Bæjarstjórn

77. fundargerð í 5 liðum.

9. fundargerð í 3 liðum.

55. fundargerð í 1 lið.

56. fundargerð í 19 liðum.

Ármann Kristinn Ólafsson bæjarstjóri, gerði grein fyrir fjárhagsáætlun Kópavogsbæjar 2015 sem samanstanda af rekstraryfirliti, rekstrarreikningi, efnahagsreikningi, sjóðstreymi og framkvæmdayfirliti, fyrir A-hluta og samstæðu Kópavogsbæjar. Lagði bæjarstjóri til að tillögunni yrði vísað til seinni umræðu í bæjarstjórn.
Þá lagði Ármann Kristinn Ólafsson bæjarstjóri, fram eftirfarandi tillögu að álagningu gjalda fyrir 2015:

I. Bæjarstjórn Kópavogs samþykkir að útsvar fyrir árið 2015 verði óbreytt, 14,48%.
II. Bæjarstjórn Kópavogs samþykkir að fasteignagjöld fyrir árið 2015 verði álögð sem hér segir:
a) Fasteignaskattur
1. Íbúðarhúsnæði lækki úr 0,27% í 0,265% af fasteignamati.
2. Atvinnuhúsnæði og annað húsnæði lækki úr 1,64% í 1,62% af fasteignamati.
3. Opinbert húsnæði óbreytt, 1,320% af fasteignamati (sbr. b-lið 3. mgr. 3. gr. laga nr. 4/1995).
4. Hesthús lækki úr 0,27% í 0,265% af fasteignamati.
5. Sumarhús lækki úr 0,27% í 0,265% af fasteignamati.
b) Vatnsskattur og holræsagjald
1. Vatnsskattur lækki og verði 0,09% af heildarfasteignamati í stað 0,10%. Aukavatnsgjald skv. mæli verði kr. 36,30 (var 35,59) fyrir hvern m3 vatns.
2. Fráveitugjald, sbr. reglugerð um fráveitugjald í Kópavogsbæ nr. 729/2001, verði óbreytt og nemi 0,169% af fasteignamati, sbr. lög um skráningu og mat fasteigna nr. 94/1976 með síðari breytingum. Sé ekkert mannvirki á lóð greiðist ekki holræsagjald. Ekki skal reikna fráveitugjald af húsi það ár sem bygging þess hefst. Rotþróargjald fyrir íbúðarhúsnæði að Vatnsenda verði kr. 26.171 (var 25.658) og innheimtist með fasteignagjöldum.
c) Lóðarleiga:
1. Fyrir lóðir íbúðarhúsa óbreytt 19,48 á kr/m².
2. Lækjarbotnar-lækka úr kr. 22,72 í 19,48 kr/m².
3. Fyrir lóðir annarra húsa óbreytt 190,00 kr/m².

Gjalddagar fasteignagjalda 2015 verði átta, þann 1. febrúar, 1. mars, 1. apríl, 1. maí, 1. júní, 1. júlí, 1. ágúst og 1. september og greiðist áttundi hluti gjaldsins hverju sinni. Eindagi verði í lok hvers mánaðar.
Gjaldendur er greiða lægri fasteignagjöld en 40.000 kr. greiði þau í einu lagi á gjalddaga 01.03. 2015.
Gjaldendur er greiða fasteignagjöld að fullu fyrir 13.02. 2015 fá 3% staðgreiðsluafslátt
d) Elli- og örorkulífeyrisþegar er njóta lækkunar fasteignaskatts skulu fá staðgreiðsluafslátt samkvæmt sömu reglum og aðrir gjaldendur af þeim hluta er þeim ber að greiða.
Veittur verður afsláttur af fasteignaskatti til þeirra elli- og örorkulífeyrisþega, sem búa í eigin íbúð. Miðast afslátturinn við eftirfarandi tekjumörk liðins árs:

100% lækkun:
Einstaklingar með heildarárstekjur allt að 2.852.000 krónur (var 2.750 þ).
Hjón með heildarárstekjur allt að 3.935.000 krónur (var 3.795 þ).
75% lækkun:
Einstaklingar með heildarárstekjur á bilinu frá 2.852.001 - 3.287.000 krónur (var 3.170 þ).
Hjón með heildarárstekjur á bilinu 3.935.001 - 4.433.000 krónur (var 4.275 þ).
50% lækkun:
Einstaklingar með heildarárstekjur á bilinu 3.287.001 - 3.547.000 krónur (var 3.420 þ).
Hjón með heildarárstekjur á bilinu 4.433.001 - 4.812.000 krónur (var 4.640 þ).
25% lækkun:
Einstaklingar með heildarárstekjur á bilinu 3.547.001 - 3.754.000 krónur (var 3.620 þ).
Hjón með heildarárstekjur á bilinu 4.812.001 - 5.107.000 krónur (var 4.925 þ).

e) Veittur verður styrkur til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni, svo sem menningar-, íþrótta-, æskulýðs- og tómstundastarfsemi og mannúðarstörf, sbr. sérstakar reglur bæjarstjórnar þar um.

