Fréttir

Tilkynningar

Viðburðir

25.02.2024 kl. 13:30 - Salurinn

Sigling (& Stormur)

Ljóðræna, andhverfa, speglun Dúplum dúó, skipað Björk Níelsdóttur og Þóru Margréti Sveinsdóttur, hefur komið fram víða á undanförnum árum við frábærar undirtektir en dúóið var stofnað árið 2017. Á þessum tónleikum býður dúettinn upp á glænýja tónlist úr ólíkum áttum,en öll eru verkin samin fyrir hljóðheim Dúplum Dúó, rödd og víólu. Hér heyrum við hinn undursamlega ljóðaflokk Schumann og Heine, Dichterliebe en í útfærslu og meðhöndlun Hauks Þórs Harðarsonar. Eftir Elínu Gunnlaugsdóttur hljómar ný tónlist við Valsa úr síðustu siglingu, ljóðabók Lindu Vilhjálmsdóttur. Nýtt tónverk Kolbeins Bjarnasonar er innblásið af ratsjárstöðinni á Straumnesfjalli og bandarískum hermönnum og Morris Kliphuis semur við ljóð hinnar frönsku Sara Turquety. Dúplum dúó var stofnað árið 2017 og leggur áherslur á nútímaljóðlist og nútímaflutning á ljóðasöng þar sem leitast er við að draga fram það hráa og viðkvæma í tónlistinni með túlkun sinni og hljóðfæraskipan. Áskriftakort TÍBRÁ 2023-24 Efnisskrá Robert Schumann & Heinrich HeineDichterliebe í útsetningu Hauks Þórs HarðarsonarElín Gunnlaugsdóttir / Linda VilhjálmsdóttirValsar úr síðustu siglinguKolbeinn BjarnasonNýtt verk, innblásið af ratsjárstöðinni á StraumnesfjalliMorris Kliphuis / Sara TurquetyVerk fyrir víólu og söngrödd
27.02.2024 kl. 10:00 - Bókasafn Kópavogs

Hannyrðaklúbburinn Garn og gaman

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs
28.02.2024 kl. 14:00 - Bókasafn Kópavogs

Hannyrðaklúbburinn Kaðlín

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og allir velkomnir! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.
28.02.2024 kl. 16:00 - Bókasafn Kópavogs

Bókmenntaklúbburinn Hananú!

Bókmenntaklúbburinn Hananú! hittist í Huldustofu á 3. hæð aðalsafns.  Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú! Fylgist með í Facebook-hópnum Bókmenntaklúbburinn Hananú | Bókasafn Kópavogs.
28.02.2024 kl. 12:15 - Gerðarsafn

Leiðsögn sýningarstjóra | Hallgerður Hallgrímsdóttir

Verið hjartanlega velkomin á leiðsögn Hallgerðar Hallgrímsdóttur sýningarstjóra um sýninguna Venjulegir staði/Venjulegar myndir miðvikudaginn 28. febrúar kl. 12.15. Aðgangur er ókeypis. Sýningin birtir ljósmyndir Ívars Brynjólfssonar í samtali við verk Emmu Heiðarsdóttur, Haraldar Jónssonar, Joe Keys, Kristínar Sigurðardóttur, Lukas Kindermann, Ragnheiðar Gestsdóttur og Tine Bek. Listamenn sýningarinnar eiga það sameiginlegt að veita ákveðnum hlutum ítrustu athygli, brengla hversdaginn með því að fletja hann út eða umbreyta með öðrum hætti. Á sýningunni myndast samtal á milli myndaraða Ívars frá árunum 1991-2023 við skúlptúra, vídeóverk, ljósmyndaverk og innsetningar sem einnig spretta úr skynjun mannverunnar á umhverfi sínu. Hallgerður Hallgrímsdóttir (f. 1984) er myndlistarkona og býr og starfar í Reykjavík. Hún er með MA frá Akademin Valand í Gautaborg, þaðan sem hún lauk námi 2019. Áður nam hún við myndlist með áherslu á ljósmyndun við Glasgow School of Art. Verk hennar hafa farið víða og verið sýnd meðal annars í The Photographer’s Gallery í London, Hasselblad Center í Gautaborg, í Listasafninu á Akureyri, Listasafni Færeyja, Listasafni Reykjavíkur, Listasafni Íslands og Fotografisk Center í Kaupmannahöfn. Hallgerður hefur starfað hjá Gerðarsafni við verkefnastjórn og sýningastjórn síðan 2020.
29.02.2024 kl. 20:00 - Bókasafn Kópavogs

