Kópavogsbær

Hugleiðingar um vináttuna eftir börn í fjórðu bekkjum grunnskóla Kópavogs. Verkin, sem eru í formi texta og teikninga, voru unnin að loknum heimsóknum barnanna í Bókasafn Kópavogs í mars 2024 þar sem Bergrún Íris Sævarsdóttir, rithöfundur og teiknari, ræddi við þau um sköpunarkraftinn og vináttuna.Sýningin er á annarri og þriðju hæð bókasafnsins og stendur yfir frá 24. apríl til 12. maí næstkomandi.Sýningin er liður í Barnamenningarhátíð í Kópavogi 2024. Lista- og menningarráð Kópavogsbæjar styrkir hátíðina.

Brúðuleikhús, kórpartý, krakkajóga og lúðrastuð. Verið hjartanlega velkomin á Barnamenningarhátíð í Kópavogi, laugardaginn 27. apríl. Við erum komandi kynslóðirFjörug tónlistardagskrá í Salnum 12:00 – 12:40Krakkakór Kársness, Stórikór Kársness og Skólakór KársnessStjórnandi: Álfheiður Björgvinsdóttir 13:00 – 13:25Skólahljómsveit Kópavogs ásamt Sölku Sól (á útisvæði)Stjórnandi: Össur Geirsson 13:30 – 13:50Barnakór og Skólakór SmáraskólaStjórnand: Ásta Magnúsdóttir 14:00 – 14:25Kór HörðuvallaskólaStjórnandi: Ása Valgerður Sigurðardóttir 14:30 – 14:50Kórar Hörðuvalla-, Kársnes- og SmáraskólaSérstakir gestir eru Íris Rós og Kjalar 15:00 – 15:45Litlikór Kársness, Stórikór Kársness og Skólakór KársnessStjórnendur: Álfheiður Björgvinsdóttir og Þóra Marteinsdóttir 16:00 – 16:30Marimbasveit Smáraskóla Smiðjur og sprell 13:30 – 15:30Kórónusmiðja (Bókasafn Kópavogs, 3. hæð) 13:30 – 15:30Málað með mold (á útisvæði) 14:00 – 14:30Krakkajóga (á útisvæði) 14:30 – 16:30Brúðusmiðja (Gerðarsafn) Sýningar Geimveruslamm Vídeóverk og brúðusýning eftir nemendur af unglingastigi Kársnesskóla. (Gerðarsafn)„Hún skín í hjörtum okkar“Hugleiðingar um vináttuna eftir börn úr fjórða bekk í grunnskólum Kópavogs (Bókasafn) Í öðrum heimiSýning á ljóðum sem bárust í ljóðasamkeppni grunnskóla Kópavogs 2024 (Bókasafn) Lista- og menningarráð Kópavogsbæjar styrkir Barnamenningarhátíð í Kópavogi

Verið velkomin á leiðsögn Þórs Vigfússonar og Heiðars Kára Rannverssonar sýningarstjóra laugardaginn 27. apríl kl. 13:00 í Gerðarsafni. Eftir leiðsögnina í Gerðarsafni verður gengið saman yfir í Y gallerí í Hamraborg þar sem leiðsögnin mun halda áfram en þar eru einnig til sýnis verk eftir Þór. Á sýningunni Tölur, staðir má sjá og upplifa nýja innsetningu eftir myndlistarmanninn Þór Vigfússon sem hann vinnur sérstaklega með sýningarsal Gerðarsafns í huga. Sýningin samanstendur af fjölda jafnstórra ferninga úr lituðu gleri sem dreifast um veggi salarins eftir ákveðinni reglu og mynda víxlverkun milli forma, lita og rýmis. Við fyrstu sýn virðist sýning Þórs lítillát og óhlutbundin innsetning sem leiðir hugann að verkum í anda geómetríu eða naumhyggju. En þrátt fyrir sparsamt efnisval og framsetningu má við nánari athugun greina flókna hugmyndalega nálgun á sjálft skúlptúrformið. Hér veltir listamaðurinn meðal annars fyrir sér þeim fagurfræðilegu möguleikum sem leynast í gleri og öðrum iðnaðarefnum og hvernig sjónræn og hárnákvæm tæknileg útfærsla þeirra getur haft mótandi áhrif á skynjun áhorfandans. Þá grundvallast sýningin á þeirri hugmynd að ekki aðeins framsetning heldur einnig staðsetning listaverks, það umhverfi sem verkið birtist í hverju sinni, hafi bein áhrif á upplifun og merkingarsköpun áhorfenda; ekki aðeins af verkinu sjálfu heldur einnig rýminu sem það umlykur. Sýningarstjóri er Heiðar Kári Rannversson. Ljósmynd: Sigríður Rut Marrow.

