Okkar Kópavogur

Í fyrsta hluta verkefnisins, hugmyndainnsetning, gefst íbúum og öðrum gestum tækifæri til að leggja fram hugmyndir að verkefnum sem þeir vilja sjá framkvæmd í bænum. Innsetning hugmynda stendur yfir frá  1. til 22. september. Hugmyndum er hægt að koma á framfæri með tvenns konar hætti. Annars vegar á íbúafundum og hins vegar í gegnum hugmyndakerfi verkefnisins.

Allt að tíu hugmyndir frá hverjum íbúafundi fara í kosningu. Við hvetjum íbúa til að fjölmenna á íbúafundina og koma sínum hugmyndum á framfæri.

Hugmyndir íbúa þurfa vera á bæjarlandi og innan þéttbýlis. Þær geta varðað leik- og afþreyingarsvæði íbúa, vistvænar samgöngur, bætta lýðheilsu eða umhverfið almennt. Hugmyndin verður að falla að stefnu bæjarins og getur ekki verið háð samráði eða samningaviðræðum við aðrar stofnanir eða sveitarfélag.

Mikilvægt er að hugmyndin sé  skýr og lýsandi, þannig að aðrir eigi auðvelt með átta sig á því sem um er að ræða. Koma þarf fram um hvað verkefnið snýst og hvar nákvæm staðsetning er. Greinargóð lýsing auðveldar mat og því hvort hún nái athygli annarra íbúa ef hún kemst í kosningu. Starfsmenn Kópavogsbæjar geta óskað eftir nánari skýringum um hverja hugmynd. 

Aðstoð og nánari upplýsingar eru veittar í Þjónustuveri Kópavogsbæjar í síma 441 0000 eða í tölvupósti á netfangið okkarkopavogur(hjá)kopavogur.is

Þeir sem einhverra hluta vegna geta ekki notað hugmyndakerfið eða mætt á íbúafundi en vilja taka þátt í verkefninu geta sent hugmyndir sínar á netfangið okkarkopavogur(hjá)kopavogur.is

Íbúafundum er lokið.

Fimm íbúafundir verða haldnir og byrja þeir allir kl. 17:00

• 4. september í Lindaskóla fyrir íbúa Linda- og Salahverfi.
• 5. september í Hörðuvallaskóla fyrir íbúa í Kórum, Þingum og Hvörfum.
• 11. september í Smáraskóla fyrir íbúa í Smárahverfi.
• 14. september í Kópavogsskóla fyrir íbúa í skólahverfi Kópavogsskóla, Álfhólsskóla og Snælandsskóla.
• 18. september í Kársnesskóla fyrir íbúa á Kársnesi. 

Allt að tíu hugmyndir frá hverjum íbúafundi fara í kosningu. Við hvetjum íbúa til að fjölmenna á íbúafundina og koma sínum hugmyndum á framfæri.

Verkefnin þurfa að uppfylla eftirfarandi skilyrði til að eiga möguleika á að komast í kosningu:

• Vera til fjárfestinga en ekki rekstrar.
• Varða umhverfi á bæjarlandi.
• Kostnaður einstakra verkefna sé ekki lægri en 1 milljón og ekki hærri en 25 milljónir kr.
• Líftími fjárfestingar skal vera að lágmarki fimm ár.
• Tillagan á að samræmast skipulagi eða stefnu Kópavogsbæjar.
• Vera á fullu forræði Kópavogsbæjar og getur ekki verið háð samráði eða samningaviðræðum við aðrar stofnanir eða sveitarfélag. 

Matshópur, skipaður fjölbreyttum hópi starfsmanna bæjarins, fer yfir innsendar hugmyndir út frá skilyrðum verkefnisins og stillir upp til kosninga fyrir hvert hverfi.

Annar hluti verkefnisins snýr að forgangsröðun og úthlutun fjármagns með kosningu, kosningarnar fara fram í byrjun árs 2018. Allt að 100 hugmyndir fara í kosningu en að hámarki 20 í hverju hverfi. 

Allir íbúar, 16 ára á árinu og eldri, með skráð lögheimili í Kópavogi geta kosið verkefni áfram, aðeins er hægt að kjósa verkefni í einu hverfi. Hægt er að kjósa áfram verkefni fyrir þá upphæð sem hverju hverfi hefur verið úthlutað. Einnig er hægt að gefa einu verkefni tvöfalt vægi með því að merkja það með hjarta. 

Kosning fer fram á kosningavef þar sem notandi auðkennir sig með öruggum hætti með innskráningarþjónustu island.is, með Íslykli eða rafrænum skilríkjum, og þar er atkvæði dulkóðað. Aldrei er hægt að tengja atkvæðið við einstakling. 

Í verkefninu fara 200 milljónir til framkvæmda, verkefni sem íbúar kjósa áfram eftir hugmyndasöfnun. Kópavogi er skipt upp í fimm hverfi. Hvert hverfi fær 10 milljónir í grunnupphæð til framkvæmda og eftir standa 150 milljónir kr. sem skiptast á milli hverfanna í hlutfalli við íbúafjölda hvers hverfis. Hverfin og fjármagn skiptast á eftirfarandi hátt:

Tölurnar eru fengnar úr Íbúasýn 10.8. 2017, Íbúasýn er beintengd við Þjóðskrá.

Ekki er um að ræða íbúakosningu í skilningi 107. gr. sveitarstjórnarlaga nr. 138 frá 2011.

Hægt verður að fylgjast með stöðu framkvæmda hér á síðunni. 

Framkvæmdum á verkefnum sem voru kosin áfram af íbúum árið 2018 er senn að ljúka. Framkvæmdaáætlun er aðgengileg hér.

Hér má nálgast algengustu spurningar og svör sem hafa vaknað við framkvæmd verkefnisins.