Fjölbreytt og skemmtileg hátíðarhöld á 17.júní

Hátíðarhöld á 17.júní 2024 verða á Rútstúni, Versölum og víðar.
Hátíðarhöld á 17.júní 2024 verða á Rútstúni, Versölum og víðar.

Haldið verður upp á 17. júní með glæsibrag í Kópavogi og er boðið upp á dagskrá á nokkrum stöðum í bænum. Dagskráin ber svip af 80 ára afmæli lýðveldisins og er boðið upp á hátíðardagskrá í andyri Salarins af því tilefni klukkan eitt. Skemmtidagskrá er bæði á Rútstúni og við Versali frá tvö til fjögur en leiktæki og hoppukastalar opna klukkan tólf. Einnig er dagskrá við Menningarhús bæjarins. Boðið verður upp á fullveldisköku á öllum hátíðarsvæðum.

Dagskrá 17. júní í Kópavogi

12.00-17.00: Rútstún og Versalir: Hátíðarsvæði opin með hoppukastölum, leiktækjum og andlitsmálun.

12.00-16.00: Undirgöngin við Hamraborg: Graffiti-djamm.

13.-13.30: Salurinn, andyri: Söngsveitin Fílharmónía syngur ættjarðarlög og flytur lag Atla Ingólfssonar við ljóð Þórarins Eldjárns, Ávarp fjallkonunnar, sem samið var í tilefni afmælisins. Þar verður hægt að nálgast bókina Fjallkonan „Þú ert móðir vor kær,“ sem forsætisráðuneytið gefur út í ritstjórn Silju Aðalsteinsdóttur. 

13.30: MK: Skrúðganga hefst frá MK og lýkur lýkur á Rútstúni. 

14.-16.00: Skemmtidagskrá á Rútstúni: Fram koma fjallkona Kópavogs, leikhópurinn Lotta, Gunnar Helgason og Valgerður Guðnadóttir, Idol stjörnur, Jóhanna Guðrún, Aron Can og VÆB.  Kynnar: Eva Ruza og Hjálmar Örn. 

14.-16.00: Skemmtidagskrá við Versali: Fram koma leikhópurinn Lotta, Gunnar Helgason og Valgerður Guðnadóttir, Idol stjörnur, Jóhanna Guðrún, Aron Can og VÆB.  Kynnar : Saga Garðars og Snorri Helga. 

14.-16.00: Menningarhúsin í Kópavogi, útisvæði: Fram koma Söngsveitin Fílharmónía, BMX Brós, Hringleikur, Húlladúllan, Krakkahestar, Dansskóli Birnu Björns og Skapandi sumarstörf.  Þá er Hjálparsveit skáta með tækjasýningu við menningarhúsin.