Vinnuskóli

Vinnuskólinn í Kópavogi býður 14 til 17 ára íbúum Kópavogs vinnu yfir sumartímann. Starfstími Vinnuskólans er frá maí til ágúst ár hvert.

Vinnuskólinn í Kópavogi hefur verið starfræktur frá árinu 1968, en fyrst var unglingum boðið starf í Kópavogi árið 1958. Unglingum er boðin fjölbreytt og skemmtilegt starf þar sem markmið skólans  eru gleði, vinna, lærdómur.

Allir unglingar sem verða 14 ára á starfsári Vinnuskólans er boðið til náms og er þeim boðið það öll sumur til og með 17 ára aldurs.

Leggur skólinn mikið upp úr því að nám nemenda komi til með að veita þeim skemmtilega og ánægjulega innsýn inn í atvinnulífið. Áhersluatriði  í starfi  Vinnuskólans er að allir sýni starfsmönnum, nemendum jafnt sem öðrum íbúum og gestum Kópavogsbæjar kurteisi og virðingu.

Fréttir af starfi Vinnuskólans má nálgast á fésbókarsíðu hans.

 

  • Hvar get ég fylgst með mínum vinnutímum?

    Inn á skráningarsíðu okkar er hægt að nálgast alla vinnutíma ungmenna. Vinnutíminn er uppfærður daglega og er því lítið vandamál að koma með athugasemdir um skráningu um leið og þið takið eftir villu. Endilega hafið samband við flokkstjóra eða yfirmann á stofnun/félagi ef skráning er ekki rétt. 

  • Launatímabil 2024

    Launatímabil Vinnuskólans hefst 10. hver mánaðar og lýkur þann 9. næsta mánaðar. 

    Laun eru greidd 22. hvers mánaðar eða síðasta virka dag á undan.

  • Vinnutímabil 2024

    Nemendur í Vinnuskólanum geta valið sér þann tíma sem þeir vinna hjá Vinnuskólanum.

    Tímabilin eru eftirfarandi:

    Nemendur fæddir 2007:

    Tímabil verða:

    1. tímabil - 27.maí til 14. júní

    2. tímabil - 18. júní til 9. júlí

    3. tímabil - 10. júlí til 31. júlí

    Unnið er mánudaga til fimmtudaga og unnið er föstudaginn 14. júní.

    Unnið er frá 8:15 til 11:30 og aftur 12:30 til 15:45. 

    Þessi vinnutími og tímabil eiga ekki við um nemendur sem vinna ekki í garðvinnu.

    Nemendur fæddir 2008 og 2010

    1. tímabil - 10. júní til 27. júní

    2. tímabil - 1. júlí til 17. júlí

    3. tímabil - 22. júlí til 8. ágúst

    Nemendur vinna frá mánudögum til fimmtudaga.

    Nemendur fæddir 2008 vinna frá 8:15 til 11:30 og aftur 12:30 til 15:45. 

    Nemendur fæddir 2010 vinna frá 8:15 til 11:30 eða 12:30 til 15:45. Þeir nemendur sem eru á tómstundaræfingum vinna á þeim tíma sem samræmist þeirra æfingatíma.

    Þessi vinnutími og tímabil eiga ekki við um nemendur fædda 2007 sem vinna ekki í garðvinnu.

    Nemendur fæddir 2009

    1. tímabil - 11. júní til 27. júní

    2. tímabil - 2. júlí til 18. júlí

    3. tímabil - 23. júlí til 7. ágúst

    Nemendur vinna frá þriðjudögum til fimmtudaga.

    Unnið er frá 8:15 til 11:30 og aftur 12:30 til 15:45. 

    Frí er á hefðbundnum frídögum.

