 og vísaði málinu til bæjarráðs og bæjarstjórnar. Bæjarráð vísar málinu til bæjarstjórnar til afgreiðslu.

1407257 - Glaðheimar gatnagerð
Samþykkt og vísað til bæjarráðs og bæjarstjórnar. Bæjarráð vísar málinu til bæjarstjórnar til afgreiðslu.

1409155 - Álmakór 17. Hækkun götukóta.
Hafnað. Vísað til afgreiðslu bæjarráðs og bæjarstjórnar.
Bæjarráð vísar málinu til bæjarstjórnar til afgreiðslu.

1405447 - Faxahvarf 10. Breytt deiliskipulag.
Skipulagsnefnd samþykkir tillöguna með tilvísan í 43. gr. skipulagslaga nr. 123/2010. Vísað til bæjarráðs og bæjarstjórnar. Bæjarstjórn staðfestir afgreiðslu skipulagsnefndar og samþykkir erindið með 11 atkvæðum.

1407257 - Glaðheimar gatnagerð
Samþykkt. Vísað til afgreiðslu bæjarráðs og bæjarstjórnar. Bæjarstjórn staðfestir afgreiðslu skipulagsnefndar og samþykkir tillöguna með 11 atkvæðum.

1409155 - Álmakór 17. Hækkun götukóta.
Hafnað. Vísað til afgreiðslu bæjarráðs og bæjarstjórnar
Bæjarstjórn staðfestir afgreiðslu skipulagsnefndar og hafnar erindinu með 10 atkvæðum. Einn bæjarfulltrúi greiddi ekki atkvæði.

1409012F - Skipulagsnefnd, 22. september, 1245. fundargerð í 6 liðum
Lagt fram.

1210126 - Breiðahvarf 4/Funahvarf. Breytt deiliskipulag
Lögð fram tillaga skipulags- og byggingardeildar að breyttu deiliskipulag fyrir Breiðahvarf 4 og Funahvarf 3. Skipulagsnefnd samþykkir með tilvísan til 43. gr. skipulagslaga nr. 123/2010 að auglýsa framlagða tillögu. Vísað til bæjarráðs og bæjarstjórnar. Bæjarráð vísar erindinu til bæjarstjórnar til afgreiðslu.

1409395 - Aðalskipulag Kópavogs 2012-2024. Aðgerðaráætlun.
Samþykkt. Vísað til bæjarráðs og bæjarstjórnar. Bæjarráð vísar erindinu til bæjarstjórnar til afgreiðslu.

1409209 - Vesturhluti Kársness. Deiliskipulag
Samþykkt. Skipulagsnefnd verði reglulega upplýst um framvindu verkefnisins. Vísað til bæjarráðs og bæjarstjórnar. Bæjarráð vísar erindinu til bæjarstjórnar til afgreiðslu.

1409252 - Bryggjuhverfi á Kársnesi. Færsla byggingarreita.
Skipulagsnefnd telur umrædda breytingu ekki varða hagsmuni annarra en lóðarhafa og samþykkir því breytinguna með tilvísan til 3. mgr. 44. gr. skipulagslaga nr. 123/2010. Vísað til bæjarráðs og bæjarstjórnar. Bæjarráð vísar erindinu til bæjarstjórnar til afgreiðslu.

1210126 - Breiðahvarf 4/Funahvarf. Breytt deiliskipulag
Skipulagsnefnd samþykkir með tilvísan til 43. gr. skipulagslaga nr. 123/2010 að auglýsa framlagða tillögu. Vísað til bæjarráðs og bæjarstjórnar.
Bæjarráð vísaði erindinu til bæjarstjórnar til afgreiðslu. Bæjarstjórn samþykkir með 11 atkvæðum að framlögð tillaga verði auglýst með tilvísan til 43. gr. skipulagslaga nr. 123/2010.

1409395 - Aðalskipulag Kópavogs 2012-2024. Aðgerðaráætlun.
Samþykkt. Vísað til bæjarráðs og bæjarstjórnar.
Bæjarráð vísaði erindinu til bæjarstjórnar til afgreiðslu. Bæjarstjórn samþykkir framlagt erindi með 11 atkvæðum.

1409209 - Vesturhluti Kársness. Deiliskipulag
Samþykkt. Skipulagsnefnd verði reglulega upplýst um framvindu verkefnisins. Vísað til bæjarráðs og bæjarstjórnar. Bæjarráð vísaði erindinu til bæjarstjórnar til afgreiðslu. Bæjarstjórn samþykkir framlagt erindi með 11 atkvæðum.