Wieczór z książką Artysty Miasta

Wprowadzenie do islandzkiego kryminału i książek dostępnych po polsku. Spotkanie odbędzie się w języku polskim. Wszyscy mile widziani! Biblioteka Miejska w Kópavogur w dniu 23 -go stycznia 2024 r. o godz. 20.00Lilja Sigurðardóttir er bæjarlistamaður Kópavogsbæjar 2023 – 2024 og mun af því tilefni bjóða upp á stórskemmtilega viðburðadagskrá sem hverfist um glæpasöguna í öllum sínum litbrigðum. Hér verður fjallað um íslenskar glæpasögur á pólsku. Viðburðurinn er í samstarfi við Polishbooks, pólsku bókabúðina í Kópavogi. Aðgangur ókeypis og öll velkomin. Bókaklúbbur bæjarlistamannsins 2023 – 2024 9. ágúst kl. 18Hinsegin glæpalýðurÍslenskar og erlendar glæpasögur í hinsegin ljósiLesarar með Lilju eru Íris Tanja Flygenring og Sigursteinn MássonÍ samstarfi við Hinsegin dagaBókasafn Kópavogs18. október kl. 20Glæpsamlega gott jólabókaflóðSplunkunýjar glæpasögur í brennidepliBókasafn Kópavogs 6. desember kl. 20KrimmaKviss í KópavogiJólastemning og dularfull spurningakeppni27 mathús og bar. Víkurhvarfi 129. luty kl. 20Wieczór z książką Artysty Miasta KópavogurWprowadzenie do islandzkiego kryminału i książek dostępnych po polsku. Spotkanie odbędzie się w języku polskim. Wszyscy mile widziani! We współpracy z Polishbooks, polską księgarnią w KópavogurBiblioteka Miejska w Kópavogur 9. mars kl. 11 – 15Hvernig á að skrifa glæpasögu?Innsýn veitt í skapandi ferliSkráning auglýst síðarBókasafn Kópavogs23. apríl kl. 18. Dagur bókarinnarKanóna íslenskra glæpasagnaHverjar eru uppáhalds glæpasögur Kópavogsbúa?Bókasafn Kópavogs
29.02.2024 kl. 12:15 - Bókasafn Kópavogs

Hádegisdjass með Tónlistarskóla FÍH

Ljúfir hádegistónleikar með framhaldsnemendum af söngdeild Tónlistarskóla FÍH, síðasta fimmtudag hvers mánaðar. Lög sem öll þekkja í bland við sjaldheyrðari smelli, sveifla og sving, stuð og stemning. Tónleikarnir standa yfir í um hálfa klukkustund og eru öllum opnir á meðan húsrúm leyfir. Aðgangur ókeypis.
29.02.2024 kl. 17:00 - Salurinn