  • Störf í boði fyrir nemendur fædda 2007 og 2008

    • Aðstoð á námskeiði hjá IOGT
    • Aðstoð á skáknámskeiði
    • Aðstoð við námskeið - Breiðablik
    • Aðstoð við námskeið - Crossfit
    • Aðstoð við námskeið - Gerpla
    • Aðstoð við námskeið - GKG
    • Aðstoð við námskeið - HK
    • Aðstoð við námskeið - Hrafninn
    • Aðstoð við námskeið - KFUM/KFUK
    • Aðstoð við námskeið hjá KVAN
    • Aðstoð við námskeið - Siglingaklúbbur
    • Aðstoð við námskeið - Skátar
    • Aðstoð við námskeið - Sundnámskeið 
    • Aðstoð við námskeið - TFK
    • Garðyrkja
    • Gæsluvellir
    • Götuleikhús
    • Myndlistarskóli Kópavogs
    • Hjóla- og ævintýranámskeið
    • Hjúkrunarheimilið Roðasalir
    • Hjúkrunarheimilið Sunnuhlíð
    • Hrafnista - Boðaþingi
    • Leikskólar
    • Skólagarðar
    • Smíðavellir
    • Starf á bókasafni
    • Starf í Tröð í samráði við menntasvið 
    • Taekvondo námskeið
    • Unglingar móta Gerðarsafn
    • Velkominn - fyrir börn með annað tungumál en íslensku - aðstoð
  • Algengar spurningar og svör

    Hvað er Vinnuskólinn?

    Vinnuskóli Kópavogs er fyrir alla 14-17 ára unglinga í Kópavogi. Allir sem sækja um fá starf í skólanum

    Af hverju ætti ég að sækja um starf í Vinnuskólanum?

    Þátttaka í Vinnuskólanum er kjörið tækifæri fyrir unglinga til þess að öðlast reynslu af því að vinna sér inn laun á hvetjandi og jákvæðan hátt. Þar gefst unglingum færi á að taka þátt í að snyrta og hirða bæinn sinn, kynnast nýjum félögum og læra heilmikið um umhverfismál, mannleg samskipti og virðingu gagnvart vinnu.

    Hvað er ég að vinna lengi?

    Sumrinu er skipt í þrjú þriggja vikna tímabil hjá nemendum. Hver og einn getur valið allt að tvö tímabil og fá allir sem sóttu um áður en formlegur umsóknarfrestur rann út vinnu á þeim tímabilum sem óskað var eftir.

    Tímabilin má nálgast á síðunni okkar. 

    Fæ ég matarhlé?

    Já, matarhlé er á milli kl. 11:30-12:30. Auk þess eru tveir kaffitímar, annar kl. 10:00-10:15 og hinn eftir hádegi kl. 14:00-14:15.

    Hvenær fæ ég útborgað?

    Launatímabil Vinnuskólans eru ákveðin ár hvert í samráði við Launadeild Kópavogsbæjar.

    Hvað er þetta skattkort og hvað á ég að gera við það?

    Allir launþegar á Íslandi sem eiga hér fasta búsetu og hafa náð 16 ára aldri eiga rétt á svokölluðum persónuafslætti og er skattkortið til þess gert að halda utan um það. Árið 2016 voru öll skattkort gerð rafræn. Ekki er þörf á að skila inn skattkorti ef óskað er eftir að nota skattkort á umsóknarvef. Ef umsækjandi telur sig þurfa að nota ónýttan persónuafslátt frá fyrri mánuðum getur hann sent beiðni um slíkt á skattkort@kopavogur.is og þarf þá staðfesting af þjónustuvef RSK að fylgja með.

    Þarf ég að borga hluta af laununum mínum í lífeyrissjóð?

    Börn byrja að greiða í lífeyrissjóð næstu mánaðamót eftir 16 ára afmælisdaginn.

    Hvert fara launin mín?

    Launin eru lögð inn á bankareikning unglinganna og þurfa því allar bankaupplýsingar að fylgja umsókn. Aðeins er hægt að nota bankareikning unglingsins.

    Hvert á ég að mæta?