1409252 - Bryggjuhverfi á Kársnesi. Færsla byggingarreita.
Skipulagsnefnd telur umrædda breytingu ekki varða hagsmuni annarra en lóðarhafa og samþykkir því breytinguna með tilvísan til 3. mgr. 44. gr. skipulagslaga nr. 123/2010. Vísað til bæjarráðs og bæjarstjórnar. Bæjarráð vísaði erindinu til bæjarstjórnar til afgreiðslu. Bæjarstjórn samþykkir framlagt erindi með 10 atkvæðum. Einn bæjarfulltrúi greiddi ekki atkvæði.

Lögð fram í samræmi við 40. gr. skipulagslaga nr. 123/2010 lýsing á skipulagsverkefninu: "Deiliskipulag. Smárinn vestan Reykjanesbrautar. Ný vistvæn borgarbyggð" dags. 30.9.2014. Í lýsingunni koma m.a. fram áherslur bæjaryfirvalda við deiliskipulagsgerðina, upplýsingar um forsendur og fyrirliggjandi stefnu og fyrirhugað skipulagsferli, svo og um kynningu og samráð gangvart íbúum og öðrum hagsmunaaðilum. Enn fremur lagt fram í samræmi við 38. gr. ofangreindra laga erindi Regins hf. og Smárabyggðar ehf. dags. 15.10.2014 þar sem óskað er heimildar bæjaryfirvalda að vinna deiliskipulag af svæði sem afmarkast af Smárahvammsvegi, Fífuhvammsvegi, Reykjanesbraut og Hæðasmára.

Að lokinni kynningu er lagt fram að nýju erindi Jóhanns Magnúsar Kristinssonar, dags. 13.6.2014, f.h. lóðarhafa þar sem óskað er eftir breytingum á bílskúr á lóðinni Melaheiði 19. Í breytingunni felst að stækka við bílskúr til suðurs um 2,7 m eða 17,2 m2. Einnig er verði reist 23m2 opið bílskýli fyrir framan bílskúr á lóðamörkum sbr. uppdráttum dags. 26.4.2014 í mkv. 1:100 og 1:500. Á fundi skipulagsnefndar 21.7.2014 var samþykkt með vísan í 44. gr. skipulagslaga nr. 123/2010 að grenndarkynna framlagða tillögu fyrir lóðarhöfum við Melaheiði 17 og 21 ásamt Álfhólsvegi 90, 92 og 94. Kynningu lauk 3.10.2014. Engar athugasemdir eða ábendingar bárust.

Að lokinni kynningu er lögð fram að nýju tillaga STÁSS akritekta fh. lóðarhafa að viðbyggingu við Löngubrekku 25. Í tillögunni dags. 18. júní 2014 fellst að byggt er við neðri hæð núverandi einbýlishúss til vesturs um 60m2 viðbygging. Á fundi skipulagsnefndar 28.7.2014 var samþykkt með tilvísan í 44. gr. skipulagslaga nr. 123/2010 að grenndarkynna framlagða tillögu fyrir lóðarhöfum Löngubrekku 18, 20, 21, 22, 23, 27, Álfhólsvegi 43, 43a, 45. Kynningu lauk 1.10.2014. Engar athugasemdir eða ábendingar bárust.

Lagt fram að nýju erindi Kristins Ragnarssonar, arkitekts, dags. 5.6.2014 f.h. lóðarhafa að breyttu deiliskipulagi lóðanna við Almannakór 2, 4, og 6. Í breytingunni felst að í stað þriggja einbýlishúsa verði byggð þrjú parhús. Byggingarreitur stækkar úr 16x17m í 16x20m, þ.e. á hverri lóð stækkar byggingarreitur um 1,5m á hvorri hlið. Tvö bílastæði verða fyrir hverja íbúð. Heildarbyggingarmagn á lóð eykst úr 400m2 í 450m2 og hámarkshæð verður 6,75m í stað 6,3m sbr. erindi og uppdráttum dags. 4.6.2014. Kynningartíma lauk 6. ágúst 2014. Athugasemdir og ábendingar bárust frá Ágústi Sverri Egilssyni og Soffíu G. Jónasdóttur, Akrakór 7 og Ármanni E. Lund og Sigríði Láru Guðmundsdóttur, Akrakór 14 sbr. bréf daga. 5. ágúst 2014; Óskari Þór Ólafssyni og Ingunni Hjördísi Kristjánsdóttur, Almannakór 3 sbr. bréf dags. 29. júlí 2014; Örnu G. Tryggvadóttur og Birgi Ingimarssyni, Almannakór 8 sbr. bréf dags. 30. júlí 2014; erindi frá íbúum Almannakór 3, 8, Aflakór 21, 23, Akrakór 7 sbr. bréf dag. 30. júlí 2014. Á fundi skipulagsnefndar 18.8.2014 var málinu frestað.

