Kópavogsbær

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Bókmenntaklúbburinn Hananú! hittist í Huldustofu á 3. hæð aðalsafns.  Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú! Fylgist með í Facebook-hópnum Bókmenntaklúbburinn Hananú | Bókasafn Kópavogs.

Birta myrkursins heitir ljóða- og tónlistarsyrpa sem Kristín Lárusdóttir sellóleikari og skáldið Anton Helgi Jónsson flytja 8. október á Bókasafni Kópavogs. Syrpan tekur hálftíma í flutningi og skiptist í átta stutta þætti þar sem Kristín og Anton Helgi tvinna saman orðum og tónum. Textarnir eru úr ljóðabálknum ,,Ég hugsa mig" sem Anton sendi frá sér í fyrra en tónlistina hefur Kristín unnið á þessu og síðasta ári. Anton Helgi Jónsson hefur fengist við ljóðagerð af ýmsu tagi um hálfrar aldar skeið. Ég hugsa mig, ljóðabálkurinn sem dagskráin snýst um, fékk tilnefningu til íslensku ljóðabókaverðlaunanna vorið 2025. Kristín Lárusdóttir hefur fengist við sellóleik og kennslu í fjölda ára. Hún hefur einnig samið tónlist og gefið út á geisladiskum. Sá nýjasti, Kría, kom út árið 2023. Von er á nýjum diski í vetur. Frítt er inn á viðburðinn og öll velkomin meðan húsrúm leyfir. Birta myrkursins — ljóða- og tónlistarsyrpa í átta þáttum þar sem margvíslegar þversagnir birtast á ólíkum stöðum og kalla hlébarða til vitnis með ýmsum hætti. Atriðaskrá: 1. þáttur. Í heilsugæslunni, læknir hlustar, biðstofa, tímarit; áfergja og hófsemi. 2. þáttur. Verndarsvæði í Afríku, dauðaþögn, mennirnir óhræddir; hroki og auðmýkt. 3. þáttur. Strönd á úthafseyju, skipreika menn, framandi hugmyndir; áleitni og nægjusemi. 4. þáttur. Verslunargluggi, gína, tíska, táknmynd frelsisins; önuglyndi og æðruleysi. 5. þáttur. Salur, fjölmenni, ímyndarsköpun, styrkur í felumunstri; öfund og samhugur. 6. þáttur. Lesið í ljóðabók, stafir, rimlar, reikað til og frá um búr; sinnuleysi og áhugi. 7. þáttur. Biðstofa, tímarit, tákn lífs og unaðar, fulltrúi dauðans; unaður og siðsemi. 8. þáttur. Dýragarður, miðasali staldrar við hjá búri; frelsi og búr.

Þekkirðu ljósmyndina?Myndgreining með Símoni Hjalta Sverrissyni. Sögufélag Kópavogs stendur fyrir myndgreiningarviðburðum sem opnir eru almenningi, þar sem tækifæri gefst til að bera kennsl á myndefni úr fórum Sögufélags Kópavogs. Leitast er við að svara spurningunum um það hverjir eru á myndinni, hvar myndin er tekin og hvenær. Oftar en ekki koma í kjölfarið fleiri upplýsingar og sögur sem auka enn á varðveislugildi myndanna. Ókeypis inn og öll velkomin.

Verið öll hjartanlega velkomin á erindi Björns Þorsteinssonar heimspekings miðvikudaginn 8. október í Gerðarsafni. Hvað er líkami og hver er staða hans í heiminum? Í erindinu verður hugað að þessari stóru spurningu í samræðu við heimspeki og list. Meðal þess sem snert verður á eru hugtök eins og skynjun, upplifun, sköpun, svörun og skynfinning – og leidd verða rök að sérstöku hlutverki listarinnar í könnun líkamans á veruleikanum. Björn Þorsteinsson er prófessor í heimspeki við Hugvísindasvið Háskóla Íslands. Um sýninguna Corpus: Líkaminn er lifandi fyrirbæri í sífelldri sveiflu milli sjálfsins og annars, menningar og náttúru, hins séða og óséða. Listamenn Corpus fá okkur til að íhuga hann nánar, með því að nota áferðir, nærveru, efniskennd, litbrigði og framvindu til að takast á við flókin tengsl kyns, kynþáttar, vistfræði og tækni. Hér er líkaminn ekki stöðugur heldur síkvikur og samofinn umhverfi sínu. Á Corpus má finna verk eftir Arvidu Byström, Herttu Kiiski, Jeanette Ehlers, Klāvs Liepiņš & Renāte Feizaka, Salad Hilowle og Sunnevu Ásu Weisshappel, sem vinna innan efnisleika, vefnaðar, skúlptúrs og ljósmyndunar. Hver á sinn hátt rannsaka listamennirnir tengsl okkar við eigin líkama, bæði í rými og í sambandi við aðrar verur, og stöðu líkamans í framþróunarmiðuðum heimi. Sýningarstjóri er Daría Sól Andrews. Hádegiserindið er liður í viðburðaröðinni Menning á miðvikudögum sem er styrkt af menningar og mannlífsnefnd Kópavogsbæjar. Aðgangur er ókeypis.

