Skólagarðar Kópavogs

Skólgarðar Kópavogs hafa verið starfræktir í nokkrar áratugi og bjóða börnum upp á tækifæri til að rækta sitt eigið grænmeti.

Skólagarðar hafa verið reknir á vegum Kópavogsbæjar síðastliðin fimmtíu ár eða svo.  Þeir eru ætlaðir börnum á aldrinum 6 til13 ára. Þar fá þau kartöfluútsæði, plöntur og fræ ásamt leiðsögn við ræktun algengustu matjurta. Uppskera skólagarðanna er eign barnanna hverju sinni. 

  • Skráning í skólagarða

    Skráning í skólagarða fer fram að vori í gegnum Frístundagátt. Þar geta foreldrar og forráðamenn skráð börn og birtist greiðsluseðill vegna garða í heimabanka. 

  • Staðsetning skólagarða

    Garðarnir eru þrír og eru þeir staðsettir á eftirtöldum stöðum:

    • Við Víðigrund í Fossvogsdal
    • Við Dalveg í Kópavogsdal
    • Á mótum Arnanesvegar og Rjúpnavegar
  • Opnunartími

    Skólagarðar eru opnir frá byrjun júní fram í miðjan ágústmánuð.

    Opnunartími þeirra er:

    Mánudag til fimmtudags: 8:00 - 12:00 og 13:00 - 16:00

    Föstudaga: 8:00 til 12:00

    Skólagarðarnir eru í umsjá Vinnuskólans í Kópavogi og eru skrifstofur opnar mánudaga til fimmtudaga frá 8:00 til 16:00 og föstudaga frá 8:00 til 14:00. Skrifstofurnar eru til húsa í Fífuhvammi 20 og opna ár hvert þann 10. maí og eru opnar til 31. ágúst.

Síðast uppfært 23. desember 2016