Síðdegisjazz með Olli Soikkeli og Birgi Steini

Finnski jazzgítarleikarinn Olli Soikkeli kemur fram á hressandi síðdegistónleikum í Salnum á hlaupársdegi, fimmtudaginn 29. febrúar kl 17. Með honum leikur Birgir Steinn Theodorsson á bassa. Olli Soikkeli hefur vakið mikla og verðskuldaða eftirtekt fyrir einstaka færni sína á gítar en honum er gjarnan líkt við belgíska gítarundrið Django Reinhardt sem Olli heillaðist ungur af. Hann er fæddur árið 1991 í Finnlandi en hefur verið búsettur í New York í Bandaríkjunum undanfarinn áratug. Soikkeli hefur sent frá sér fjölmargar plötur og komið fram í tónleikahúsum svo sem Town Hall, Herbst Theatre, Birdland Jazz Club, Blue Note, Iridium og Lincoln Center.Hann hefur hlotið góða dóma í blöðum svo sem The New Yorker, The Wall Street Journal og Vanity Fair og leikið með tónlistarfólki á borð við Bucky Pizzarelli, Stochelo Rosenberg, Tommy Emmanuel, Andreas Öberg, Cyrille Aimee, Antti Sarpila og Marian Petrescu. Kontrabassaleikarinn Birgir Steinn Theodorsson hefur verið í framvarðasveit íslensku jazzsenunnar um árabil. Hann útskrifaðist frá FÍH 2015 og hélt þá til Berlínar í framhaldsnám þar sem hann naut handleiðslu Greg Cohen, Marc Muellbauer og Douglas Weiss. Á meðal tónlistarfólks sem hann hefur starfað með má nefna Önnu Grétu Sigurðardóttur, Daníel Helgason, Hauk Gröndal, Magnús Trygvason Eliassen, Matthías Hemstock og Tómas Jónsson. Aðgangur er ókeypis og öll hjartanlega velkomin á meðan húsrúm leyfir. Tónleikarnir eru styrktir af lista- og menningarráði Kópavogsbæjar. https://www.youtube.com/watch?v=-bqYbcU1010
29.02.2024 kl. 17:30 - Bókasafn Kópavogs

Leyndardómar tarotspilanna

Íris Ann hefur notað tarotspil frá unga aldri og haldið fjölda námskeiða um hvernig nota megi spilin í daglegu lífi. Hér mun hún segja frá því hvernig hún notar spilin, hver saga þeirra er og hvað þau tákna fyrir henni. Að því loknu gefst tími til spurninga og spjalls.  Íris Ann er ljósmyndari, listamaður, fyrrum eigandi Coocoo‘s Nest og kaffihússins Lólu Florens. Hún er lærð í höfuðbeina- og spjaldhryggjarmeðferð sem í stuttu máli er eins konar heilun og jafnframt er hún lærð í Kundalini Activation sem er orkuvinna. Viðburðurinn verður í ljóðahorni á 2. hæð aðalsafns.Öll velkomin á meðan húsrúm leyfir.
29.02.2024 kl. 18:30 - Gerðarsafn

Leiðsögn sýningarstjóra og listamanns | Fimmtudagurinn langi

Verið hjartanlega velkomin á leiðsögn með Hallgerði Hallgrímsdóttur og Kristínu Sigurðardóttur fimmtudaginn 29. febrúar kl. 18:30 í Gerðarsafni. Hallgerður er annar tveggja sýningarstjóra sýningarinnar Venjulegar myndir/Venjulegir staðir og Kristín sýnir verk á sýningunni. Sýningin Venjulegir staðir/Venjulegar myndir birtir ljósmyndir Ívars Brynjólfssonar í samtali við verk Emmu Heiðarsdóttur, Haraldar Jónssonar, Joe Keys, Kristínar Sigurðardóttur, Lukas Kindermann, Ragnheiðar Gestsdóttur og Tine Bek. Listamenn sýningarinnar eiga það sameiginlegt að veita ákveðnum hlutum ítrustu athygli, brengla hversdaginn með því að fletja hann út eða umbreyta með öðrum hætti. Á sýningunni myndast samtal á milli myndaraða Ívars frá árunum 1991-2023 við skúlptúra, vídeóverk, ljósmyndaverk og innsetningar sem einnig spretta úr skynjun mannverunnar á umhverfi sínu. Hallgerður Hallgrímsdóttir (f. 1984) er myndlistarkona og býr og starfar í Reykjavík. Hún er með MA frá Akademin Valand í Gautaborg, þaðan sem hún lauk námi 2019. Áður nam hún við myndlist með áherslu á ljósmyndun við Glasgow School of Art. Verk hennar hafa farið víða og verið sýnd meðal annars í The Photographer’s Gallery í London, Hasselblad Center í Gautaborg, í Listasafninu á Akureyri, Listasafni Færeyja, Listasafni Reykjavíkur, Listasafni Íslands og Fotografisk Center í Kaupmannahöfn. Hallgerður hefur starfað hjá Gerðarsafni við verkefnastjórn og sýningastjórn síðan 2020. Kristín Sigurðardóttir (f. 1981) er myndlistarmaður og ljósmyndari frá Íslandi. Hún útskrifaðist árið 2014 með meistaragráðu í ljósmyndun frá Parsons The New School Of Design og var veitt Dean’s námsstyrkur 2012-2014. Hún er einnig með BA gráðu í myndlist frá Íslandi og var í starfsnámi hjá Adam Fuss Studio og starfaði sem aðstoðarkennari í Parsons í New York og ljósmyndari á tökustað fyrir vefseríuna That Reminds Me. Verk hennar hafa verið gefin út af Crymogeu og Conveyor og sýnd á Íslandi og í Bretlandi, Færeyjum, Kína, Ástralíu, Danmörku og Bandaríkjunum.
01.03.2024 kl. 13:00 - Bókasafn Kópavogs

