Kópavogsbær

Ertu byrjandi eða með áralanga reynslu af bróderíi? Viltu kannski rifja upp gamla takta og hitta aðra sem deila sama áhuga? Þá gæti Bróderíklúbburinn hentað fyrir þig. Bróderíklúbburinn hittist á mánudögum á Lindasafni í Núpalind 7 kl. 14:00. Öll velkomin og heitt á könnunni.

Sumarnámskeið Vísindaskóla NátKóp í ágúst Leynist lítill vísindamaður heima hjá þér? Náttúrufræðistofa Kópavogs stendur fyrir sumarnámskeiði fyrir börn á aldrinum 8-12 ára, Vísindaskólanum, dagana 30. júní til 4. júlí annars vegar og svo endurtekið 11.-15. ágúst hins vegar. Í Vísindaskólanum fá forvitnir krakkar tækifæri til að læra um skordýr, fugla, fjöruna, veðrið og plöntur. Áhersla er lögð á útiveru til að kynnast náttúrunni í nærumhverfi Náttúrufræðistofu Kópavogs. Umsjónarmenn námskeiðsins eru þau Hulda Margrét Birkisdóttir og Sævar Helgi Bragason hjá Náttúrufræðistofu Kópavogs. Njóta þau auk þess liðsinnis annarra sérfræðinga. Verð: 11.500 kr Skráning mun vera í boði á Abler von bráðar.

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs

Gunnar Gunnarsson leiðir göngu upp Selfjall og um Lækjarbotna. Vegalengd ca 4 km. Uppsöfnuð hækkun ca 160 m Gangan tekur rúman klukkutíma til einn og hálfan. Hittumst á bílastæði ofan við Waldorf skólann kl. 18. Göngum upp hrygginn upp á Selfjall, þaðan á Klifkistu og niður að rústum farfuglaheimilisins Heiðarbóls. Þaðan á vegslóða niður að Skátaheimilinu og meðfram gilinu í Lækjarbotnum og svo aftur á upphafsstað. Undirlag er óslétt á köflum og getur verið gott að taka með stafi. Staðsetning bílastæðis á Google maps:https://maps.app.goo.gl/boSkmxqaQkuZAm5FA

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Alla miðvikudaga í sumar bjóðum við upp á sumarsmiðjur bæði á aðalsafni í Hamraborg 6a og Lindasafni í Núpalind 7 kl. 15:00-17:30, þar sem Gloría bókasafnskisa verður í sviðsljósinu. Komdu og búðu til kisugrímur, kisubókamerki, dýrafígúrur, kort, litaðu skemmtilegar söguhetjur eða taktu þátt í lista- og náttúrusmiðju Náttúrufræðistofu. Smiðjurnar verða rúllandi og mun hver smiðja bjóða upp á eitthvað af ofantöldu. Þá verður umhverfisofurhetjan í gangi í allt sumar þar sem börn geta leyst umhverfistengd verkefni og fengið verðlaun. Sumarlesturinn verður að sjálfsögðu á sínum stað þar sem börn geta farið í ævintýraferð með Lindu landnámshænu.

Nýstofnuð alþjóðleg píanókeppni mun fara fram í Salnum dagana 14. - 17. ágúst nk. Skipulagning keppninnar er í höndum stjórnar félags íslenskra píanóleikara, en hana skipa Peter Máté, Erna Vala Arnardóttir og Nína Margrét Grímsdóttir. Keppnin verður haldin í Salnum undir merkjum WPTA Iceland IPC 2025. Umsóknarfrestur er til 10. júní 2025. Vegleg peningaverðlaun eru í boði fyrir framúrskarandi tónlistarflutning sem styrkt eru af Steinway og Tónastöðinni en Kópavogsbær, LHÍ, Salurinn og Tónlistarskóli Kópavogs eru ennfremur bakhjarlar og styrktaraðilar þessa frábæra verkefnis þar sem erlendir gestadómarar taka þátt. Einnig verður spennandi alþjóðlegt sumarnámskeið haldið á vegum LHÍ í samstarfi við Tónlistarskóla Kópavogs 5.-17. ágúst þar sem verða í boði masterklassar og nemendatónleikar í Salnum. Þetta er í fyrsta sinn sem íslenskum nemendum á aldrinum 10-25 ára býðst að taka þátt í alþjóðlegri píanókeppni og masterklössum á Íslandi og eru þar spennandi tækifæri í boði fyrir áhugasama unga píanista. Upplýsingar á https://opni.lhi.is/"   Vinsamlegast hafið samband við Nínu Margréti í 899 6413 nmgrimsdottir@gmail.com ef frekari upplýsinga er óskað.

Get Together meet-ups will be held at the Library in Kópavogur, on the first floor in the Tilraunastofa - meeting room. The meet-ups are international meetings open to refugees, asylum-seekers, immigrants, and anyone seeking companionship. Whether you're a family or an individual, you're welcome to join us. Each week, we gather and do relaxing activities like painting, weaving, crafting, and more. It's all about getting together, making new friends, and sharing stories in a warm, supportive space.Get Together meet-ups are a collaboration between GETA aid organization and the Library in Kópavogur.We offer free coffee and treats for everyone! These meet ups are a part of the project The library in a multilingual society sponsored by Nordplus and Bókasafnasjóður. Get Together heldur alþjóðlegan fjölskyldu- og vinahitting á Bókasafni Kópavogs, á fyrstu hæð í Tilraunastofunni. Þetta er alþjóðlegur hittingur fyrir flóttafólk, hælisleitendur, innflytjendur og öll sem vilja félagsskap.Viðburðurinn er bæði fyrir fjölskyldur og einstaklinga. Í hverri viku munum við hittast og gera eitthvað skemmtilegt saman eins og að mála, prjóna, föndra o.fl. Í Get together hittum við nýja vini og deilum sögum okkar í þægilegu og öruggu umhverfi. Get Together er samstarfsverkefni milli GETA hjálparsamtök og Bókasafn Kópavogs. Við munum bjóða upp á kaffi og með því! Þessi viðburður er hluti af verkefninu Bókasafnið í fjölþjóðlegu umhverfi sem er styrkt af Nordplus og Bókasafnasjóði.

Litríkasti viðburður ársins snýr aftur 16. ágúst.Viðburðarsvæðið verður við stúku Kópavogsvallar.Sigga Ózk, Sigga Beinteins, Eva Ruza, Gústi B og Kiddi Bigfoot halda uppi stuði og stemningu á sviðinu. Hamingjuhlaupið The Color Run er haldið í Kópavogi í ár. Lesið allt um hlaupið og tryggið ykkur miða á heimasíðu The Color Run Kaupa miða

Ertu byrjandi eða með áralanga reynslu af bróderíi? Viltu kannski rifja upp gamla takta og hitta aðra sem deila sama áhuga? Þá gæti Bróderíklúbburinn hentað fyrir þig. Bróderíklúbburinn hittist á mánudögum á Lindasafni í Núpalind 7 kl. 14:00. Öll velkomin og heitt á könnunni.

Úti- og skólafata-skiptimarkaður fyrir leik-og grunnskólabörn. Hefur barnið þitt stækkað um helming í sumar? Þarftu að endurnýja öll útifötin fyrir nýtt skólaár?  Kíktu á bókasafnið með úlpurnar, pollagallana, snjógallana og annað sem er hætt að passa á barnið þitt og sjáðu hvort þú finnir eitthvað sem  passar betur. 

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs