Fasteignagjöld 2024

Fyrsti gjalddagi fasteignagjalda í Kópavogi er 1. febrúar, síðan 1. hvers mánaðar til september. Alls eru 8 gjalddagar.

Álagning fasteignagjalda byggir á fasteignamati húsa og lóða í Kópavogi, sem tekur meðal annars mið af stærð þeirra, notkun og lóðarhlutastærð.

Veittur er 3% staðgreiðsluafsláttur ef gjöldin í heild eru greidd fyrir 16. febrúar 2024.

Hægt er að ganga frá staðgreiðslu gjalda með því að draga 3% frá heildarálagningu gjaldanna og leggja inn á banka: 0130–26–74, kt. 700169–3759.

Hægt er að skoða álagningaseðil inná:

island.is  og  þjónustugátt Kópavogs

Veittur verður afsláttur af fasteignaskatti til þeirra elli- og örorku-lífeyrisþega, sem búa í eigin íbúð, og er hann reiknaður út frá álagningu 2023 vegna skatttekna ársins 2022, þ.e. samtalan af stofni til útreiknings tekjuskatts og útsvars (reitur 2.7 og 2.8) og fjármagnstekjum samtals (reitur 3.10)

100% lækkun:
Einstaklingar með heildarárstekjur allt að 6.748.500 krónur.
Hjón með heildarárstekjur allt að 8.622.200 krónur.

75% lækkun:
Einstaklingar með heildarárstekjur á bilinu frá 6.748.501 - 6.860.000 krónur.
Hjón með heildarárstekjur á bilinu 8.622.201 – 8.880.000 krónur.

50% lækkun:
Einstaklingar með heildarárstekjur á bilinu 6.860.001 – 6.973.000 krónur.
Hjón með heildarárstekjur á bilinu 8.880.001 - 9.293.300 krónur.

25% lækkun:
Einstaklingar með heildarárstekjur á bilinu 6.973.001 – 7.082.000 krónur.
Hjón með heildarárstekjur á bilinu 9.293.301 - 9.694.800 krónur.

Vinsamlegast athugið að ekki verða sendir út greiðsluseðlar heldur verður einungis stofnuð krafa í heimabanka með sama hætti og áður. Engin breyting verður hjá þeim sem greitt hafa með boðgreiðslum eða í greiðsluþjónustu. Ekki er tekið á móti peningum í afgreiðslu Kópavogsbæjar, einungis kortafærslum eða millifærslum.

Ekki verða sendir út álagningarseðlar á pappírsformi en hægt er að nálgast nýjustu álagningarseðla á island.is og í Þjónustugátt Kópavogsbæjar á vefsíðu bæjarins www.kopavogur.is undir flipanum þjónustugátt.

Þeir sem ekki hafa rafræn skilríki geta óskað eftir afriti af álagningarseðli með því að senda tölvupóst á netfangið: thjonustuver@kopavogur.is.

Nánari upplýsingar er hægt að fá í síma 441 0000 og fyrirspurnir má senda á netfangið: thjonustuver@kopavogur.is