    Almennt er unglingunum komið fyrir í hópum nálægt skólum, nema að aðrar óskir komi fram á umsókn viðkomandi. Allar upplýsingar koma fram á umsóknarvef Vinnuskólans.

    Get ég skipt um hóp?

    Engar breytingar eru gerðar á hópum fyrstu dagana. Síðan er það viðkomandi flokksstjóra að ákveða um það í sínum hópi. Flestir eru með tvo hópa og verður að gæta þess að það sé ekki ójafnvægi vegna fjölda í þeim. Flokkstjórum er heimilt að hafa mest 15 nemendur í nemendahóp.

    Hvað á ég að gera ef ég er veik(ur)? Fæ ég borgað fyrir daginn?

    Foreldrar verða að tilkynna forföll og veikinda barna sinna við viðkomandi flokksstjóra. Textaskilaboð (sms) eða fésbókarskilaboð eru ekki tekin gild. Veikindadagar eru ekki greiddir.

    Má ég reykja í vinnunni?

    Nei. Vinnuskóli Kópavogs er tóbakslaus vinnustaður

  • Börn með ofnæmi

    Á hverju ári koma mörg börn með ýmiskonar ofnæmi í Vinnuskólann. Vinnuregla Vinnuskólans er sú að allir nemendur í tveimur yngstu árgöngunum starfa í útihópum okkar. Þegar aðstæður koma upp er geta verið ofnæmisvaldandi er það verkefni flokkstjóra að finna verkefni sem hæfir þeim einstaklingum sem um ræðir.

  • Fræðsla

    Réttindi og skyldur á vinnumarkaði

    Í sumar verður ASÍ með kynningu fyrir alla nemendur 15 og 16 ára um réttindi og skyldur á vinnumarkaði. Er þetta hluti af því að nemendur verði fróðari um vinnumarkaðinn eftir störf sín hjá Vinnuskólanum.

    Velkominn fræðsla

    Nemendum með annað tungumál er boðið upp á námskeið á vegum Velkominn þar sem þeim er hjálpað að læra tungumálið og aðlagast íslenskri menningu. Er námskeiði unnið í nánu samstarfi við frístundadeild Kópavogsbæjar.

    Umhverfisfræðsla

    Umhverfisfræðsla er stór þáttur í starfi Vinnuskólans. Vinnuskólinn er einn af þremur vinnuskólum landsins sem er þátttakandi í verkefninu Skóli á grænni grein, sem er merki um markvisst starf í þágu umhverfis. Á hverju sumri hefur Vinnuskólinn ráðið til starfa umhverfisfulltrúa sem sér um fræðslu unglinga í þessum málefnum. Sem hluti af umhverfisfræðslu Vinnuskólans fer hluti nemenda á skógræktarsvæði til að hjálpa til við landgræðslu með Garðyrkjufélagi Íslands.

    Jafningjafræðslan

    Í samstarfi við Hitt húsið hefur Vinnuskólinn boðið jafningjafræðurum að koma í heimsókn til hópa með nemendum á aldrinum 15 og 16 ára. Þeir koma í heimsókn í hvern hóp tvisvar sinnum yfir sumarið. Umræðuefnið fer eftir því hvað brennur á nemendum hverju sinni. 

    RÍSÍ

    Í fyrsta skiptið í ár mun RÍSÍ vera með fræðsluerindi fyrir nemendur um Tölvuleikjaspilun og jákvæð áhrif hennar. Nemendum verður boðið í Arena sem er keppnis- og æfingasvæði Rafíþróttadeildar Breiðabliks og sýnt hvað er í boði þar. 

    Sniglarnir og samgöngustofa

    Bifhjólasamtökin Sniglarnir og samgöngustofa koma í heimsókn í alla vinnuhópa Vinnuskólans og fræða nemendur um notkun bensín og rafknúinna ökutækja og hættur sem þeim fylgja. Hefur þessi fræðsla verið fastur liður í starfi Vinnuskólans og mælst gríðarlega vel fyrir undanfarin árin.