II. Bæjarstjórn Kópavogs samþykkir á grundvelli laga nr. 7/1998 um hollustuhætti og mengunarvarnir, að leggja sérstakt sorphirðu- og eyðingargjald á hverja íbúð í Kópavogi á árinu 2015. Gjaldið hækkar vegna aukins úrgangs og vegna gjaldskrárhækkana Sorpu, m.a. vegna gas- og jarðefnastöðvar og verður kr. 24.500 á íbúð (var 22.000). Enn fremur verði heimilt að leggja á aukatunnugjald. Innheimta skal gjaldið með fasteignagjöldum og eru gjalddagar þeir sömu.

Ármann Kristinn Ólafsson bæjarstjóri, gerði grein fyrir fjárhagsáætlun Kópavogsbæjar fyrir 2016 - 2018, og lagði til að tillögunni verði vísað til seinni umræðu í bæjarstjórn.

Lagðar fram fundargerðir bæjarráðs frá 30. október og 6. nóvember, byggingarfulltrúa frá 23. október og 6. nóvember, félagsmálaráðs frá 27. október og 3. nóvember, forsætisnefndar frá 6. nóvember, forvarna- og frístundanefndar frá 22. október, heilbrigðisnefndar frá 27. október, íþróttaráðs frá 4. nóvember, jafnréttis- og mannréttindaráðs frá 29. október, lista- og menningarráðs frá 6. nóvember, skipulagsnefndar frá 3. nóvember, skólanefndar frá 3. nóvember, skólanefndar MK frá 15. október og umhverfis- og samgöngunefndar frá 6. október og 4. nóvember.

2748. fundargerð í 12 liðum.

2749. fundargerð í 48 liðum.

Borist hefur umsókn um lóðina Austurkór 60 frá VSV ehf. kt. 691007-0490. Fyrirtækið hefur ekki verið starfandi undanfarin ár, en hefur nú verið endurvakið. Eigendur fyrirtækisins eru sömu og Mótx ehf. kt. 660505-2100 og hafa lagt fram gögn sem varða málið. Umsækjandi er skuldlaus við bæjarsjóð.

Lóðin hefur verið auglýst í tilskilinn tíma samkvæmt úthlutunarreglum.

Lagt er til að bæjarráð mæli með við bæjarstjórn að samþykkja úthlutun lóðarinnar Austurkór 60 til umsækjanda.

Borist hefur umsókn um lóðina Austurkór 62 frá VSV ehf. kt. 691007-0490. Fyrirtækið hefur ekki verið starfandi undanfarin ár, en hefur nú verið endurvakið. Eigendur fyrirtækisins eru sömu og Mótx ehf. kt. 660505-2100 og hafa lagt fram gögn sem varða málið. Umsækjandi er skuldlaus við bæjarsjóð.

Lóðin hefur verið auglýst í tilskilinn tíma samkvæmt úthlutunarreglum.

Lagt er til að bæjarráð mæli með við bæjarstjórn að samþykkja úthlutun lóðarinnar Austurkór 62 til umsækjanda.

Borist hefur umsókn um lóðina Austurkór 64 frá VSV ehf. kt. 691007-0490. Fyrirtækið hefur ekki verið starfandi undanfarin ár, en hefur nú verið endurvakið. Eigendur fyrirtækisins eru sömu og Mótx ehf. kt. 660505-2100 og hafa lagt fram gögn sem varða málið. Umsækjandi er skuldlaus við bæjarsjóð.

Lóðin hefur verið auglýst í tilskilinn tíma samkvæmt úthlutunarreglum.

Lagt er til að bæjarráð mæli með við bæjarstjórn að samþykkja úthlutun lóðarinnar Austurkór 64 til umsækjanda.

Borist hefur umsókn um lóðina Hlíðarendi 2-4 frá G. Á. byggingar ehf. kt. 660402-2680. Umsækjandi hefur skilað inn ársreikningi 2013 og tilskyldum gögnum. Umsækjandi er skuldlaus við bæjarsjóð.

Lóðin hefur verið auglýst í tilskilinn tíma samkvæmt úthlutunarreglum.

Lagt er til að bæjarráð mæli með við bæjarstjórn að samþykkja úthlutun lóðarinnar Hlíðarendi 2 - 4 til umsækjanda.