Komum saman og búum til litskrúðugar ævintýrakórónur í sumarbyrjun, litlar og stórar, skrýtnar og skemmtilegar. Smiðjan fer fram á þriðju hæð bókasafnsins. Aðgangur er ókeypis og öll velkomin á meðan húsrúm leyfir.

Ungir myndlistarmenn úr 8. 9. og 10. bekkjum Kársnesskóla sýna brúðuskúlptúra og vídeóverk sem unnið var í smiðjum hjá myndlistarmönnunum Styrmi Erni Guðmundssyni og Agötu Mickiewicz í tilefni Barnamenningarhátíðar. Brúðurnar eru innblásnar af geimverum sem lenda á plánetunni jörð til að taka þátt í hæfileikakeppni. Samhliða sýningunni fer fram brúðusmiðja á neðri hæð Gerðarsafns, laugardaginn 27. apríl milli 14:30 og 16:30. Allur efniviður verður á staðnum. Aðgangur er ókeypis og öll velkomin á meðan húsrúm leyfir. Sýnendur á Geimveruslammi:8.bekkurKatrín Rós HarðardóttirStígur Sær Kjartansson 9. bekkurAldís Lilja HafsteinsdóttirBríet Helga HjartardóttirElísabet Agla NicholasdóttirEma SavickyteMaría Kristín Elísdóttir 10.bekkurEmil Aron GuðmundsdóttirKató GuðbrandsburMilena BogdanovaSara Lind Elvarsdóttir

Fjölskyldujógaviðburður á útisvæði menningarhúsanna. Ungum sem öldnum gefst gott tækifæri til að koma saman á heilbrigðan og skemmtilegan hátt. Við höfum kærleikann og gleðina að leiðarljósi og gerum okkar besta í að anda djúpt, gera jógaæfingar, teygja á, fara í leiki, gera hugleiðslu og slaka vel á í lokin. Inga Margrét og Arnbjörg leiða stundina. Aðgangur er ókeypis og öll hjartanlega velkomin. Viðburðurinn er liður í Barnamenningarhátíð í Kópavogi. Lista- og menningarráð Kópavogsbæjar styrkir hátíðina.

Á útisvæði menningarhúsanna verður boðið upp á skemmtilega smiðju á Barnamenningarhátíð þar sem börn og fjölskyldur geta málað saman málverk með mold.Leiðbeinandi í smiðjunni er Örn Alexander Ámundason, myndlistarmaður.Aðgangur er ókeypis og öll hjartanlega velkomin. Smiðjan er liður í Barnamenningarháíð í Kópavogi sem styrkt er af lista- og menningarráði Kópavogsbæjar.

