Bæjarstjórn

2531. fundur

1311. fundur

1274. fundur

242. fundur

348. fundur

1173. fundur

21. fundur

300. fundur

88. fundur

128. fundur

105. fundur

484. fundur

Gunnsteinn Sigurðsson, bæjarstjóri, gerði grein fyrir eftirfarandi tillögu um álagningu gjalda:

Tillaga að álagningu gjalda árið 2010:

I. Bæjarstjórn Kópavogs samþykkir á fundi sínum þann 30.12. 2009 að útsvar fyrir árið 2010 verði 13,28%.

II. Bæjarstjórn Kópavogs samþykkir að fasteignagjöld fyrir árið 2010 verði álögð sem hér segir:

a) Fasteignaskattur

1. Íbúðarhúsnæði 0,28% af fasteignamati.
2. Atvinnuhúsnæði og annað húsnæði 1,64% af fasteignamati.
3. Opinbert húsnæði 1,320% af fasteignamati (sbr. b-lið 3. mgr. 3. gr. laga nr. 4/1995).
4. Hesthús 0,625% af fasteignamati.
5. Sumarhús 0,625% af fasteignamati.


b) Vatnsskattur og holræsagjald

1. Vatnsskattur verði 0,117% af heildarfasteignamati. Aukavatnsgjald skv. mæli verði kr. 24,38 fyrir hvern m3 vatns.

2. Fráveitugjald, sbr. reglugerð um fráveitugjald í Kópavogsbæ nr. 729/2001, nemi 0,135% af fasteignamati, sbr. lög um skráningu og mat fasteigna nr. 94/1976 með síðari breytingum. Sé ekkert mannvirki á lóð greiðist ekki holræsagjald. Ekki skal reikna fráveitugjald af húsi það ár sem bygging þess hefst. Rotþróargjald fyrir íbúðarhúsnæði að Vatnsenda verði kr. 18.250 og innheimtist með fasteignagjöldum.

c) Lóðarleiga

1. Fyrir lóðir íbúðarhúsa kr. 13,99 á fm
2. Lækjarbotnar kr. 13,99 á fm
3. Fyrir lóðir annarra húsa kr. 113,31 á fm

Gjalddagar fasteignagjalda 2010 verði átta, þann 15. janúar, 1. febrúar, 1. mars, 1. apríl, 1. maí, 1. júní, 1. júlí og 1. ágúst og greiðist áttundi hluti gjaldsins hverju sinni. Eindagi verði í lok hvers mánaðar.

Gjaldendur er greiða lægri fasteignagjöld en 30.000 kr. greiði þau í einu lagi á gjalddaga 01.03. 2010.

Gjaldendur er greiða fasteignagjöld að fullu fyrir 16.02. 2010 fá 5% staðgreiðsluafslátt.

d) Elli- og örorkulífeyrisþegar er njóta lækkunar fasteignaskatts skulu fá staðgreiðsluafslátt samkvæmt sömu reglum og aðrir gjaldendur af þeim hluta er þeim ber að greiða.

Veittur verður afsláttur af fasteignaskatti til þeirra elli- og örorkulífeyrisþega, sem búa í eigin íbúð. Miðast afslátturinn við eftirfarandi tekjumörk liðins árs:

100% lækkun:
Einstaklingar með heildarárstekjur allt að 2.400.000 krónur.
Hjón með heildarárstekjur allt að 3.300.000 krónur.

75% lækkun:
Einstaklingar með heildarárstekjur á bilinu frá 2.400.001 - 2.780.000 krónur.
Hjón með heildarárstekjur á bilinu 3.300.001 - 3.760.000 krónur.

50% lækkun:
Einstaklingar með heildarárstekjur á bilinu 2.780.001 - 3.050.000 krónur.
Hjón með heildarárstekjur á bilinu 3.760.001 - 4.150.000 krónur.

25% lækkun:
Einstaklingar með heildarárstekjur á bilinu 3.050.001 - 3.260.000 krónur.
Hjón með heildarárstekjur á bilinu 4.150.001 - 4.440.000 krónur.


Örorkulífeyrisþegar skulu skila ljósriti af örorkuskírteini.

e) Veittur verður styrkur til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni, svo sem menningar-, íþrótta-, æskulýðs- og tómstundastarfsemi og mannúðarstörf, sbr. sérstakar reglur bæjarstjórnar þar um.

