Níu heiðruð fyrir starf í 25 ár hjá bænum

Starfsmennirnir níu hófu öll störf árið 1989 og rifjaði Ármann af því tilefni upp það sem efst var á baugi í Kópavogi um þær mundir. Kópavogur hefur meira en tvöfaldast síðan þá var og umfang starfsemi bæjarins vaxið í takt við íbúafjölgun.  

„Þrátt fyrir þessar miklu breytingar á starfsumhverfinu hefur það ekki breyst að einn mikilvægasti þáttur í starfi starfsfólks Kópavogsbæjar eru samskipti við bæjarbúa, við vinnum fyrir þá og þið sem hér eruð heiðruð í dag hafið lagt ykkar lóð á vogarskálarnar til þess að auka virðingu bæjarins með því að leggja ykkur fram í því starfi,“ sagði Ármann.

Starfsmennirnir eru Jónína Einarsdóttir, þjónustuveri Kópavogsbæjar, Gunnþór Hermannsson, flokkstjóri garðyrkju, Jón Júlíusson, deildarstjóri íþróttadeildar, Kristín Sigríður Jónsdóttir, skólastjóri Kvöldskóla Kópavogs, Steinunn Pétursdóttir , stuðningsfulltrúi Snælandsskóla, Svala Hafsteinsdóttir,  leikskólakennari leikskólanum Efstahjalla, Fjóla Þorvaldsdóttir, leikskólasérkennari leikskólanum Álfaheiði, Svavar Sverrisson, yfirflokkstjóri garðyrkju og Jakobína Ólafsdóttir, bókavörður hjá Bókasafni Kópavogs.