Bæjarstjórn

Fulltrúar Samfylkingarinnar lögðu fram eftirfarandi bókun:

"Við gerð fjárhagsáætlunar fyrir árið 2014 kusu bæjarfulltrúar Sjálfstæðisflokks, Framsóknarflokks og Lista Kópavogsbúa að vinna áætlunina einir og án nokkurrar aðkomu annarra bæjarfulltrúa, né heldur höfðu nefndir bæjarins nokkuð um áætlunina að segja. Þetta eru gamaldags vinnubrögð og ekki líkleg til að ná bestum mögulegum árangri fyrir bæjarfélagið. Sveitarfélagið er heldur að rétta úr kútnum eftir erfið ár í kjölfar hruns bankakerfisins og má þakka það góðri og skynsamlegri fjármálastjórn á fyrri hluta þessa kjörtímabils. Forgangsröðun var skýr og jöfnuður leiðarljósið og samstarf var um gerð fjárhagsáætlunar út fyrir þann meirihluta sem þá ríkti í bæjarstjórn.

Í tillögum bæjarfulltrúa Sjálfstæðisflokks, Framsóknarflokks og Lista Kópavogsbúa er lögð til svolítil lækkun fasteignagjalda sem kemur helst þeim til góða sem mesta eiga. Þannig er gengið á tekjustofna sveitarfélagsins en aftur á móti er sótt meira í vasa barnafjölskyldna með því að hækka leikskólagjöld, dægradvöl og skólamáltíðir. Í tillögunum er ekkert sem bendir til að meirihlutinn ætli að bregðast við þeim mikla vanda sem nú ríkir á leigumarkaði.

Það er fagnaðarefni að nú er hægt að skila einhverju af því til baka sem þurfti að skera niður þegar fjármál bæjarins stóðu verst í lok síðasta kjörtímabils og byrjun þessa. Þá er mikilvægt að forgangsraða rétt og nota það svigrúm sem skapast til að jafna stöðu bæjarbúa. Lækkun fasteignagjalda sem skerðir tekjur bæjarins um tæpar 80 milljónir, árshátíð fyrir starfsfólk bæjarins upp á 19 milljónir og sérstyrkir íþróttafélaga upp á 4 milljónir eru dæmi um ranga forgangsröðun. Þessi verkefni þola bið.

Guðríður Arnardóttir, Hafsteinn Karlsson, Margrét Júlía Rafnsdóttir"

Kl. 17:00 tók Pétur Ólafsson sæti sitt á fundinum og vék Margrét Júlía Rafnsdóttir þá af fundi.

Ólafur Þór Gunnarsson lagði fram eftirfarandi bókun:

"Fjárhagsáætlun Kópavogs fyrir 2014 sýnir áherslur meirihlutans í málefnum barnafjölskyldna skýrt.  Gjöld á þær fjölskyldur hækka mest, en eftirgjöf til stóreignafólks heldur áfram. Ekki er tekið á brýnum úrlausnarefnum eins og stöðu á leigumarkaði eða erfiðri stöðu barnafólks. Ekki var í neinu leitað til minnihlutaflokkanna við gerð áætlunarinnar, þó eftir því væri leitað. VG munu leggja fram breytingartillögur við aðra umræðu þar sem verður tekið á þessum málum.

Ólafur Þór Gunnarsson"

Hjálmar Hjálmarsson lagði fram eftirfarandi bókun:

"Fjárhagsáætlun meirihluta Sjálfstæðisflokks, Framsóknarflokks og Y-lista Kópavogsbúa er unnin án samráðs við fulltrúa minnihlutans og án aðkomu nefnda og ráða bæjarins þrátt fyrir að undirritaður, fulltrúi Næstbesta flokksins hafi óskað eftir, með formlegum hætti að taka þátt í fjárhagsáætlunargerðinni.

Engar hugmyndir er að finna, hvorki í áætlun næsta árs né þriggja ára áætlun, hvernig megi vinna á bug á húsnæðisvandanum sem verður eitt brýnasta verkefni sveitarfélagsins á næstu árum.

Fulltrúi Næstbesta flokksins mun leggja fram umtalsverðar breytingartillögur við aðra umræðu sem snúa fyrst og fremst að gjaldskrárbreytingum og frestun ótímabærra framkvæmda. Við höfum tækifæri til að auka ráðstöfunartekjur íbúa með markvissum aðhaldsaðgerðum og  gjaldskrárlækkunum sem nýtast best barnafólki og þeim sem lægstar tekjur hafa.

Hjálmar Hjálmarsson"

Bæjarstjórn samþykkir einróma að vísa fjárhagsáætlun Kópavogsbæjar 2014 og tillögu um álagningu gjalda til seinni umræðu.