    Skógræktarfræðsla

    Skógræktarfélag Kópavogs býður nemendum í 9. bekk upp á fræðslu varðandi skógrækt í nágrenni Kópavogsbæjar. Að fræðslu lokinni fara nemendur í skógræktarferð í nágrenni bæjarins og hjálpa til við ræktun.

    Unnið er að fleiri skemmtilegum uppákomum og fræðslum fyrir sumarið.

  • Hverjir geta sótt um í Vinnuskólanum?

    Allir unglingar sem búsettir eru í Kópavogi og verða 14-17 ára (2006- 2009) á árinu geta sótt um vinnu hjá Vinnuskólanum. Nemendur sem eru 16 til 17 (2006 - 2007) ára sem sækja um hjá Vinnuskólanum geta óskað eftir því að fá vinnu hjá félögum og stofnunum í bænum og er þeim raðað inn á þá staði með hliðsjón af fyrri umsögnum í Vinnuskólanum.

  • Leyfi og veikindi

    Leyfi og veikindi skal tilkynna til flokkstjóra. Einungis er tekið við tilkynningum frá foreldrum eða forráðamönnum. Veikindi ber að tilkynna áður en vinna hefst dag hvern. Nauðsynlegt er að tilkynna veikindi alla daga sem þau standa yfir. Ekki er tekið mark á tilkynningum sem berast í tölvupósti eða öðrum textaskilaboðum.

    Veikindi teljast sem tapaðar vinnustundir og ekki er hægt að vinna þær upp.

  • Nemendur á undan í skóla

    Þeir nemendur sem eru á undan jafnöldrum sínum í grunnskóla geta fengið að hefja nám ári á undan í Vinnuskóla. Er það þó með því skilyrði að nemandinn sé orðinn 13 ára gamall þegar hann hefur störf í samræmi við Reglugerð um vinnu barna og unglinga. Kjósi nemandi og foreldri hans að nýta sér þennan möguleika fylgir nemandi samnemendum sínum gegnum starf Vinnuskólans í launum og vinnutímum. Jafnfram skerðist réttur þess nemanda til að starfa hjá Vinnuskólanum á 17. ári. Foreldrar þessara barna eru beðnir um að skrifa undir yfirlýsingu sem hægt er að nálgast hér.

    Allar skráningar þessara nemanda þurfa að fara fram í gegnum síma Vinnuskólans 441-9080.

  • Röðun í vinnuflokka

    Að jafnaði er farið eftir búsetu og aldri nemenda þegar raðað er í vinnuhópa. Þó getur það komið fyrir að nemendur á misjöfnum aldri raðist í hópa saman.

    Við reynum eftir fremsta megni að verða við beiðnum um að skipta um vinnutíma þar sem nemendur eiga erfiðara með að vinna á ákveðnum tímum. En við áskiljum okkur rétt til að hafna slíkri beiðni ef flokkstjóri lítur svo á að skipting hópa sé ójöfn eða breytingar hafi áhrif á vinnuframlag nemenda. Vinnuregla Vinnuskólans er að aldrei skuli vera fleiri en 15 nemendur undir umsjá eins flokkstjóra. Eru foreldrar beðnir um að hafa samband við flokkstjóra í þeim tilvikum sem óskað er eftir færslu í vinnuhópum.

    Ekki er víst að nemendur séu í hópum með vinum eða bekkjarfélögum þar sem eitt af markmiðum Vinnuskólans er að allir geti unnið með öllum.

  • Skráning í Vinnuskólann

    Nemendur í Vinnuskólanum í Kópavogi skrá sig til vinnu gegnum heimasíðu Kópavogs. Mikilvægt er að allar upplýsingar sem beðið er um komi fram við umsókn til náms. Þegar nær dregur því að nemandi hefji störf fá forráðamenn upplýsingar um mætingu nemanda í gegnum tölvupóst. Þar kemur einnig fram hvar, hvenær og hvaða starfsmaður tekur á móti nemanda.

