Starfsemi Kópavogsbæjar fer fram á þremur fagsviðum, menntasviði, umhverfissviði og velferðarsviði auk fimm miðlægra skrifstofa, skrifstofa bæjarritara, skrifstofu umbóta og þróunar, skrifstofa þjónustu, skrifstofu áhættu- og fjárstýringar, skrifstofu mannauðs- og kjaramála.

Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks.

Velkomin til starfa

Kópavogsbær leggur áherslu á að nýtt starfsfólk upplifi að það sé boðið velkomið til starfa. Haldin eru nýliðanámskeið þar sem starfsfólk fær kynningu á vinnustaðnum, upplýsingar um helstu stefnur og gildi Kópavogsbæjar sem vinnustaðar auk hagnýtra upplýsinga.

Kópavogsbær vill bjóða upp á hvetjandi, öruggt og heilsusamlegt starfsumhverfi. Starfsfólk bæjarins er hvatt til að stunda reglulega hreyfingu og huga vel að andlegri og líkamlegri velferð sinni.

Kópavogsbær leggur áherslu á góðan starfsanda. Samskipti starfsfólks skulu einkennast af virðingu, umburðarlyndi og jákvæðu viðmóti.

Kópavogsbær leitast ávallt við að ráða sem hæfast starfsfólk til starfa. Markmið Kópavogsbæjar er að rækta sem best þann mannauð, sem í starfsfólki hans felst.

Ef þú hefur frekari spurningar þegar þú hefur störf hafðu samband við þinn yfirmann.

Einelti, kynferðisleg áreitni, kynbundin áreitni og ofbeldi á vinnustöðum.

Kópavogsbær hefur samþykkt stefnu gegn einelti, kynbundinni áreitni, kynferðislegri áreitni og ofbeldi (EKKO) á vinnustöðum sveitarfélagsins. Jafnframt hafa verið gefnar út leiðbeiningar til starfsfólks hvað varðar tilkynningar um mál og tilkynningarblað. Einnig upplýsingar um óformlega meðferð mála og framkvæmd frumkvæðisathugana.

Í eineltisteymi sitja:

Sigríður Þrúður Stefánsdóttir, mannauðsstjóri

Amanda K. Ólafsdóttir, deildarstjóri frístundadeildar

Ása A. Kristjánsdóttir, deildarstjóri lögfræðideildar

Svavar Pétursson, verkefnastjóri á umhverfissviði

Þóranna Hrönn Þórsdóttir, mannauðsfulltrúi velferðarsviðs.

 

Hér fyrir neðan má finna eftirfarandi:

Stefna Kópavogsbæjar gegn einelti, áreitni og ofbeldi.

Leiðbeiningar til starfsfólks

Óformleg meðferð kvartana um einelti, áreitni og ofbeldi.

Frumkvæðisathugun á félagslegum áhættuþáttum og vinnuumhverfi

Vinnulýsing vegna tilkynninga og meðferða mála

Tilkynningarblað (pdf)

Tilkynningarblað (Word)

Mannauðsstefna

Ný mannauðsstefna Kópavogsbæjar var samþykkt 2024 og verður hún innleidd í kjölfar þess. Nálgast kynningu á stefnunni hér að neðan.

Mannauðsstefna

Öryggisstefna Kópavogsbæjar

Kópavogsbær hefur sett sér það markmið að vera slysalaus vinnustaður. Til að svo megi verða þarf að efla öryggisvitund starfsmanna og stuðla að öflugri öryggismenningu.

Kópavogsbær leggur áherslu á að öryggi starfsmanna, nemenda og annarra þjónustuþega sé í fyrirrúmi og að leita allra leiða til að efla öryggi.

Forvarnir og góð vinnubrögð skapa öruggara umhverfi sem fyrirbyggi óhöpp og slys. Í öryggisstefnu bæjarins felst meðal annars að á öllum vinnustöðum verði til staðar virkar öryggisnefndir og starfsmenn bæjarins vinni eftir samþykkt um öryggismál.

Fyrirspurnir og ábendingar sem varða öryggismál má senda á netfangið oryggi@kopavogur.is.