Dýnamík, tónlitun, kraftur Þrjú mögnuð tónverk frá 20. öld prýða efnisskrá þessara tónleika þar sem fram koma píanóleikararnir Erna Vala Arnardóttir og Romain Þór Denuit ásamt slagverksleikurunum Frank Aarnink og Kjartani Guðnasyni. Ballettinn Petrúska er eitt vinsælasta og áhrifamesta verk Igor Stravinskys og hljómar hér í glænýrri útsetningu Ernu Völu og Romain Þórs fyrir tvo flygla og tvo slagverksleikara. Hér verða einnig fluttir valdir kaflar úr meistaraverkinu West Side Story eftir Leonard Bernstein í útsetningu fyrir tvo flygla og slagverk en útsetninguna gerði Irwin Kostal að beiðni Bernstein sjálfs, fyrir hinar heimsþekktu Labèque systur. Tónleikunum lýkur svo með einu margrómaðasta kammerverki 20. aldarinnar, Sónötu fyrir tvö píanó og slagverk eftir Béla Bartók. Verkið sló í gegn strax við frumflutning árið 1937 og hefur allar götur síðan verið á meðal vinsælustu tónverka ungverka tónskáldsins og píanóvirtúóssins. Efnisskrá:Igor StravinskyPetrúska fyrir tvo flygla og tvo slagverksleikara í útsetningu Ernu Völu Arnardóttur og Romain Þórs Denuit Leonard BernsteinÚr West Side Story fyrir tvo flygla og tvo slagverksleikara í útsetningu Irwin KostalBéla BartókSónata fyrir tvö píanó og slagverk Á undan tónleikunum verður boðið upp á tónleikaspjall í forsal Salarins þar sem fjallað verður um efnisskrá dagsins. Tónleikakynningin hefst klukkan 19:00 og stendur í um 30 mínútur. Aðgangur er ókeypis og öll hjartanlega velkomin.

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs

Logar í skýjum er heiti vortónleika Karlakórs Kópavogs að þessu sinni. Við fögnum logandi vorsólarlaginu með söngvum um logandi tilfinningar, ást, eftirsjá, vonir, þrár, söknuður, svik og sættir. Til að kynda ennfrekar í öllu þessum glæðum verður með okkur einvala lið listamanna, Viðar Gunnarsson bassi, Gissur Páll Gissurarson tenór og Hrönn Þráinsdóttir píanóleikari. Brennustjóri er Sigurður Helgi og kveikt verður í kl 20.00 30. apríl og 2 maí. Að loknum tónleikum geta gestir sest niður í brekkuna við Digraneskirkju, skoðað kynjamyndir í skýjunum og velt fyrir sér tilgangi lífsins. Við hlökkum til að hitta ykkur Miðasala er á Tix.is

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og allir velkomnir! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Á fundinum 2. maí tökum við fyrir bókina Minningaskrínið eftir Kathryn Hughes. Jenny opnar skrínið sem hún hefur varðveitt í marga áratugi. Þar geymir hún dýrmætustu minjagripi sína, þar á meðal steinvölu, útskorna styttu og blaðaúrklippu sem hún afber varla að líta á. Hún veit að loksins er tíminn runninn upp. Eftir stríðið skildi hún hluta af hjarta sínu eftir í sjávarþorpi á Ítalíu. Hún verður að snúa aftur til Cinque Alberi, hve erfitt sem það mun reynast, og sættast við fortíðina. Candice átti erfiða æsku en nú dreymir hana um framtíðina með manninum sem hún elskar – en er hann sá sem hún telur hann vera? Þegar Candice fær tækifæri til að ferðast með Jenny til Ítalíu veit hún ekki að ferðin mun opna augu hennar fyrir óþægilegum staðreyndum. Getur kveðjustund annarrar konu veitt henni kjark til að byrja upp á nýtt? Byggt á sönnum atburðum. Bókaklúbburinn hentar öllum hressum konum sem vilja hittast, lesa á milli línanna og spjalla um yndislestur á léttu nótunum. Lesin er ein bók á mánuði sem er svo rædd fyrsta fimmtudag í mánuði á fundum klúbbsins. Allar konur velkomnar á meðan húsrúm leyfir. Hlökkum til að hitta ykkur! Fylgist með í Facebook-hópnum Lesið á milli línanna | Bókasafn Kópavogs. Hjartanlega velkomnar!