Auglýsingar á lausum lóðum og öðrum tengdum verkefnum

Kópavogsbær auglýsir hér með eftir aðilum til að nýta eftirtaldar lóðir í upplandi Kópavogs við Bláfjöll. lóðirnar eru afmarkaðar innan þjóðlendu sem er innan lögsögumarka Kópavogs:

• Lóðin Bláfallaleið 11 - Um er að ræða 1969,9 m2 viðskipta- og þjónustulóð með landeignarnúmerinu L240254 og fasteignanúmerinu F2540788.
  Á lóðinni er skíðaskáli í eigu íþróttafélagsins Fram, stærð óþekkt.
  
  
• Lóðin Bláfjallaleið 14 - Um er að ræða 9474,3 m2 viðskipta- og þjónustulóð með landeignarnúmerinu L240255 og fasteignanúmerinu F2540789.
  Á lóðinni er þjónustumiðstöð, Bláfjallaskáli í eigu sveitarfélaganna á höfuðborgarsvæðinu, stærð óþekkt .
  
  
• Lóðin Bláfjallaleið 20 - Um er að ræða 2725,4 m2 viðskipta- og þjónustulóð með landeignarnúmerinu L240256 og fasteignanúmerinu F2540790.
  Á lóðinni er 1.137,9 m2 mannvirki, skíðaskáli í eigu Breiðabliks.
  
  
• Lóðin Bláfjallaleið 22 - Um er að ræða 12063,3 m2 viðskipta- og þjónustulóð með landeignarnúmerinu L240257 og fasteignanúmerinu F2540791.
  Á lóðinni er 345,3 m2 mannvirki, skíðaskáli í eigu ÍR/Víkings.
  
  
• Lóðin Bláfjallaleið 26 - Um er að ræða 2152,5 m2 viðskipta- og þjónustulóð með landeignarnúmerinu L240258 og fasteignanúmerinu F2540792.
  Á lóðinni er 597 m2 mannvirki, skíðaskáli í eigu íþróttafélagsins Ármanns.
  
  

Lóðirnar eru allar innan Bláfjallafólkvangar, FS-5, og eru á vatnsverndarsvæði. Allar framkvæmdir innan þess svæðis eru háðar samþykki heilbrigðiseftirlits vegna vatnsverndar og öll starfsemi á að vera á forsendum vatnsverndar.

Allar framkvæmdir og jarðrask innan þjóðlendna sem vara lengur en í eitt ár eru háðar samþykki ráðuneytisins skv. 3. mgr. 3. gr. laga nr. 58/1998 og að leyfi ráðherra þarf fyrir nýtingu vatns og jarðhitaréttinda og vindorku innan þjóðlendna skv. 2. mgr. 3. gr. sömu laga.

Lóðirnar eru afmarkaðar á grundvelli gildandi aðalskipulags Kópavogs 2019-2040 og landnotkun skilgreind sem íþróttasvæði, ÍÞ-10. Skíðasvæði höfuðborgarsvæðisins er í Bláföllum og er rekið sameiginlega af sveitarfélögunum sem aðild eiga að Bláfjallafólkvangi.

Stefnt skal að því að svæðið verði skipulagt til skíðaiðkana, samkvæmt aðalskipulagi Kópavogsbæjar 2019-5040, og hvers konar mannvirkjagerð er háð samþykki Umhverfisstofnunar.

Um er að ræða leyfi með gildistíma frá 15. mars 2026 til 15. mars 2046 með möguleika á framlengingu til fimm ára í senn í allt að fjögur skipti, eða í heild til dagsins 15. mars 2066.

Þættir sem einkum verður litið til við ákvörðun um leyfisveitingu á umræddu svæði eru eftirfarandi, en ekki skal litið svo á að röðun þeirra gefi til kynna vægi einstakra skilmála innbyrðis:

• Upplýsingar um hvernig umsækjandi hyggst nýta auglýsta lóð eða lóðir.
• Að rekstri á lóðinni skal standa óhagnaðardrifið félag sem starfar í almannaþágu.
• Þekking og reynsla umsækjanda af þjónustu og skipulagningu viðburða fyrir skíðaiðkendur.

Öll nýting á umræddum lóðum verður á kostnað og ábyrgð lóðaleiguhafa.

Komi til þess að aðrir aðilar en þeir sem nýtt hafa svæðið og mannvirkin til þessa fái úthlutað umræddum lóðum skv. auglýsingu þessari, verður nýjum lóðarhöfum skylt að kaupa viðkomandi mannvirki í samræmi við verðmat löggilts fasteignasala nema samkomulag náist um annað.

Um lóðarleigu fer samkvæmt reglum, staðfestum af fjármála- og efnahagsráðuneyti, um afgjöld fyrir afnot af landi í eigu ríkissjóðs.

Áhugasamir aðilar eru vinsamlegast beðnir um að senda umsókn ásamt tillögum að notkun á umræddum lóðum til Kópavogsbæjar á netfangið logfraedideild@kopavogur.is , eigi síðar en 1. mars nk. kl. 13:00.

• Lóðagjöld
• Fasteignagjöld
• Reglur umhverfissviðs
• Reglur um útlhutun lóða í Kópavogsbæ