Lagt fram erindi Andra Freys Gestssonar dags. 14.10.2014 vegna breytts deiliskipulags Örvasala 1. Í breytingunni felst að farið er 1,4x5m út fyrir byggingarreit á suðurhlið og 2x6,4m á vesturhlið. Aukning á byggingarmagni er í heildina 19,8m2 sbr. uppdráttum dags. 6.10.2014.

Þá lagður fram uppdráttur dags. 6.10.2014 með skriflegu samþykki lóðarhafa Örvasala 2, 3, 4, 6, 8, 10 Öldusala 2 og 4.

Lögð fram tillaga skipulagsstjóra þess efnis að haldinn verði kynningarfundur með íbúum Smárahverfis til að kynna Hverfisáætlun Smárans og vinnu við skipulagslýsingu að deiliskipulagi fyrir suðursvæði Smáralindar dags. 30.9.2014.

Frá byggingarfulltrúa:
Lagt fram erindi Sólveigar Guðmundsdóttur, Marbakkabraut 10, þar sem óskað er eftir að bæta tveimur bílastæðum á NV horni lóðarinnar.

Lagt fram erindi Jóns Hrafns Hlöðverssonar, byggingafræðings, dags. 14.10.2014 þar sem óskað er eftir að reisa þriggja hæða viðbyggingu við austurhlið Askalindar 1. Mesta hæð viðbyggingar verður 11,3m og heildarbyggingarmagn viðbyggingar er áætlað 555m2. Einnig verður kjallari stækkaður 12,7m til suðurs um á suðaustur horni lóðarinnar að lóðamörkum Akralindar 2. Stækkun kjallara verður 300m2 og heildaraukning á byggingarmagni því 855m2. Á lóðinni verða 49 bílastæði eftir breytingu og nýtingarhlutfall verður 0,80 sbr. uppdráttum frá Vektor dags. 20.6.2014.

Lagt fram erindi Sigurðar Hallgrímssonar, arkitekts, dags. 14.10.2014, f.h. lóðarhafa vegna breytts deiliskipulags Mánalindar 4. Í breytingunni felst að reisa 31,4m2 viðbyggingu á einni hæð við norðurhlið íbúðarhússins. Útlit viðbyggingar verður í samræmi við núverandi íbúðarhús. Hámarkshæð viðbyggingar verður 3,2m, nýtingarhlutfall er í dag 0,25 en verður eftir stækkun 0,29 sbr. uppdráttum dags. 14.10.2014.

Lagt fram erindi Haralds Valbergssonar, byggingarfræðings, dags. 10.10.2014, f.h. lóðarhafa vegna breytts deiliskipulags Austurkórs 153. Í breytingunni felst að í stað einbýlishúss á einni hæð og kjallara (þremur pöllum) komi einbýlishús á einni hæð. Aðkomukóti íbúðarhússins verður 119,50 og bílgeymsla 10cm neðar sbr. uppdráttum dags. 10.10.2014.

Lagt fram bréf frá úrskurðarnefnd Umhverfis- og auðlindamála dags. 19. september 2014 vegna kæru sem barst nefndinni 19.9.2014 þar sem kærð er ákvörðun Kópavogsbæjar um breytingu á deiliskipulagi við Markaveg 2, 3 og 4 í Kópavogi.

Lagt fram bréf frá úrskurðarnefnd Umhverfis- og auðlindamála dags. 12. september 2014 vegna kæru sem barst nefndinni 7. september 2014 þar sem kærð er ákvörðun Kópavogsbæjar um breytingu á deiliskipulagi við Löngubrekku 2.

Lagt fram erindi Sigurðar Hallgrímssonar dags. 2.10.2014 f.h. lóðarhafa að breyttu deiliskipulagi Dalaþings 36. Í breytingunni felst að engin bílgeymsla verði á lóðinni eins og skilmálar kveða á um en þess í stað verði bílskýli á neðri hæð hússins. Þá er óskað eftir að reisa útbyggingu á austurhlið hússins sem verður framlenging á bílskýli, 3x9m að stærð með 3m vegghæð. Útbygging rúmast innan leyfilegs byggingarreits bílgeymslu skv. gildandi skilmálum. Einnig er óskað eftir því að hafa svalir á norður hlið hússins, 2m á dýpt og 6m að lengd sbr. uppdráttum dags. 2.10.2014.

