Foreldrar barna 15 mánaða og eldri geta sótt um heimgreiðslur vegna barna sem hvorki eru í dvöl hjá dagforeldri né í leikskóla.
Skilyrði er að barn sé með lögheimili í Kópavogi, njóti ekki annarra niðurgreiðslna frá Kópavogsbæ vegna dvalar barnsins og sé ekki í vistun hjá dagforeldri eða í leikskóla.
Sækja þarf um heimgreiðslur vegna barns í Þjónustugátt Kópavogsbæjar. Umsókn um heimgreiðslur þarf að berast fyrir 20. dag mánaðar til þess að taka gildi frá og með næstu mánaðamótum á eftir. Aðeins þarf að sækja um heimgreiðslur einu sinni. Heimgreiðslur eru ekki afturvirkar.
Greiðslur falla niður þegar barn hefur dvöl í leikskóla eða hjá dagforeldri með starfsleyfi, ef dvöl í leikskóla er hafnað vegna barna sem eru 30 mán. eða eldri eða við flutning á lögheimili barnsins úr sveitarfélaginu.
Upphæð heimgreiðslna frá 1. janúar 2025 er 111.356 kr. á mánuði.
Heimgreiðslur eru greiddar eftirá frá næstu mánaðamótum eftir að barn hefur náð 15
mánaða aldri. Heimgreiðslur reiknast í fyrsta lagi frá þeim degi sem barn verður 15 mánaða. Heimgreiðslur fást að hámarki greiddar í 11 mánuði á ári, ekki er greitt vegna júlí mánaðar.
Sjá nánar í reglum um heimgreiðslur.
Sjá einnig Umsókn um heimgreiðslur
1. gr. Markmið
Kópavogsbær veitir foreldrum/forsjáraðilum barna 15 mánaða og eldri heimgreiðslur vegna barna sem hvorki eru í dvöl hjá dagforeldri né í leikskóla.
2. gr. Skilyrði
Greiðslur eru bundnar eftirfarandi skilyrðum:
3. gr. Umsókn
Sækja þarf um heimgreiðslur vegna barns í Þjónustugátt Kópavogsbæjar. Umsókn um heimgreiðslur þarf að berast fyrir 20. dag mánaðar til þess að taka gildi frá og með næstu mánaðarmótum á eftir. Aðeins þarf að sækja um heimgreiðslur einu sinni. Heimgreiðslur eru ekki afturvirkar.
4. gr. Afgreiðsla
Heimgreiðslur eru greiddar eftir á frá næstu mánaðamótum eftir að barn hefur náð 15 mánaða aldri. Heimgreiðslur reiknast frá þeim degi sem barn verður 15 mánaða.
Greiðslur falla niður þegar barn hefur dvöl í leikskóla eða hjá dagforeldri með starfsleyfi.
Greiðslur falla niður ef dvöl í leikskóla er hafnað vegna barna sem eru 30 mán. eða eldri.
Greiðslur falla niður við flutning á lögheimili barnsins úr sveitarfélaginu.
Heimgreiðslur fást að hámarki greiddar í 11 mánuði á ári, ekki er greitt vegna júlí mánaðar
5. gr. Upphæð
Mánaðarleg heimgreiðsla er 107.176 kr.
6. gr. Uppgjör
Menntasvið hefur umsjón með framkvæmd heimgreiðslna Kópavogsbæjar. Greiðslur fara fram í fyrstu viku hvers mánaðar með rafrænum hætti.
7. gr. Leiðréttingar
Verði um ofgreiðslu að ræða áskilur Kópavogsbær sér rétt til endurgreiðslu, m.a. í tilvikum þar sem ofgreiðsla kann að vera á grundvelli þess að umsækjandi hafi gefið upp rangar upplýsingar eða ekki tilkynnt um breytingar á högum sínum sem hafa áhrif á rétt til greiðslu.
Reglur þessar gilda frá 1. janúar 2024
Reglur þessar voru samþykktar í bæjarstjórn Kópavogs í nóvember 2023
