Gönguferðir í september

Kópavogsbær tekur þátt í Lýðheilsugöngum Ferðaféalgs Íslands líkt og undanfarin ár. Í ár er sjónum beint að unglingum og þeir sérstaklega boðnir velkomnir. Forstöðumenn félagsmiðstöðva unglinga í Kópavogi leiða tvær af fjórum lýðheilsugöngum í bænum. Göngurnar eru 60 til 90 mínútur og eru við allra hæfi. 

Nánar má lesa um dagskrá og tímasetningu hér: 

4. september 2019

Náttúra, saga og mannvirki

Mæting við íþróttahús Breiðabliks í Fífunni. Gengið austur Fífuhvamminn að Bretabrú sem er til móts við Pósthúsið (langleiðina að Dalvegi). Sagt frá náttúru, sögu og mannvirkjum á leiðinni. Gengið til baka sunnan lækjarins og endað við íþróttahús Breiðabliks.

Mæting: 18:00

Leiðsögn: Frímann Ingi Helgason

11. september 2019

Heilsuræktarganga 

Mæting við Kársnesskóla. Ganga um Kópavogsdalinn í Smárahverfi og kennsla á líkamsræktartæki á svæðinu undir leiðsögn þjálfara.

Mæting: 17:30

Leiðsögn: Torfi Guðbrandsson forstöðumaður Jemen

18. september 2019

Íþróttaleikar félagsmiðstöðva í Kópavogi

Frá 16:00 verða íþróttaleikar félagsmiðstöðvana. Keppt verður í 100 metra hlaupi og í  400 metra boðhlaupi. Klukkan 17 í Smáraskóla hefst skákmót, körfuboltamót og borðtennismót félagsmiðstöðvanna. 

Klukkan 17 verður ræst í Smárahringinn sem er liður í lýðheilsugöngum Ferðafélags Íslands og eru allir velkomnir. Hlaupið verður 2.5 km hringur sem hefst og endar á lóð Smáraskóla og leiðir hlaupara í gegnum Kópavogsdalinn. Hlaupaleiðin verður vel merkt.

Mæting: 16:00 Kópavogsvöllur á íþróttaleikana og

17:00 Smáraskóli í lýðheilsuhlaup

25. september 2019

Ævintýri í Guðmundarlundi

Mæting við Hörðuvallarskóla. Gengið upp í Guðmundarlund. Frisbý golf og ganga um Guðmundarlund. Endað á pylsupartý.

Mætin: 17:00

Leiðsögn: Sindri Már Ágústsson forstöðumaður Fönix