Guðrún Gunnars söngkona býður til tónleika í Salnum ásamt 7 manna hljómsveit undir stjórn Ásgeirs Ásgeirssonar gítarleikara og tónskálds. Hópurinn mun flytja lög eftir skandinavísk söngvaskáld með hljóðfæraslætti og söng. Lög Bremnes systkinana norsku,Kari,Lars og Ola,verða fyrirferðarmikil en Cornelis Vreeswijk er þó ekki langt undan og fleiri norrænir lagahöfundar. Textarnir eru eftir Aðalstein Ásberg skáld og lögin eru mörg hver af sólóplötum Guðrúnar en þjóðlaga og vísnatónlist hefur alltaf staðið hjarta Guðrúnar nærri eins og heyra má á þeim 6 sólóplötum sem komið hafa út með henni.  Þessi tónlist er hugljúf og textarnir hans Aðalsteins algjörlega einstakir að gæðum. Komdu og njóttu þess að fara með Guðrúnu Gunnars og hljómsveit í einstakt tónlistarferðalag.

Ólafur Ingi Grettisson, slökkviliðsmaður og skyndihjálparkennari, kennir foreldrum helstu atriði í skyndihjálp. Viðburðurinn verður haldinn í fordyrinu í Salnum. Foreldramorgnar eru frábært tækifæri fyrir foreldra og ung börn þeirra til að hittast og eiga rólega stund saman á safninu. Fylgist með í Facebook-hópnum Foreldramorgnar | Bókasafn Kópavogs.  Ókeypis aðgangur og öll velkomin.

Opinn leikskóli Memmm býður foreldrum/forsjáraðilum og ungum börnum þeirra fjölskylduvæna aðstöðu til þess að leika og hitta aðrar fjölskyldur. Einnig geta fjölskyldur sótt fræðslu um málefni uppeldis og barna. Í opna leikskólanum er velkomið að mæta hvenær sem er á opnunartíma. Starfsfólk tekur vel á móti gestum. Þar geta foreldrar átt gæðastundir með börnum sínum í fallegu umhverfi en einnig tækifæri fyrir börnin að hitta jafnaldra sína og efla félagsþroska á þessum mótandi aldri.

Get Together meet-ups will be held at the Library in Kópavogur, on the first floor in the Tilraunastofa - meeting room. The meet-ups are international meetings open to refugees, asylum-seekers, immigrants, and anyone seeking companionship. Whether you're a family or an individual, you're welcome to join us. Each week, we gather and do relaxing activities like painting, weaving, crafting, and more. It's all about getting together, making new friends, and sharing stories in a warm, supportive space.Get Together meet-ups are a collaboration between GETA aid organization and the Library in Kópavogur.We offer free coffee and treats for everyone! These meet ups are a part of the project The library in a multilingual society sponsored by Nordplus and Bókasafnasjóður. Get Together heldur alþjóðlegan fjölskyldu- og vinahitting á Bókasafni Kópavogs, á fyrstu hæð í Tilraunastofunni. Þetta er alþjóðlegur hittingur fyrir flóttafólk, hælisleitendur, innflytjendur og öll sem vilja félagsskap.Viðburðurinn er bæði fyrir fjölskyldur og einstaklinga. Í hverri viku munum við hittast og gera eitthvað skemmtilegt saman eins og að mála, prjóna, föndra o.fl. Í Get together hittum við nýja vini og deilum sögum okkar í þægilegu og öruggu umhverfi. Get Together er samstarfsverkefni milli GETA hjálparsamtök og Bókasafn Kópavogs. Við munum bjóða upp á kaffi og með því! Þessi viðburður er hluti af verkefninu Bókasafnið í fjölþjóðlegu umhverfi sem er styrkt af Nordplus og Bókasafnasjóði.