Að lokinni kynningu er lögð fram að nýju tillaga Helga Más Hallgrímssonar, arkitekts fh. lóðarhafa þar sem óskað er eftir heimild til að byggja svalir út fyrir byggingarreit á norðvestur hlið Arakórs 5. Uppdrættir í mkv. 1:500 og 1:200 ódags. Grenndarkynningu lauk 23.10.2014. Engar athugasemdir eða ábendingar bárust.
Skipulagsnefnd samþykkti framlagða tillögu með tilvísan í 43. gr. skipulagslaga nr. 123/2010. Vísað til bæjarráðs og bæjarstjórnar.
Bæjarráð vísaði málinu til bæjarstjórnar til afgreiðslu.

Að lokinni kynningu er lögð fram að nýju tillaga Helga Más Hallgrímssonar, arkitekts fh. lóðarhafa þar sem óskað er eftir heimild til að byggja svalir út fyrir byggingarreit á norðvestur hlið Arakórs 7. Uppdrættir í mkv. 1:500 og 1:200 ódags. Grenndarkynningu lauk 23.10.2014. Engar athugasemdir eða ábendingar bárust.
Skipulagsnefnd samþykkti framlagða tillögu með tilvísan í 43. gr. skipulagslaga nr. 123/2010. Vísað til bæjarráðs og bæjarstjórnar.
Bæjarráð vísaði málinu til bæjarstjórnar til afgreiðslu.

Lagt fram erindi Sveins Ívarssonar, arkitekt, f.h. lóðarhafa, dags. 16.10.2014, vegna fyrirhugaðra breytinga á Þverbrekku 8. Í breytingunni felst að verlsunarhúsnæði verði breytt í íbúðarhúsnæði með 12 íbúðum og verður hver íbúð um 67m2 að stærð. Einni hæð verður bætt ofan á núverandi hús, hækkunin nemur 1,5m á norðurhlið og 2,7m á suðurhlið. Í kjallara verða sjö bílastæði sbr. uppdráttum dags. 10.9.2014.
Lögð fram í samræmi við 1. mgr. 30. gr. skipulagslaga nr. 123/2010 lýsing á skipulagsverkefninu: Lýsing fyrir breytingu á verslunar- og þjónustusvæði við Þverbrekku 8, dags. 3.11.2014.
Skipulagsnefnd samþykkti framlagða lýsingu. Vísað til bæjarráðs og bæjarstjórnar.
Bæjarráð vísaði málinu til bæjarstjórnar til afgreiðslu.

Lögð fram í samræmi við 40. gr. skipulagslaga nr. 123/2010 lýsing á skipulagsverkefninu: "Deiliskipulag. Smárinn vestan Reykjanesbrautar. Ný vistvæn borgarbyggð" dags. 20.10.2014. Í lýsingunni koma m.a. fram áherslur bæjaryfirvalda við deiliskipulagsgerðina, upplýsingar um forsendur og fyrirliggjandi stefnu og fyrirhugað skipulagsferli, svo og um kynningu og samráð gangvart íbúum og öðrum hagsmunaaðilum.
Þá greint frá fyrirhuguðum íbúafundi með íbúum Smárans sem halda á fimmtudaginn 13. nóvember 2014 í Smáraskóla.
Skipulagsnefnd samþykkti framlagða lýsingu með áorðnum breytingum dags. 3.11.2014. Skipulagsnefnd samþykkti jafnframt með tilvísan í 38. grein skipulagslaga nr. 123/2010 heimild til að hefja vinnu við endurskoðun deiliskipulags á svæðinu sem afmarkast af Smárahvammsvegi, Fífuhvammsvegi, Reykjanesbraut og Hagasmára. Vísað til bæjarráðs og bæjarstjórnar.
Bæjarráð vísaði málinu til bæjarstjórnar til afgreiðslu.

Lagt fram erindi Umhverfissviðs varðandi endurupptöku á átaki "Grænir dagar" í Kópavogi og skipulagningu svæða.
Umhverfis- og samgöngunefnd samþykkir einróma að fela Umhverfisfulltrúa að afmarka aðgerðarsvæði "Grænna daga" í samræmi við Aðalskipulag Kópavogsbæjar 2012-2024 og samþykkt deiliskipulög þar sem þau eru til staðar og gera drög að aðgerðaráætlun í samráði við garðyrkjustjóra Kópavogsbæjar. Kostnaðarliðum erindisins er vísað til afgreiðslu bæjarráðs og bæjarstjórnar. Bæjarráð vísaði málinu til bæjarstjórnar til afgreiðslu.

133. fundargerð í 9 liðum.

134. fundargerð í 4 liðum.

1378. fundargerð í 10 liðum.

1379. fundargerð í 5 liðum.

33. fundargerð í 1 lið.

24. fundargerð í 7 liðum.

195. fundargerð í 7 liðum.

41. fundargerð í 10 liðum.

30. fundargerð í 2 liðum.

33. fundargerð í 6 liðum.

1248. fundargerð í 18 liðum.