- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Nemendum í Kópavogi sem hafa annað móðurmál en íslensku er boðið að taka þátt í sumarverkefninu Velkomin. Velkomin snýst um að auðvelda börnum og unglingum að taka þátt í samfélaginu og er markmið verkefnisins að börnum og unglingum finnist þau vera velkomin.
Þetta er þriðja árið í röð sem börnum í Kópavogi á aldrinum 10 til 16 ára stendur til boða að taka þátt í Velkomin en í því felst tækifæri til að tengjast börnum og unglingum, bæði sem hafa íslensku að móðurmáli og ekki. Þá er ýmis konar kynning á íþrótta og tómstundastarfi í Kópavogi í Velkomin sem er samvinnuverkefni Vinnuskólans í Kópavogi og frístundadeildar.
„Þátttakendum gefst kostur á að upplifa nýja hluti, læra betur á landið og kynnast fleiri jafnöldrum. Við förum í heimsóknir og vettvangsferðir, til dæmis á siglinganámskeið, keilu og á hestbak. Þetta hefur tekist gríðarlega vel til að mati þátttakanda og starfsfólks,“ segir Sigrún Tinna Atladóttir sem starfar hjá Velkomin.