Skipulagsráð

2402014F - Skipulagsráð - 160. fundur frá 04.03.2024.



2402169 - Kópavogsdalur. Breytt deiliskipulag. Gervigrasvöllur vestan Fífu.

Bæjarstjórn staðfestir afgreiðslu skipulagsráðs með 10 atkvæðum og hjásetu Bergljótar Kristinsdóttur.



2312697 - Vatnsendablettur 1B. Breytt aðalskipulag.

Bæjarstjórn frestar erindinu til næsta fundar.



2402739 - Nónhæð. Nónsmári 1-17. Breytt deiliskipulag.

Bæjarstjórn hafnar erindinu með 8 atkvæðum gegn atkvæði Andra Steins Hilmarssonar og hjásetu Orra V. Hlöðverssonar, Sigrúnar H. Jónsdóttur.



23112029 - Logasalir 14. Breytt deiliskipulag.

Bæjarstjórn staðfestir afgreiðslu skipulagsráðs með 9 atkvæðum og hjásetu Þórarins H. Ævarssonar og Kolbeins Reginssonar.

2402014F - Skipulagsráð - 160. fundur frá 04.03.2024



2402169 - Kópavogsdalur. Breytt deiliskipulag. Gervigrasvöllur vestan Fífu.

Bæjarráð vísar afgreiðslu málsins til bæjarstjórnar.



2312697 - Vatnsendablettur 1B. Breytt aðalskipulag.

Bæjarráð vísar afgreiðslu málsins til bæjarstjórnar.



2402739 - Nónhæð. Nónsmári 1-17. Breytt deiliskipulag.

Bæjarráð vísar afgreiðslu málsins til bæjarstjórnar.



23112029 - Logasalir 14. Breytt deiliskipulag.

Bæjarráð vísar afgreiðslu málsins til bæjarstjórnar.

Lögð fram tillaga umhverfissviðs dags. 12. mars 2024 að breytingu á deiliskipulaginu, Hörðuvellir - Heilsu-, íþrótta- og fræðasetur samþykkt í bæjarstjórn 19. júlí 2005 með síðari breytingum og Hörðuvellir Miðsvæði, samþykkt í bæjarstjórn 28. ágúst 2014 en heildarskipulag sem er í gildi á svæðinu er deiliskipulag Hörðuvalla samþykkt 24. júlí 2003. Tillagan er unnin af VA arkitektum fyrir umhverfissvið. Afmörkun deiliskipulagsbreytingarinnar er lóð Vallakórs 12-16 en þar er íþróttaaðstaða HK ásamt Kóraskóla. Lóðin er um 6.89 hektarar að stærð. Í breytingunni felst að breyta núverandi knattvelli norðan við Kórinn þannig að hann uppfylli kröfur KSÍ til knattleikja í efstu deild en þar er kveðið á um lágmarksfjölda áhorfenda í sætum með yfirbyggðu þaki auk aðstöðu fyrir fjölmiðla og flóðlýsingu. Tillagan gerir ráð fyrir yfirbyggðri áhorfendastúku, tengibyggingu á milli stúku og núverandi fjölnota íþróttahúss. Í kringum keppnisvöllinn er öryggissvæði samkvæmt stöðlum KSÍ sem heimilt er að girða af. Í tengibyggingunni er gert ráð fyrir skrifstofum og starfsemi tengdri íþróttasvæðinu s.s. veislusal, hóparými, félagsrými o.fl. Fyrirhuguð aukning byggingarmagns á lóðinni er samtals 6.400 m², þar af 2.120 m² fyrir tengibyggingu. Heildarbyggingarmagn á lóðinni verður samtals 40.500 m² og nýtingarhlutfall 0,59. Lóðin er stækkuð á þann hátt að norðausturhorn hennar færist til að rýmka fyrir nýjum byggingarreit fyrir yfirbyggða áhorfendastúku og til þess að snúa sjálfum vellinum þannig að áhorfendastúkan verði fyrir miðju vallarins. Lóðin er stækkuð til norðurs og austurs um 1200 m² eða 0,12 ha.

Karl Magnús Karlsson, arkitekt frá VA arkitektum gerir grein fyrir tillögunni.

Lögð fram á vinnslustigi tillaga umhverfissviðs dags. 14. mars 2024 að nýju deiliskipulagi göngu- og hjólastíga um Kópavogsháls til forkynningar í samræmi við 2. mgr. 30. gr. og 4. mgr. 40. gr. skipulagslaga nr. 123/2010.

