Í Kópavogi er fjórflokkun sorps við hvert íbúðarhús. Matarleifum, plasti, pappír og blönduðum úrgangi er safnað af sorphirðunni á tveggja vikna fresti. Auk þessara flokka er hægt að skila gleri, málmum, textíl og skilagjaldsskyldum umbúðum á grenndarstöðvar eða á endurvinnslusstöðvar.
Breyta eða skila sorptunnum
Í Kópavogi er fjórflokkun á heimilissorpi. Samræmt flokkunarkerfi sveitarfélaga höfuðborgarsvæðisins var innleitt 2023 og byggir á breytingum á lögum um meðhöndlum úrgangs. Lögin kveða á um að skylt verður að safna eftirfarandi fjórum flokkum við öll íbúðarhús. Það er matarleifar, blönduðum úrgangi, plasti, pappír og pappa. Þá er textíl, málmum og gleri safnað á grenndargámastöðvum. Finndu þína næstu grenndarstöð á sorpa.is.
Í Kópavogi er notast við samræmt lyklakerfi fyrir læstar sorpgeymslur. Það er á ábyrgð húsfélags að sorpgeymsla sé aðgengileg sorphirðunni. Kópavogsbær tekur ekki við stökum lyklum frá húsfélögum. Talnalásar eru ekki samþykktir. Samræmt kerfi er til sölu hjá Lásum neyðarþjónustu á Skemmuvegi 4.
Lögum samkvæmt er skylt að safna við öll íbúðarhús lífrænum eldhúsúrgangi, pappír og pappa, plastumbúðum og blönduðum úrgangi.
Almennt eru fjórar stærðir af sorptunnum í umferð. Það getur verið mismunandi eftir úrgangsflokki hvaða stærð er í boði.
Blandaður úrgangur
240 lítra
360 lítra
660 lítra
Tvískipt tunna
Matarleifar
140 lítra
Tvískipt tunna
Pappi og pappír
240 lítra
360 lítra
660 lítra
Tvískipt tunna
Plastumbúðir
240 lítra
360 lítra
660 lítra
Tvískipt tunna
| Tegund | Hæð | Breidd | Dýpt |
| 140 lítra | 1100 mm | 505 mm | 555 mm |
| 240 lítra | 1169 mm | 580 mm | 724 mm |
| 360 lítra | 1150 mm | 590 mm | 880 mm |
| 660 lítra | 1225 mm | 1255 mm | 775 mm |
Tvískiptar tunnur eru eingöngu í boði fyrir sérbýli. Það eru tvær tegundir af tvískiptum tunnum, annars vegar fyrir blandað og matarleifar og einnig fyrir pappa og plast.
Allar tvískiptar tunnur eru 240 lítra.
Tvískipt tunna fyrir blandaðan úrgang og matarleifar.
Tvískipt tunna fyrir pappa og plast
Verktakafyrirtækið Kubbur sinnir tæmingu fyrir Kópavogsbæ. Allir úrgangsflokkar eru tæmdir á tveggja vikna fresti.
Líta skal á sorphirðudagatalið sem viðmiðunardagatal. Veðurfar, veikindi, bilanir og aðrir ófyrirséðir þættir geta haft áhrif en almennt ætti ekki að skeika meiru en ½ til 1 degi á sorphirðu milli hverfa.
Samkvæmt gr. 6.12.18 í byggingarreglugerð skal sorptunnum vera komið fyrir í sorpgerði eða sorpskýli. Aðgengi að sorpskýli skal vera án hindrana þannig að tæming geti farið fram án vandkvæða. Á vetrum ber húseigendum að hreinsa snjó frá sorpgeymslum og þeirri leið sem flytja þarf sorpílát um innan lóðar. Ef aðgengi að sorpskýlum eða sorpgeymslum er hindrað, eru tunnurnar ekki tæmdar.
Færst hefur í vöxt að komið sé fyrir djúpgámum utan við fjölbýli eða stofnanir sem leysa af hólmi hinar hefðbundnu sorpgeymslur eða sorpgerði. Djúpgámar eru niðurgrafnar sorpgeymslur þar sem úrgangi er fleygt inn um toppstykkið sem líkist oftast hefðbundinni rusla- eða flokkunartunnu. Flokkun í djúpgáma er á sama hátt og í hefðbundnar tunnur. Þá þarf að hafa sér djúpgám fyrir hvern úrgangsflokk.
Í djúpgámum eiga að vera skynjarar sem segja til um fyllingarhlutfall gámsins og er hann einungis tæmdur þegar hann er fullur eða við að verða fullur.
Takk fyrir!
Ábending þín er móttekin