Los Bomboneros, hinir glaðbeittu sendiherrar íslenskrar latíntónlistar, efna til einstakra stórsveitartónleika þann 11. október í Salnum í Kópavogi. Þar stýrir Sigrún Kristbjörg Jónsdóttir stórsveitarútgáfu hljómsveitarinnar – Los Bombasticos –  sem mun flytja margar helstu perlur Tómasar R. Einarssonar en þennan ástsæla lagahöfund og bassaleikara má með sanni kalla Latínbónda Íslands. Í lögum Tómasar frá meira en 40 ára ferli fléttast saman djass, íslenskur stormur og kúbanskur hiti. Á þessum óvenjulegu tónleikum munu helstu stórsveitarútsetjarar landsins klæða lögin í skæran og litríkan stórsveitarbúning og gestasöngvararnir Mugison og GDRN setja mark sitt á lög Tómasar með seiðmagnaðri nærveru sinni. Missið ekki af þessu einstaka tækifæri í Salnum í Kópavogi til að upplifa íslenska latínmúsík og stórsveitarkraft fléttast saman í töfrandi tónlistarupplifun!

Glæðum sögurnar lífi - teiknismiðja með Bergrúnu Írisi mynd- og rithöfundi Börn og fjölskyldur koma saman og teikna myndir upp úr sögum og ævintýrum með Bergrúnu Írisi.  Notaleg fjölskyldusmiðja þar sem börnum gefst kostur á að hitta rithöfund og teiknara og glæða sínar eigin sögur lífi í skemmtilegri teiknismiðju. Hægt er að teikna myndir upp úr uppáhaldsbókunum sínum, uppáhaldsævintýrinu, nú eða búa til sína eigin sögu og sögupersónur. Smiðjan fer fram á jarðhæð aðalsafns á milli 13:00 og 15:00. Hægt verður að koma við þegar hverjum og einum hentar og dvelja lengi eða stutt eftir aðstæðum.  Aðgengi er gott. Aðgangur er ókeypis og öll innilega velkomin. Gert er ráð fyrir að börn séu í fylgd með forráðafólki. Fjölskyldustundir á laugardögum eru notalegar samverustundir, gjarnan smiðjur, sem fara fram í menningarhúsunum í Kópavogi og eru styrktar af menningar- og mannlífsnefnd.

Talar þú smá íslensku og vilt æfa þig? Komdu að spila og tala íslensku á aðalsafni Bókasafns Kópavogs, alla laugardaga frá 11:30-13:00 Kaffi og kósý, kostar ekkert. Velkomin! Hvetjum sérstaklega fjölskyldur til að koma saman og æfa sig í íslensku yfir skemmtilegu spili. Hentar fyrir fullorðna og öll börn sem hafa eirð í sér til að spila. Viðburðaröðin Tala og spila er styrkt af Íslenskusjóði Háskóla Íslands. Español Hablas un poco de islandés y te gustaría practicar? Ven a jugar cartas, tablas y charlar en islandés a la biblioteca principal de Kopavogur, cada sábado 11:30-13:00. Café, ambiente acogedor y entrada gratuita. Adecuado para adultos y niños que pueden concentrarse a jugar de tablas. Bienvenidos! Esta es una serie de eventos financiados en colaboración con la organización GETA-aid.  Arabic English Do you speak a little Icelandic and want to practice? Come and play card- or board-games and talk Icelandic at the Kopavogur Library, main branch, every Saturday from 11:30-13:00 Coffee and cosy, free. Welcome! We especially want to encourage families to come together and practice Icelandic over a fun game. The event is suitable for grown-ups and children that are able to concentrate on board-games.  Tala og spila is funded by Íslenskusjóður of The University of Iceland and is in collaboration with GETA aid organisation. Polski Czy mówisz trochę po islandzku? Przyjdź pograć w karty albo gry planszowe i mów po islandzku w bibliotece w Kópavogur każdej soboty 11:30-13:00. Kawa i miły czas bezpłatnie. Zapraszamy! Pусский Если вы уже говорите немного по-исландски и хотите заговорить еще лучше, то приходите практиковать язык и играть в игры на исландском языке в библиотеку Копавогура каждую субботу с 11:30 до 13:00. Кофе и уют и все бесплатно. Добро пожаловать!