Skipulagsráð

23031264 - Brú yfir Fossvog. Breytt deiliskipulag.

Bæjarráð vísar málinu til afgreiðslu bæjarstjórnar.



23091637 - Nýr miðlunargeymir Heimsenda. Kjóavellir. Breytt deiliskipulag.

Bæjarráð vísar málinu til afgreiðslu bæjarstjórnar.

2401016F - Skipulagsráð - 157. fundur frá 29.01.2024



23071264 - Sunnubraut 6. Kynning á byggingarleyfisumsókn.

Bæjarstjórn staðfestir afgreiðslu skipulagsráðs með 10 atkvæðum.

Helga Jónsdóttir vék af fundi vegna vanhæfis undir afgreiðslu málsins.



23111586 - Vatnsendablettur 510. Ósk um stofnun lóðar.

Bæjarstjórn staðfestir afgreiðslu skipulagsráðs og hafnar erindinu með 8 atkvæðum gegn atkvæði Theódóru S. Þorsteinsdóttur og hjásetu Sigrúnar H. Jónsdóttur og Sigurbjargar E. Egilsdóttur.



23092020 - Melgerði 11. Kynning á byggingarleyfisumsókn.

Bæjarstjórn staðfestir afgreiðslu skipulagsráðs með 11 atkvæðum og hafnar erindinu.



2401023F - Skipulagsráð - 158. fundur frá 05.02.2024



23031264Brú yfir Fossvog. Breytt deiliskipulag.

Bæjarstjórn staðfestir afgreiðslu skipulagsráðs með 11 atkvæðum.



23091637 - Nýr miðlunargeymir Heimsenda. Kjóavellir. Breytt deiliskipulag.

Bæjarstjórn staðfestir afgreiðslu skipulagsráðs með 11 atkvæðum.

Að beiðni Hákonar Gunnarssonar eru lögð fram drög að húsnæðisáætlun Kópavogsbæjar 2024.

Jakob Sindri Þórsson, sérfræðingur á stjórnsýslusviði, gerir grein fyrir erindinu.

Lögð fram umsókn Hrólfs Karls Cela arkitekts dags. 12. febrúar 2024 f.h. lóðarhafa lóðanna nr. 1-17 við Nónsmára um breytingu á deiliskipulagi.

Í breytingunni felst að á lóð B (Nónsmári 11-17) fjölgar íbúðum úr 45 í 47 en í dag er heimild fyrir 43 íbúðum. Húsnúmer breytast úr 9-15 í 11-17 vegna fjölgunar stigahúsa á lóð C. Hús 11 (áður 9) verði 3 hæðir ásamt kjallara í stað tveggja hæða ásamt kjallara. Hámarsflatarmál húss án kjallara hækkar um 490 m², úr 4.840 m² í 5.330 m². Bílastæðakrafa helst óbreytt. Nýtingarhlutfall án kjallara og bílageymslu hækkar úr 0,92 í 1,01. Þá er einnig óskað eftir heimild til að reisa garðstofu á þaksvölum sem nær út fyrir byggingarreit vegna hæðamismunar að hámarki 30 m².

Í breytingunni felst einnig að á lóð C (Nónsmári 1-9) fækki íbúðum úr 55 í 53 og að stigahúsum yrði fjölgað úr 4 í 5. Hús 1 verði 3 hæðir ásamt kjallara í stað tveggja hæða ásamt kjallara. Hámarksflatarmál hússins án kjallara hækki um 1.240 m², úr 5.960 m² í 7.200 m². Bílastæðakrafa helst óbreytt. Nýtingarhlutfall án kjallara og bílgeymslu hækki úr 0,94 í 1,10. Þá er einnig óskað eftir heimild til að reisa garðstofu á þaksvölum sem nær út fyrir byggingarreit vegna hæðamismunar að hámarki 30 m².

Lögun byggingarreits breytist en stækkar ekki. Lóðarmörk yrðu stækkuð við göngustíg samhliða Smárahvammsvegi og Arnarnesvegi til að uppfylla hljóðkröfur og aðlagast gatnakerfi við Smárahvammsveg.

Hrólfur Karl Cela og Anna Björg Sigurðardóttir, hönnuðir, gera grein fyrir erindinu.

Uppdrættir ásamt skuggavarpi og skýringum í mkv. 1:2000 dags. í febrúar 2024.

Lögð fram fyrirspurn lóðarhafa lóðarinnar nr. 53A við Þinghólsbraut dags. 10. janúar 2024 um að hækka þakið um 1.05m, bæta við gluggum á norður, suður og austurhlið í risi, koma fyrir baðherbergi í risi, byggja 16 m² viðbyggingu norðan megin við húsið og færa til eldhús og stiga. Byggingarmagn eykst um 92². Nýtingarhlutfall fer úr 0,35 í 0,41.

Uppdrættir í mkv. 1:500 og 1:200 dags. 16. febrúar 2024 ásamt minnisblaði skipulagsdeildar dags. 16. febrúar 2024.

Lagt fram erindi byggingarfulltrúa dags. 26. janúar 2024 þar sem byggingarleyfisumsókn lóðarhafa lóðarinnar nr. 62 við Álfhólsveg er vísað til skipulagsráðs. Sótt er um leyfi fyrir tveggja hæða viðbyggingu við austurhlið núverandi húss á lóðinni og fjölgun íbúða úr einni í tvær. Núverandi byggingarmagn á lóðinni eykst úr 187,5 m² í 331,3 m². Nýtingarhlutfall eftir breytingu verður 0,33.

Uppdrættir í mkv. 1:500 og 1:100 dags. 12. nóvember 2023 og uppfærðir 16. febrúar 2024 ásamt fylgiskjölum dags. 4. febrúar 2024.

Lögð fram fyrirspurn Ellerts Hreinssonar arkiteks dags. 1. febrúar 2024 f.h. knattspyrnudeildar Breiðabliks um að fá að staðsetja tvær 56,7 m² (9,16m x 6,19m), samtals 113,4 m², færanlegar skrifstofueiningar á lóðina til fimm ára. Uppdráttur í mvk. 1:500 og 1:100 dags. 1. febrúar 2024.

Á fundi skipulagsráðs þann 5. febrúar 2024 var erindið lagt fram, afgreiðslu var frestað.

Lögð fram að nýju að lokinni kynningu uppfærð umsókn Former arkitekta dags. 11. október 2023 f.h. lóðarhafa lóðarinnar nr. 13 við Dalsmára um breytingu á deiliskipulagi. Í breytingunni felst stækkun lóðarinnar um 10m frá núverandi lóðamörkum í austur, alls um 660 m² ásamt tillögu að viðbyggingu við núverandi hús á lóðinni alls um 1.800 m² að flatarmáli. Í umsókninni er einnig sótt um heimild fyrir veitingastað í flokki 2 í núverandi húsnæði á lóðinni. Á fundi skipulagsráðs þann 16. október 2023 var samþykkt að auglýsa framlagða tillögu. Kynningartíma lauk 22. janúar 2024, athugasemdir bárust.

Erindið var lagt fram á fundi skipulagsráðs þann 29. janúar 2023, afgreiðslu var frestað og vísað til umsagnar skipulagsdeildar.

Þá lögð fram umsögn skipulagsdeildar dags. 16. febrúar 2024 og uppfærður uppdráttur eftir auglýsingu dags. 16. febrúar 2024.