Umhverfis- og samgöngunefnd

Erindi Billboard ehf um uppsetningu og rekstur á strætóskýlum í Kópavogi. Alda Kristín Sigurðardóttir deildarstjóri innkaupadeildar er gestur undir þessum lið.

Áframhaldandi umræða um gerð og staðsetningu hjólabrettarskálar í Kópavogi. Málið var síðast á dagskrá umhverfis- og samgöngunefndar 18. október 2022. Ármann Halldórsson deildarstjóri framkvæmdadeildar kynnir.

Lögð fram drög að jafnréttis- og mannréttindastefnu Kópavogsbæjar. Jafnréttis- og mannréttindaráð hefur óskað eftir umsögn frá umhverfis- og samgöngunefnd um drög að jafnréttis- og mannréttindastefnu. Auður Kolbrá Birgisdóttir lögmaður af stjórnsýslusviði kynnir.

Kynning á fyrirkomulagi umhverfisviðurkenninga í Kópavogi árið 2023.

Lagt fram að nýju erindi Arinbjarnar Vilhjálmssonar, skipulagsstjóra Garðabæjar, dags. 14. mars 2023 þar sem óskað er eftir umsögn Kópavogsbæjar um tillögu að breytingu á Aðalskipulagi Garðabæjar 2016-2030 vegna stígakerfis í upplandi Garðabæjar. Í breytingunni felst endurskoðun á reiðleiðum og stígum til samræmis við deiliskipulagstillögur og friðlýsingartillögu sem kynntar eru samhliða.



Málið var lagt fyrir nefndina 18. apríl síðasliðinn þar sem óskað var eftir frekari gögnum varðandi umferðargreiningar og áhrif á umferð til og frá Vatnsendavegi ásamt þeim umhverfisáhrifum sem breytingar á nýtingu vegarins gætu haft í för með sér.



Á fundi nefndarinnar þann 16. maí voru lagðar fram umferðargreiningar og gögn um umhverfisáhrif. Óskað var eftir frekari umfjöllun um erindi skipulagsstjóra Garðabæjar á næsta fundi nefndarinnar. Auður D. Kristinsdóttir skipulagsfulltrúi verður gestur undir þessum lið.

Beiðni Indriða Inga Stefánssonar um umræðu um erindisbréf nefndarinnar. Hvert verksvið nefndarinnar er og hvernig málum er komið á dagskrá. Pálmi Þór Másson bæjarritari er gestur undir þessum lið.

Kynning á verkefninu "Menningarmiðja Kópavogs". Soffía Karlsdóttir forstöðumaður menningarmála kynnir.

Lögð fram með afbrigðum umsókn Vegagerðarinnar dags. í febrúar 2023 um framkvæmdaleyfi fyrir áframhaldandi tvöföldun Suðurlandsvegar (Hringvegar 1) frá núverandi fjögurra akreina vegi í Lögbergsbrekku að Gunnarshólma, vegamótum við Geirland og Lækjarbotna ásamt hliðar- og tengivegum. Sótt er um leyfi fyrir hreinsun undirstöðu vega, gerð nauðsynlegra fyllinga og skeringa, lagningu styrktar- og burðarlaga ásamt slitlagi þannig að vegir uppfylli hönnunar- og öryggiskröfur sem til þeirra eru gerðar.

Á fundi skipulagsráðs þann 19. júní 2023 samþykkti skipulagsráð með fimm atkvæðum veitingu framkvæmdaleyfis með tilvísun í 13. og 14 gr. skipulagslaga nr. 123/2010 og vísaði afgreiðslu málsins til bæjarráðs og bæjarstjórnar.