Skipulags- og umhverfisráð - 37. fundur

Skipulags- og umhverfisráð - 35. fundur frá 21.09.2026

26092155 - Silfursmári 1-7. Breytt aðalskipulag. Skipulags- og matslýsing.

Bæjarstjórn staðfestir afgreiðslu skipulags- og umhverfisráðs með 7 atkvæðum gegn atkvæðum Einars Jóhannesar Guðnasonar, Jónasar Más Torfasonar og Eydísar Ingu Valsdóttur og hjásetu Maríu Ellenar Steingrímsdóttur.

26092156 - Silfursmári 1-7. Breytt deiliskipulag. Skipulags- og matslýsing.

Bæjarstjórn staðfestir afgreiðslu skipulags- og umhverfisráðs með 7 atkvæðum gegn atkvæðum Einars Jóhannesar Guðnasonar, Jónasar Más Torfasonar og Eydísar Ingu Valsdóttur og hjásetu Maríu Ellenar Steingrímsdóttur.

26043172 - Dalvegur 1. Breyting á aðal- og deiliskipulagi.

Bæjarstjórn staðfestir afgreiðslu skipulags- og umhverfisráðs með 11 atkvæðum.

Skipulags- og umhverfisráð - 36. fundur frá 05.10.2026

Fundargerð í átta liðum.

Lagt fram.

Lagt fram erindi skipulagsfulltrúa dags. 15. október 2026 þar sem óskað er eftir heimild skipulags- og umhverfisráðs til að hefja vinnu við gerð deiliskipulags fyrir Kópavogshöfn.

Samþykkt að hafin verði skipulagsvinna fyrir Kópavogshöfn í samræmi við erindi skipulagsfulltrúa dags. 15. október 2026.

Bókun:

„Skipulagsráð fagnar því að nú sé hafin vinna við breytingu á deiliskipulagi Kópavogshafnar í samræmi við þá framtíðarsýn sem mótuð var í rammahluta aðalskipulags fyrir vestanvert Kársnes. Hér er stigið mikilvægt skref í átt að því að þróa höfnina í líflegt og fjölbreytt hafnar- og útivistarsvæði þar sem hafnsækin starfsemi, mannlíf og aðgengi almennings að sjávarsíðunni fara saman.“

Lögð fram að nýju umsókn Andra Klausen arkitekts dags. 26. maí 2026 f.h. lóðarhafa lóðarinnar nr. 30 og 30A við Dalveg um breytingu á deiliskipulagi. Í breytingunni felst fjölgun tenginga lóðarinnar við Dalveg. Fyrirhuguð er ný hægri handar inn-/útkeyrsla á Dalveg norðan við byggingarreit nr. 30A. Einnig er gert ráð breyttu fyrirkomulagi bílastæða ofanjarðar og breytingu á göngu/hjólatengingum innan lóðarinnar. Á fundi skipulags- og umhverfisraðs þann 15. júní 2026 var erindinu vísað til umsagnar skipulagsfulltrúa. Einnig er lögð fram umsögn skipulagsfulltrúa dags. 14. október 2026 ásamt minnisblaði frá VSÓ Ráðgjöf dags. 22. september 2026 og uppfærðum uppdrætti dags. 25 maí 2026 með breytingum dags. 14. október 2026

Samþykkt með vísan til 3. mgr. 44. gr. skipulagslaga nr. 123/2010.

Lögð fram að nýju að lokinni grenndarkynningu umsókn lóðarhafa lóðarinnar nr. 1 við Dofrakór dags. 9. júlí 2026 um breytingu á deiliskipulagi. Fyrri umsókn um breytingu á deiliskipulagi dags. 27. febrúar 2026 var synjað af skipulags- og umhverfisráð og var afgreiðslan staðfest á fundi bæjarstjórnar 23. júní 2026. Á fundi skipulags- og umhverfisráðs þann 7. september 2026 var beiðni um endurupptöku máls lögð fram og var samþykkt að grenndarkynna uppfærða tillögu Jens Arnars Árnasonar dags. 9. júlí 2026 f.h. lóðarhafa að breytingu á deiliskipulagi lóðarinnar. Í tillögunni felst að byggingarreitur á austurhluta núverandi íbúðarhúss stækkar og heimiluð verði viðbygging á einni hæð með þaksvölum, allt að 59,5 m² að flatarmáli, með tengingu við núverandi íbúð. Gert er ráð fyrir nýrri útidyrahurð á efri hæð núverandi húss með tengingu út á þaksvalir. Þá er sótt um að lóðin verði stækkuð um 78 m² til austurs inn á bæjarland og að felld verði úr gildi áður samþykkt deiliskipulagsbreyting frá 3. apríl 2008 sem heimilaði stækkun byggingarreits til norðausturs fyrir garðskýli á einni hæð. Uppdrættir dags. 9. júlí 2026. Tillagan var grenndarkynnt frá 10. september 2026 til 11. október 2026. Engar athugasemdir bárust.

Samþykkt með vísan til 2. mgr. 43. gr. skipulagslaga nr. 123/2010.