III. Bæjarstjórn Kópavogs samþykkir á grundvelli laga nr. 7/1998 um hollustuhætti og mengunarvarnir, að leggja sérstakt sorphirðu- og eyðingargjald á hverja íbúð í Kópavogi á árinu 2010. Gjaldið skal vera kr. 17.300 á íbúð. Enn fremur verði heimilt að leggja á aukatunnugjald. Innheimta skal gjaldið með fasteignagjöldum og eru gjalddagar þeir sömu.

IV. Bæjarstjórn Kópavogs samþykkir að gjald fyrir hreinsun taðþróa hesthúsa á hesthúsasvæði Gusts verði 555 kr. á hvern m2 hesthúss. Gjaldið greiðist fyrirfram. Stjórn hestamannafélagsins Gusts tilkynnir Kópavogsbæ, í hvaða húsum ekki skuli hreinsa taðþrær. Tilkynningin skal berast Kópavogsbæ fyrir álagningu fasteignagjalda.

Vísast til samþykktrar fjárhagsáætlunar, sem birt verður á vefnum.

Gunnsteinn Sigurðsson, bæjarstjóri, lagði því næst fram eftirfarandi bókun:

Bókun vegna fjárhagsáætlunar 2010


Helstu atriði varðandi fjárhagsáætlun Kópavogsbæjar fyrir árið 2010:

Útsvar fyrir árið 2010 verður áfram 13,28%.

Vinna við fjárhagsáætlun Kópavogsbæjar var unnin af fulltrúum allra flokka í bæjarstjórn og standa þeir saman að henni. Í fjárhagsáætlun ársins 2010 felst málamiðlun ólíkra sjónarmiða flokkanna sem að henni standa, með það sameiginlega markmið að vernda grunnþjónustu við bæjarbúa og halda gjaldskrárhækkunum í lágmarki.

Tekjur bæjarins munu væntanlega dragast saman á árinu 2010 um leið og rekstrarkostnaður og fjármagnskostnaður hefur hækkað verulega undanfarin misseri. Því er ekki hjá því komist að hækka gjaldskrár samhliða hagræðingu í rekstri, meðal annars munu:

Gjaldskrár í leik- og grunnskólum bæjarins hækka lítillega en eru þær hækkanir þó langt undir vísitöluhækkun undanfarinna mánaða.

Fasteignagjöld hækka en þó ekki til samræmis við vísitöluþróun.

Húsaleigubætur verða hækkaðar úr 91 m.kr. 2009 í 114 m.kr og mun fjárhagsaðstoð hækka til samræmis við vísitöluþróun síðasta árs.

Sérstök framlög til atvinnuskapandi verkefna verða 100 m.kr.

Sparnaði og hagræðingu hefur verið beitt í almennum rekstri bæjarins til að ná rekstri bæjarsjóðs hallalausum og miðað við gefnar forsendur verður rekstrarafgangur bæjarsjóðs 44 m.kr.


Áætlað er að framkvæma fyrir ríflega 1.200 m.kr. á árinu 2010. Helstu málaflokkar eru eftirfarandi:

-
Grunn- og leikskóli 223 m.kr.
-
Íþróttamannvirki 83 m.kr.
-
Þjónustumiðstöð og hjúkrunarrými fyrir aldraða 283 m.kr.

Stærstu rekstrarliðir í fjárhagsáætluninni eru (sem hlutfall af skatttekjum):

-
Fræðslumál 61%
-
Æskulýðs- og íþróttamál 11%
-
Félagsþjónusta 8%
-
Umferðar og samgöngumál 5%

Fjárhagsáætlun verður endurskoðuð eftir þrjá mánuði teljist tilefni til.

Sérstakar athugasemdir við fjárhagsáætlun 2010:

Eftirfarandi atriðum í fjárhagsáætlun verður vísað til endurskoðunar eftir 3 mánuði. Skal þar nefna:

Framlag til tónlistarskólanna verði endurskoðað. Framlag til tónlistarsafns Kópavogs verði endurskoðað en ekki er gert ráð fyrir að bæta við stöðugildum til safnsins að svo stöddu
Ekki er gert ráð fyrir framlagi vegna Sögu Kópavogs
Framlag til félagsmiðstöðva verði endurskoðað þannig að framlag til þeirra fari ekki yfir 100 m.kr.

Engar ráðningar í yfirstjórn bæjarins verða heimilaðar á árinu 2010 nema með samþykki bæjarráðs