Bæjarstjórn samþykkir einróma að vísa fjárhagsáætlun Kópavogsbæjar fyrir 2015 - 2017 til seinni umræðu.

Guðríður Arnardóttir lagði fram eftirfarandi tillögu:

"Undirrituð leggur til að tillögum um skipulagsbreytingar verði frestað til næsta bæjarstjórnarfundar og í millitíðinni verði skipaður starfshópur allra flokka sem leggi fram sameiginlegar tillögur á næsta bæjarstjórnarfundi.

Guðríður Arnardóttir"

Tillaga Guðríðar Arnardóttur um frestun á afgreiðslu tillögu um skipulagsbreytingu á stjórnkerfi bæjarins var felld með fimm atkvæðum en fjórir greiddu atkvæði með henni. Tveir bæjarfulltrúar sátu hjá við afgreiðslu málsins.

Hlé var gert á fundi kl. 20.22. Fundi var fram haldið kl. 20.39.

Fulltrúar Samfylkingarinnar og Næstbesta flokksins lögðu fram eftirfarandi bókun:

"Hér er verið að samþykkja skipulagsbreytingar á yfirstjórn bæjarins þar sem að hluta til er horfið til fortíðar með tilfærslum á stöðugildum. Umhverfismál fá minna vægi í nýju skipuriti ásamt því sem yfirstjórn menningarmála fær auki vægi með tilheyrandi kostnaði um leið og framlög til menningarstofnana eru skorin niður á næsta fjárhagsári. Erfitt er fyrir bæjarfulltrúa að átta sig á þeim kostnaði sem af tillögunum hlýst, enda hefur ekki verið lögð fram nein áætlun í þeim efnum. Við undirrituð óskuðum eftir frestun á málinu sem hefði gefið gullið tækifæri fyrir alla bæjarfulltrúa að ná þverpólitískri sátt og er harmað að slíkt skyldi ekki hafa gengið eftir.  Athygli vekur að staða sviðsstjóra sérstakra verkefna er hér lögð niður, staða sem meirihlutinn stofnaði fyrir réttu hálfu ári.

Guðríður Arnardóttir, Hafsteinn Karlsson, Pétur Ólafsson, Hjálmar Hjálmarsson"

Hlé var gert fundi kl. 20.42. Fundi var fram haldið kl. 20.53.

Eftirfarandi fulltrúar lögðu fram eftirfarandi bókun:

"Tillaga þessi byggir á faglegum vinnubrögðum þar sem skýrsla Capacent var lögð til grundvallar. Skýrslan var lögð fram í Nóvember 2012 og var rædd í bæjarstjórn þar sem hún fékk jákvæða umfjöllun. Í skýrslunni komu fram atriði sem talið var að þyrfti að leiða til betri vegar og bæta skipurit bæjarins með það að markmiði að gera það skýrara og þar með skilvirkara. Capacent var falið að gera slíka tillögu og eru breytingar skipuritsins byggðar á þeim.Enginn niðurskurður er í framlögum til menningarstofnana og á engan hátt eru umhverfismál að fá minna vægi. Skipulagsbreytingarnar hafa sparnað í förm með sér

Ármann Kr. Ólafsson, Margrét Björnsdóttir, Karen Halldórsdóttir, Rannveig Ásgeirsdóttir, Ómar Stefánsson"

Hlé var gert á fundi kl. 20.54. Fundi var fram haldið kl. 20.55.

Guðríður Arnardóttir lagði fram eftirfarandi bókun:

"Fyrir rúmu hálfu ári var staða sviðsstjóra sérstakra verkefna stofnuð á grundvelli umræddrar skýrslu Capasent.  Er staðan lögð niður á grundvelli sömu skýrslu?

Guðríður Arnardóttir"

Ármann Kr. Ólafsson, bæjarstjóri, lagði fram eftirfarandi bókun:

"Ég bendi á bls. 46 í skýrslu Capacent.

Ármann Kr. Ólafsson"

Forseti bar undir fundinn framlagða tillögu að skipulagsbreytingum á stjórnkerfi bæjarins. Óskað var eftir nafnakalli við atkvæðagreiðsluna.