    Hægt er að fylgjast með vinnslu umsókna hér.

  • Skrifstofa Vinnuskólans

    Skrifstofur Vinnuskólans eru í Askalind 5. Sími okkar er 441-9080 og tölvupóstur vinnuskoli(hjá)kopavogur.is. Skrifstofan er opin alla daga frá klukkan 8:00 til 16:00 nema föstudaga þegar henni er lokað klukkan 13:00. Skrifstofurnar opna frá og með 10. maí og síðasti starfsdagur er 16. ágúst.

    Verkefnastjóri Vinnuskólans hefur aðsetur á Digranesvegi 1 þá mánuði sem skrifstofa Vinnuskólans er lokuð.

  • Starfsreglur Vinnuskóla

    • Flokkstjóri er yfirmaður hvers vinnuhóps og eftir honum ber nemendum að fara. Næsti yfirmaður hans er yfirflokkstjóri.
    • Reykingar og öll önnur tóbaksnotkun er stranglega bönnuð á vinnutíma.
    • Símar skulu vera stilltir á hljóðlaust og ekki notaðar sem samskiptatæki á vinnutíma Vinnuskólans. Engin ábyrgð er tekin á slíkum tækjum á vinnutíma.
    • Engin ábyrgð er tekin á persónulegum hlutum sem komið er með til vinnu og eru ekki nauðsynlegir til starfsins.
    • Öll verkfæri í eigu Vinnuskólans eru afhent nemendum með því formerkjum að þau eru á ábyrgð þeirra. Skemmdir á eigum skólans skulu greiddar af þeim sem þeim veldur.
    • Allir starfsmenn Vinnuskólans í Kópavogi skulu stunda sína vinnu af stundvísi.
    • Nemendum ber að fara eftir því sem flokkstjóri segir. Allir starfsmenn sem skrá sig til vinnu í Vinnuskóla Kópavogs hafa skráð sig þar vegna áhuga á að starfa innan Vinnuskólans.
    • Dónaskapur starfsmanns eða nemanda gegn öðrum verður ekki liðin.
    • Allir tilburðir til eineltis verða tilkynntir til skrifstofu Vinnuskólans um leið og þeir gerast. Við þá tilkynningu fer af stað verkferill vegna eineltismála.
    • Verði misbrestur á hegðun nemanda skal verkferill vegna agamála virkjaður.
  • Vinna hjá stofnunum og félögum

    Vinnuskólinn býður nemendum á 16. og 17. ári nám hjá félögum og stofnunum í sveitafélaginu. Flest íþróttafélög, leikskólar og aðrar stofnanir bjóða nemendum  að koma til sín og læra handbrögð við vinnu hjá sér. Þeir nemendur sem vinna á þessum stöðum eru undanþegnir tímabilum Vinnuskólans og vinna í samráði við stjórnendur á vinnustað þá tíma er Vinnuskólinn heimilar.

    Þegar sótt er um nám hjá Vinnuskólanum er hægt að velja um þá staði sem helst koma til greina að mati nemanda. 

    Athugið að engar undantekningar eru gerðar á aldurstakmörkum varðandi þessi störf. 

    Við val á nemendum til starfa er farið eftir umsögnum fyrri ára frá Vinnuskólanum,

  • Laun og vinnutími 2023

    Prenta gjaldskrá
    Fæðingarár
    Laun / Vinnustundir
    Fæddir 2010
    798 kr. / 71,5 klst.
    Fæddir 2009
    1.064 kr. / 117 klst.
    Fæddir 2008
    1.330 kr. / 143 klst.
    Fæddir 2007
    2.660 kr. / 169 klst.
    Við þessi laun bætist 13,05% orlof
Síðast uppfært 08. janúar 2024