Vegagerðin og umhverfissvið Kópavogs sækja um framkvæmdaleyfi, dags. 1. október 2026, vegna endurbóta á gatnamótum Nýbýlavegar, Ástúns og Þverbrekku í samræmi við framlögð gögn. Framkvæmdir munu hefjast um leið og leyfi fæst og taka um það bil 3 mánuði eða eftir tíðarfari. Ekki verður lokað fyrir umferð um gatnamótin á framkvæmdatíma en vænta má einhverja tímabundinna tafa. Í framkvæmdinni felst endurgerð núverandi gatnamóta þar sem beygjuvasar og framhjáhlaup verða aflögð, ný umferðarljós sett upp og aðstaða gangandi og hjólandi vegfarenda bætt. Lagður verður nýr göngustígur að gatnamótunum og gönguþveranir styttar til að auka öryggi allra vegfarenda. Á fundi skipulags- og umhverfisráðs þann 5. október 2026 var afgreiðslu frestað. Einnig er lagt fram minnisblað VSÓ dags. 16. október 2026 og umsögn Lögreglunnar á Höfuðborgarsvæðinu dags. 16. október 2026.

Birkir Rútsson, deildarstjóri gatnadeildar, tók sæti á fundinum undir þessum lið.

Frestað. Skipulags- og umhverfisráð óskar eftir skýrari greiningu á áhrifum þess á afkastagetu gatnamótanna og umferðaröryggi gangandi og hjólandi vegfarenda að núverandi framhjáhlaup við gatnamótin verði að ljósastýrðum hægri beygjuakreinum.

Lögð fram fyrirspurn Hjalta Brynjarssonar arkitekts dags. 1. október 2026 f.h. lóðarhafa lóðarinnar nr. 10-32 við Roðahvarf um fjölgun íbúða úr 73 í 97. Á embættisafgreiðslufundi skipulagsfulltrúa þann 13. október 2026 var fyrirspurninni vísað til skipulags- og umhverfisráðs. Einnig er lögð fram umsögn skipulagsfulltrúa dags. 16. október 2026.

Frestað.

Lögð fram fyrirspurn Hjalta Brynjarssonar arkitekts dags. 7. október 2026 f.h. lóðarhafa lóðarinnar nr. 25-33 við Hallahvarf um breytingu á deiliskipulagi. Í breytingunni felst fjölgun íbúða um þrjár, úr 33 í 36. Á embættisafgreiðslufundi skipulagsfulltrúa þann 13. október 2026 var fyrirspurninni vísað til skipulags- og umhverfisráðs. Einnig er lögð fram umsögn skipulagsfulltrúa dags. 16. október 2026.

Frestað.

Lögð fram að nýju tillaga bæjarfulltrúa Eydísar Ingu Valsdóttur og varabæjarfulltrúa Orra Thors Eggertssonar um forgangsröðun aðgerða vegna hreinsunar Kópavogslækjar. Á fundi skipulags- og umhverfisráðs þann 21. september 2026 var erindinu vísað til umsagnar verkefnastjóra umhverfismála. Einnig er lögð fram umsögn verkefnastjóra umhverfismála dags. 14. október 2026.

Karen Jónasdóttir, verkefnastjóri umhverfismála, tók sæti á fundinum undir þessum lið.

Lagt fram.

Bókun:

„Fulltrúar Samfylkingarinnar telja svör umhverfissviðs ófullnægjandi.

Svörin frá umhverfissviði vísa til fyrra svars og til LIFE Icewater verkefnisins, sem sagt er vera „í sjálfu sér aðgerðaráætlun“ bæjarins. Þó að verkefnið hafi verið kynnt í heild sinni eru aðgerða- og tímaáætlanir þess í Kópavogi enn óljósar. Skipulags - og umhverfisráð náði þverpólitískri samstöðu um mikilvægi þessa verkefnisins á síðasta kjörtímabili og því er brýnt að ráðið sé upplýst reglulega um stöðu mála. Hreinsun lækjarins er eitt af lykilatriðum hvað varðar framtíðarskipulag Kópavogsdalsins. Þá vekur athygli að í svörum umhverfissviðs er í engu vikið að lið 3 tillögunnar, um merkingar meðfram Kópavogslæk sem vara við mengun hans. Fulltrúar Samfylkingarinnar telja merkingar vera einfalda og ódýra aðgerð sem varðar öryggi bæjarbúa og þarf ekki að bíða niðurstaðna frekari rannsókna. Á meðan ástand lækjarins er eins og raun ber vitni eiga bæjarbúar rétt á að vita af því.“

Eydís Inga Valsdóttir og Hákon Gunnarsson

Bókun:

„Meirihlutinn telur mikilvægt að halda áfram markvissri vinnu við úrbætur á Kópavogslæk og ljúka þeim aðgerðum sem þegar eru hafnar. Eins og fram hefur komið standa yfir fjölþættar aðgerðir sem miða að því að bæta vatnsgæði og draga úr mengun í Kópavogslæk. Sú vinna hófst á síðasta kjörtímabili í samstarfi við LIFE Icewater-verkefnið.

Verkefnin voru kynnt fyrir ráðinu á síðasta fundi þess, 5. október sl. Þar kom fram að m.a. standi yfir vöktun og mælingar auk ýmissa aðgerða sem miða að því að bæta vatnsgæði lækjarins.

Meirihlutinn tekur undir mikilvægi þess að ráðið verði upplýst reglulega um framvindu verkefnisins.“

Hjördís Ýr Johnson, Andri Steinn Hilmarsson, Árnína Steinunn Kristjánsdóttir, Guðmundur Jóhann Jónsson og Orri Vignir Hlöðversson.

Fundarhlé hófst kl. 17:16, fundi fram haldið kl. 17:47.