Frá byggingarfulltrúa:
Lagt fram erindi Örns Þórs Halldórssonar, arkitekts, dags. 17.9.2014, f.h. lóðarhafa vegna breytingu á Auðbrekku 16. Í breytingunni felst að efstu hæð hússins verði breytt í íbúð og settar verði svalir úr stáli á suðurhlið hússins sbr. uppdráttum dags. 17.9.2014.

Lagt fram að nýju erindi Arinbjarnar Snorrasonar þar sem óskað er eftir að breyta þegar byggðu einbýlishúsi við Þrymsali 1 í tvíbýlishús. Á fundi skipulagsnefndar 28.7.2014 var samþykkt með tilvísan í 43. gr. skipulagslaga nr. 123/2010 að grenndarkynna framlagða tillögu fyrir lóðarhöfum Þrymsala 2, 3, 5, Þrúðsala 1, 2 og Þorrasala 17. Kynningu lauk 29.9.2014. Athugasemdir bárust frá Guðmundi Erni Guðmundssyni, Þrymsölum 19, dags. 15.8.2014; frá Jóni Sigurðssyni, Þrymsölum 15, dags. 22.8.2014; frá Herdísi Björk Brynjarsdóttur, Þrymsölum 2, dags. 2.9.2014; frá Leifi Kristjánssyni, Þrymsölum 5, dags. 28.9.2014; frá Birni Inga Victorssyni, Þrymsölum 12, dags. 14.8.2014.

Lagt fram að nýju erindi Péturs Björnssonar, arkitekts, dags. 26.4.2014 f.h. lóðarhafa að breytingum að Sunnubraut 30. Á fundi skipulagsnefndar 28.7.2014 var samþykkt með tilvísan í 44. gr. skipulagslaga nr. 123/2010 að grenndarkynna framlagða tillögu fyrir lóðarhöfum 25, 26, 27, 28, 29, 31, 32, 33, 34, 35, 36, Þinghólsbrautar 25, 27, 29, 31. Kynningu lauk 10.9.2014. Athugasemdir bárust á kynningartíma frá Kristjáni Orra Helgasyni og Ingibjörgu Jónu Guðmundsdóttur, Sunnubraut 35, dags. 28.8.2014; frá Guðjóni Ingjólfssyni og Huldu Jónsdóttur, Sunnubraut 31 dags. 9.9.2014; frá Ormari Skeggjasyni, Sunnubraut 32, dags. 9.9.2014. Á fundi skipulagsnefdnar 15.9.2014 var málinu frestað og skipulags- og byggingardeild falið að taka saman umsögn um innsendar athugasemdir.

Lögð fram breytt tillaga dags. 16.7.2014 þar sem komið er til móts við innsendar athugasemidir. Einnig lagt fram minnisblað frá samráðsfundi sem haldinn var 8.10.2014, erindi frá íbúum Sunnubrautar 31 vegna fyrirhugaðra framkvæmda dags. 8.10.2014 og greinargerð byggingaraðila og lóðarhafa Sunnubrautar 30 vegna innsendra athugasemda dags. 15.10.2014.

Lagt fram að nýju erindi Tennisfélags Kópavogs og Tennishallarinnar er varðar stækkun tennishallarinnar til austurs. Viðbygging verður 36,7 x 39 metrar að stærð eða 1432m2. Hæsti punktur hennar verður 10m en vegghæð 6m. Á fundi skipulagsnefndar 28.7.2014 var málinu frestað og óskað eftir frekari tillögum frá umsóknaraðilum.

Lagt fram bréf frá Þresti Jóni Sigurðssyni f.h. Sporthússins dags. 13.8.2014.

Lagt fram ásamt uppfærðum teikningum að útliti hússins og fyrirkomulagi bílastæða dags. 10.9.2014.

Skipulagsstjóri fór yfir ferli aðalskipulagsbreytinga sbr. 30. og 36. gr. skipulagslaga nr. 123/2010.

Lögð fram að nýju tillaga Kristins Ragnarssonar, arkitekts dags. 8.14.2014, f.h. lóðarhafa að breyttri nýtingu húsnæðis á lóð nr. 3 við Furugrund. Á fundi skipulagsnefndar 15.9.2014 var erindinu frestað og óskað eftir umsögn frá menntasviði og Markaðsstofu Kópavogs.

Lagt fram bréf frá Snælandsskóla dags. 1.10.2014 þar sem spurst er fyrir um byggingaráform við Furugrund 3.

Lagt fram að nýju ásamt umsögn menntasviðs dags. 17.10.2014 og Markaðsstofu Kópavogs dags. 16.10.2014.

Þá lögð fram lýsing fyrir breytingu á verslunar- og þjónustusvæði við Furugrund dags. 20.9.2014.