Megintilgangur deiliskipulagsvinnunnar er að mæla fyrir um legu og fyrirkomulag stofnstígs hjólreiða um Kópavogsháls og stuðla að auknu umferðaröryggi, sérstaklega gangandi og hjólandi vegfarenda.

Orri Gunnarsson, skipulagsfræðingur frá VSÓ ráðgjöf, gerir grein fyrir tillögunni.

Lögð fram breytt umsókn Kjartans Rafnssonar arkitekts dags. 14. mars 2024 f.h. lóðarhafa lóðarinnar nr. 14 við Logasali um breytingu á deiliskipulagi lóðarinnar. Á fundi skipulagsráðs þann 4. mars 2024 var umsókn dags. 29. nóvember 2023 lögð fram að lokinni kynningu ásamt umsögn skipulagsdeildar um innsendar athugasemdir á kynningartíma dags. 29. febrúar 2024. Skipulagsráð samþykkti umsóknina. Ofangreind breytt umsókn gerir ráð fyrir minni viðbyggingu en áður var ráðgert. Byggingarreitur á lóðinni stækkar um alls 12 m². Nýtingarhlutfall á lóðinni hækkar úr 0,37 í 0,38 við breytinguna. Byggingarmagn á lóðinni eykst úr 274,5 í 286,5 m². Heimilt hámark byggingarmagns samkvæmt gildandi deiliskipulagi er 300 m².

Uppdráttur í mkv. 1:1000 dags. 14. mars 2024.

Lögð fram umsókn Ellerts Hreinssonar arkitekts dags. 13. mars 2024 f.h. lóðarhafa lóðarinnar nr. 5 við Dalsmára um breytingu á deiliskipulagi. Í breytingunni felst að komið verði fyrir á lóðinni tveimur færanlegum skrifstofueiningum á tveimur hæðum alls 115 m² að flatarmáli, suðvestan við núverandi tengibyggingu íþróttahúss. Hámark byggingarmagns verður 10.315 m² eftir breytingu.

Uppdráttur í mkv. 1:2000 dags. 12. mars 2024.

Lögð fram umsókn lóðarhafa lóðarinnar nr. 29 við Ennishvarf dags. 7. mars 2024 um stækkun lóðarinnar um 100 m² til vesturs vegna tveggja smáhýsa á lóðinni.

Þá er einnig lagt fram minnisblað skipulagsdeildar dags. 14. mars 2024, uppfært 18. mars 2024.

Lögð fram fyrirspurn lóðarhafa lóðarinnar nr. 110 við Kársnesbraut dags. 6. mars 2024 um hækkun á þaki vörugeymslu á lóðinni og breytingu á notkun hennar í vinnustofu. Einnig er gert ráð fyrir nýrri klæðningu og nýjum gluggum til suðurs. Við breytinguna eykst byggingarmagn á lóðinni um 43 m².

Þá er einnig lagt fram minnisblað skipulagsdeildar dags 14. mars 2024.

Lögð fram fyrirspurn Ellert Hreinssonar arkitekts dags. 7. mars 2024 f.h. lóðarhafa lóðarinnar nr. 2 við Jórsali um breytingu á deiliskipulagi lóðarinnar. Í breytingunni felst 48 m² garðhýsi á norðvestur horni lóðarinnar. Gert er ráð fyrir að garðhýsið verði að miklu leiti niðurgrafið. Fyrirhuguð hæð er 1,3 m við lóðarmörk að gönguleið á bæjarlandi. Nýtingarhlutfall hækkar úr 0,39 í 0,45.

Þá er einnig lagt fram minnisblað skipulagsdeildar dags. 14. mars 2024.

Lagt fram minnisblað skipulagdeildar dags. 13. mars 2024 í samræmi við bókun bæjarfulltrúa Theódóru S. Þorsteinsdóttur við afgreiðslu umsóknar um breytta landnotkun Vatnsendabletts 1B. Óskað var eftir yfirliti yfir þær breytingar sem gerðar hafa verið á aðalskipulagi og deiliskipulagi m.t.t. jafnræðis milli lóðarhafa á skipulagssvæðinu.

Lögð fram að nýju að lokinni kynningu umsókn Sigurðar Lúðvíks Stefánssonar byggingarfræðings dags. 28. nóvember 2023 f.h. lóðarhafa lóðanna nr. 10 og 12 við Arnarsmára um breytingu á deiliskipulagi. Í breytingunni felst heimild fyrir fjarskiptaloftneti á vesturgafli húss.

Á fundi skipulagsráðs þann 4. desember 2023 var samþykkt að grenndarkynna tillöguna. Kynningartíma lauk 7. mars 2024 og engar athugasemdir bárust.