Hugleiðsla

Hugleiðsla með Thelmu Björk Jónsdóttir á aðalsafni Bókasafns Kópavogs  „Leggjum inn á andlega bankann.“ Gestir sitja á stólum og Thelma leiðir tímann í gegnum öndun, möntrur, tónheilun (og jákvæð inngrip). Tilgangurinn er að auka hamingjuna, virkja okkar innra ljós og eiga stund út af fyrir sig. Hver tími er 30 mín og það er frítt inn. Föstudaga kl. 13:00. Thelma Björk Jónsdóttir er menntaður fatahönnuður, listgreinakennari, jóga- og hugleiðslukennari og með diplóma í jákvæðri sálfræði. Öll velkomin á meðan húsrúm leyfi.
02.03.2024 kl. 20:00 - Salurinn

HILDUR

Hildur er söngkona, lagahöfundur og sellisti. Síðustu ár hefur hún rutt sér rúms sem popplagahöfundur og hlaut hún meðal annars Íslensku tónlistarverðlaunin fyrir popplag ársins 2017 fyrir lag sitt I'll Walk With You. Bakgrunnur hennar liggur í indí-rokktónlist þar sem hún var söngkona og sellóleikari hljómsveitarinnar Rökkurró sem gaf út þrjár plötur og spilaði mikið í Evrópu. Margir kannast einnig við hana úr Söngvakeppni Sjónvarpsins þar sem hún hefur átt þrjú lög í keppninni síðustu ár, ýmist sem lagahöfundur og/eða flytjandi.  Síðustu mánuði hefur hún unnið að nýrri sólóplötu sinni jafnt og plötu dúettsins RED RIOT ásamt því að hafa samið og framleitt tónlist fyrir aðra listamenn. Nýverið hefur hún samið töluvert fyrir sjónvarp og auglýsingar. Hún hefur einnig kennt lagasmíðar í mörg ár og nýtur þess að tala um ferlið bakvið lögin.   Söngvaskáld er röð innilegra tónleika þar sem söngvaskáld spila lög sín og segja frá tilurð laganna. Á Íslandi er að finna gífurlegt magn hæfileikaríkra tónlistarmanna sem semja og spila sín eigin lög, í öllum mögulegum tónlistarstefnum. Þessi nýja tónleikaröð mun beina athygli að þessum listamönnum, varpa ljósi á margvíslegar aðferðir listamanna við lagasmíðar og gefa þjóðþekktum lögum meiri dýpt sem fylgir því að heyra sögur af tilurð þeirra. 
Fleiri viðburðir

Hafðu samband

 

Hringdu í 441 0000

ef þig vantar aðstoð, svör eða nánari upplýsingar. Opnunartími Þjónustuversins er mánudaga - fimmtudaga frá 8 - 16 en frá 8 - 13 á föstudögum.

Hringja

 

Sendu okkur póst

Við tökum á móti ábendingum og fyrirspurnum í gegnum tölvupóst. Smelltu á merkið hér að ofan til að senda okkur póst.

Senda póst

 

Þarftu að senda viðkvæm gögn á öruggan hátt til Kópavogsbæjar

Notendur geta sent Kópavogsbæ viðkvæmar skrár eftir að þeir hafa auðkennt sig með rafrænum skilríkjum.

Gögnum er eytt úr Signet transfer eftir að viðkomandi hefur sótt þau.

Signet