Okkar Kópavogur

Kort á íslensku

Kort á ensku

Kort á pólsku

• Í fyrsta hluta verkefnisins, hugmyndainnsetningu, gefst íbúum og öðrum gestum tækifæri til að leggja fram hugmyndir að verkefnum sem þeir vilja sjá framkvæmd í bænum.
• Hugmyndasöfnun stendur yfir frá 12. september til 9. október 2024.
• Hugmyndum er hægt að koma á framfæri í gegnum rafrænt hugmyndakerfi verkefnisins.
•  https://betraisland.is/community/9981 
• Mikilvægt er að hugmyndin sé skýr og lýsandi, þannig að aðrir eigi auðvelt með átta sig á því sem um er að ræða. Koma þarf fram um hvað verkefnið snýst og hvar möguleg eða jafnvel nákvæm staðsetning er. Greinargóð lýsing auðveldar mat og því hvort hugmyndin nái athygli annarra íbúa ef hún kemst í kosningu. Starfsmenn Kópavogsbæjar geta óskað eftir nánari skýringum um hverja hugmynd.
• Aðstoð og nánari upplýsingar eru veittar í Þjónustuveri Kópavogsbæjar í síma 441-0000 eða í tölvupósti á netfangið okkarkopavogur(hjá)kopavogur.is.

Hugmyndir íbúa þurfa vera á bæjarlandi og innan þéttbýlis. Þær geta varðað leik- og afþreyingarsvæði íbúa, vistvænar samgöngur, bætta lýðheilsu eða umhverfið almennt.

Hugmyndir þurfa að uppfylla eftirfarandi skilyrði til að komast í kosningu:

• Vera til fjárfestinga en ekki rekstrar.
• Varða umhverfi á bæjarlandi.
• Kostnaður einstakra verkefna sé ekki lægri en 3 milljónir og ekki hærri en 50 milljónir kr.
• Líftími fjárfestingar skal vera að lágmarki fimm ár.
• Hugmyndin þarf að samræmast skipulagi eða stefnu Kópavogsbæjar.
• Hugmyndin þarf að vera á fullu forræði Kópavogsbæjar og getur ekki verið háð samráði eða samningaviðræðum við aðrar stofnanir eða sveitarfélag.

Matshópur, skipaður fjölbreyttum hópi starfsmanna bæjarins, fer yfir innsendar hugmyndir út frá skilyrðum verkefnisins og stillir upp til kosninga fyrir hvorn bæjarhluta fyrir sig.

Annar hluti verkefnisins snýr að forgangsröðun verkefna og úthlutun fjármagns með kosningu.

Kosningarnar fara fram í 23. janúar til 4. febrúar 2025, á hádegi báða daga.

Að þessu sinni er Kópavogi skipt upp í tvo bæjarhluta, efri byggðir og neðri byggðir, sem skiptast eftir Reykjanesbrautinni. Alls fara 67 hugmyndir í kosningu, 30 í efri byggðum Kópavogs (Vatnsendi og Fífuhvammur (Lindir og Salir)) og 37 í neðri byggðum (Kársnes, Digranes og Smárahverfi).

Heildarupphæðin sem veitt er til framkvæmda kjörinna verkefna árin 2025 til 2027 eru 340 milljónir sem skiptast milli bæjarhlutanna í samfræmi við íbúafjölda. Efri byggðir fá þannig 133 m kr í sinn hlut og neðri byggðir 207 m kr. Hugmyndum sem komast áfram í kosningu er raðað í einn af þremur verðflokkum, 3-15 m, 16-30 m, og 31-50 m, en verðflokkurinn að baki hverrar hugmyndar er ekki gefinn upp á kosningasíðunni.

Allir íbúar, 14 ára á árinu 2025 og eldri með skráð lögheimili í Kópavogi og sem eru með rafræn skilríki geta kosið verkefni áfram. Eingöngu er hægt að skila atkvæðum í öðrum bæjarhlutanum, ekki báðum, og geta íbúar kosið allt að 30% verkefnanna sem eru í boði í þeim bæjarhluta sem þeir velja.

Kosning fer fram á kosningavef þar sem notandi auðkennir sig með öruggum hætti með innskráningarþjónustu island.is, með Íslykli eða rafrænum skilríkjum, og þar er atkvæði dulkóðað. Aldrei er hægt að tengja atkvæðið við einstakling.

Ekki er um að ræða íbúakosningu í skilningi 107. gr. sveitarstjórnarlaga nr. 138 frá 2011.

Framkvæmdir verkefna úr niðurstöðu kosninga fara fram á tímabilinu vorið 2025 til haustsins 2027. Hægt er að fylgjast með stöðu framkvæmda hér á síðunni.

Framkvæmdum á verkefnum sem voru kosin áfram af íbúum árið 2022 er senn að ljúka. Staða framkvæmda er aðgengileg í þessum lista 

Í þessum fellilista má nálgast algengustu spurningar og svör varðandi Okkar Kópavog.