Byggingarfulltrúi

Það að sækja um byggingarleyfi er getur verið flókið fyrir þá sem ekki gera það oft. Hér að neðan eru leiðbeiningar hvernig þú ferð að skref fyrir skref:

1. Sækir um á Minn Kópavogur

Þeir sem geta sótt um eru eigendur eða hönnunarstjórar í umboði þeirra.

- Það sem þú þarft að láta fylgja umsókn er upplýsingar um lóð, lýsing á þeirri framkvæmd sem fyrirhuguð er, teikningar og önnur gögn sem þú telur að auðveldi okkur vinnslu umsóknar þinnar.

- Greiða þarf þjónustu gjald og má sjá upphæð þess í gjaldskrá hér að neðan.

- Strax í þessu skrefi hetur eigandi tilkynnt um ráðningu hönnuðar á verkið í gegnum Minn Kópavog

- Umsóknareyðublöð má nálgast hér

2. Umsókn er tekin fyrir af starfsfólki byggingarfulltrúa.

-  Ef gögn vantar eða þau ófullnægjandi komum við til með að láta  hönnuðinn vita.

- Fundað er aðra hverja viku og eru mál þá tekin fyrir.

- Ef gerðar eru athugasemdir fær hönnuður verksins tölvupóst um að skila inn leiðréttingum gögnum eða viðbótum.

- Ef þau gögn berast ekki innan 12 mánuða er umsókn feld niður og teikningum fargað.

3. Samþykki byggingarfulltrúa

- Um leið og við höfum samþykkt byggingaráform þín færðu sendan tölvupóst með upplýsingum um næstu skref. Í tölvupóstinum kemur fram hverju þarf að skila inn og hvaða gjöld ber að greiða.

- Eigandinn fær inn á heimabanka sinn kröfu um að greiðslu þeirra gjalda sem greiða þarf.

- Eigandinn þarf að fara inn á Þjónustugátt og tilkynna ráðningu hönnuðar á verk.

- Farið er inn á Minn Kópavog og skila skal þar inn séruppdráttum  hönnuða. Aðaluppdrættir og önnur gögn þurfa einnig að skilast rafrænt inn á Mínum Kópavogi.

4. Skráning byggingarstjóra og iðnmeistara

- Skrá skal  byggingarmeistara á verkið, er það gert í gegnum Minn Kópavog

- Byggingarstjóri fer inn á þjónustugátt og skráir þar inn þá iðnmeistarar sem að verkinu koma.

- Iðnmeistarar þurfa að staðfesta sig á verkið í gegnum Minn Kópavog.

5. Lokaúttekt framkvæmd

- Þegar framkvæmd er lokið er sótt um lokaúttekt í gegnum Minn Kópavog

- Starfsmaður byggingarfulltrúa mætir á svæðið og tekur út verkið.

- Að því loknu fær byggingarstjóri og eigandi sent lokaúttektarvottorð

Til hamingju með nýlokna framkvæmd!

Þú þarft ekki byggingarleyfi ef að:

- Þú ert að sinna vilðhaldi innanhús, á lóðinni, við girðingar, á bílastæði eða í innkeyrslunni.

- Ert að smíða þér pall,

- Fyrir skjólveggi og girðingar (innan vissra marka)

- Fyrir smáhýsi sem ekki á að gista í eða hafa búsetu og það er að hámarki 15 fermetrar.

Nánári upplýsingar um hvenær þarf byggingarleyfi má nálgast í Byggingarreglugerð 2.3.5 gr.

Þú þarft byggingarleyfi ef þú ætlar að: 

 -Grafa grunn fyrir hús eða mannvirki, reisa það, rífa eða flytja hús.

- Breyta byggingu, burðarkerfi eða lagnakerfi húsnæðis.

- Breyta notkun húsnæðis, útliti þess eða formi.

Kópavogsbær hefur nú þegar skannað inn flest allar samþykktar teikningar byggingarfulltrúa. Nú má nálgast þær á teglinum hér að neðan.

Tenging á teikningar