- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Lista- og menningarráð Kópavogsbæjar auglýsir eftir listamönnum, hópum eða einstaklingum, til að vera með listviðburði á Kópavogsdögum, menningarhátíð Kópavogsbæjar. Að þessu sinni fara Kópavogsdagar fram 8. til 11. maí 2014 og verða þá haldnir í ellefta sinn. Umsóknarfrestur rennur út 14. febrúar.
Hægt er að sækja um upphæð að hámarki 200 þúsund krónur en með umsókn þarf að fylgja kostnaðar- og launaáætlun. Einnig þarf nákvæma lýsingu á viðburðinum og hvar og hvenær hann eigi að fara fram.
Listviðburðurinn þarf að auðga menningarlífið í bænum á Kópavogsdögum. Frítt þarf að vera á viðburðinn.
Listamenn eru hvattir til að sækja um og sýna list sína á menningarhátíðinni. Viðburðurinn getur verið undir berum himni, við menningarhúsin á Borgarholtinu, inni í verslun eða bara hvar sem er. Aðalatriðið er að Kópavogsbúar hafi tækifæri til að njóta hans.
Fái umsóknin brautargengi mun Kópavogsbær sjá um að auglýsa viðburðinn.
Umsóknareyðublöð fást á vef Kópavogsbæjar.
Umsóknum skal skila til: Lista- og menningarráð, Fannborg 2, 200 Kópavogur eða á netfangið: arnaschram@kopavogur.is.
Lista- og menningarráð metur umsóknir með hliðsjón af tilgangi Kópavogsdaga.