Hjálmar Hjálmarsson gerði grein fyrir atkvæði sínu með eftirfarandi bókun: "Þrátt fyrir fullyrðingar bæjarstjóra um að sparnaður hljótist af umræddum tilögum hafa bæjarfulltrúar ekki fengið að sjá kostnaðargreiningu þar að lútandi." Hjálmar Hjálmarssons sagði nei,

Karen Halldórsdóttir sagði já,

Ólafur Þór Gunnarsson gerði grein fyrir atkvæði sínu með eftirfarandi bókun: "Undirritaður hefði kosið að samráð hefði verið haft við minnihlutann í bæjarstjórn vegna þeirra skipulagsbreytinga sem hér eru til umræðu og sit því hjá við atkvæðagreiðsluna." Ólafur Þór Gunnarsson sat hjá við atkvæðagreiðsluna.

Ómar Stefánsson gerði grein fyrir atkvæði sínu með eftirfarandi bókun: "Breytingarnar eru byggðar á skýrslu og ýtarlegri úttekt frá Capacent og mjög faglega að verki staðið.   Þessar breytingar eru því mjög til bóta og segi ég því já." Ómar Stefánsson sagði já.

Pétur Ólafsson gerði grein fyrir atkvæði sínu og sagði nei.

Rannveig Ásgeirsdóttir sagði já,

Aðalsteinn Jónsson greiddi ekki atkvæði,

Ármann Kr. Ólafsson sagði já,

Guðríður Arnardóttir sagði nei,

Hafsteinn Karlsson sagði nei,

Margrét Björnsdóttir sagði já,

Tillagan var samþykkt með fimm atkvæðum gegn fjórum. Tveir bæjarfulltrúar sátu hjá við afgreiðslu málsins.

Lagt fram.

Aðalsteinn Jónsson lagði fram eftirfarandi bókun:

"Ég geri fyrirvara um þær framkvæmdir sem taldar eru upp í yfirlýsingu í samningum við HK í lið 4.

Aðalsteinn Jónsson"

Lagt fram.

Bæjarstjórn samþykkir drög að samkomulagi við Gerplu með 10 atkvæðum. Einn bæjarfulltrúi sat hjá við afgreiðslu málsins.

Bæjarstjórn samþykkir drög að samkomulagi við GKG með 10 atkvæðum. Einn bæjarfulltrúi sat hjá við afgreiðslu málsins.

Bæjarstjórn samþykkir drög að samkomulagi við HK með 11 atkvæðum.

Bæjarstjórn samþykkir drög að samkomulagi við Breiðablik með 10 atkvæðum.

Ómar Stefánsson vék af fundi undir afgreiðslu á þessum lið.

Bæjarstjórn samþykkir einróma lántöku byggðasamlagsins.

Lagt fram.

Bæjarstjórn samþykkir framlagða viðbragsáætlun með 10 atkvæðum gegn 1.

Ómar Stefánsson lagði til að málinu verði vísað til umhverfis- og samgöngunefndar til úrvinnslu.

Bæjarstjórn samþykkir tillögu Ómars Stefánssonar einróma.

Bæjarstjórn samþykkir með 8 atkvæðum tillögu að gjaldskrám fyrir árið 2014 vegna heilbrigðis- og mengunarvarnaeftirlits og vegna hundahalds. Þrír bæjarfulltrúar sátu hjá við atkvæðagreiðsluna.

Bæjarstjórn samþykkir einróma afgreiðslur byggingarfulltrúa.

Hlé var gert á fundi kl. 22.28. Fundi var fram haldið kl. 22.30.

Bæjarstjórn samþykkir að fresta lið 11 og vísar til bæjarlögmanns til úrvinnslu, en samþykkir að öðru leyti einróma afgreiðslur byggingarfulltrúa.

Bæjarstjórn frestar afgreiðslu og vísar liðnum til bæjarlögmanns til úrvinnslu.

Lagt fram.

Lagt fram.

Lagt fram.

Bæjarstjórn samþykkir með 11 atkvæðum að gefa Kynnisferðum ehf., kt. 620372-0489, kost á byggingarrétti á lóðinni Vesturvör 38a.

Bæjarstjórn samþykkir með 11 atkvæðum að gefa Halldóri Björgvin Jóhannssyni, kt. 250377-3129, kost á byggingarrétti á lóðinni Arakór 7.

Bæjarstjórn samþykkir með 11 atkvæðum að gefa Kristni Sigurpáli Sturlusyni, kt. 230179-4259 og Þórunni Tryggvadóttur, kt. 231076-2989, kost á byggingarrétti á lóðinni Arakór 5.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Matthías Imsland kjörinn aðalmaður í lista- og menningarráð í stað Sveins Sigurðssonar.

Jenný Dagbjört Gunnarsdóttir kjörin varamaður í lista- og menningarráð í stað Sigrúnar Skaftadóttur.

Sveinn Sigurðsson kjörinn aðalmaður í stjórn Tónlistarskóla Kópavogs í stað Sólveigar Sigurðardóttur.