Gerðarsafn: Málverkasýningin Staðsetningar

Laugardaginn 7. október klukkan 16 verður fyrri partur sýningarinnar Staðsetningar opnuð í Gerðarsafni. Sýnd verða málverk eftir þá Einar Garibalda Eiríksson og Kristján Steingrím Jósson. 

Í upphafi verða settar upp tvær sýningar á nýrri verkum listamannanna en á miðju sýningartímabilinu mun opnun vera endursett þar sem staðsetningar verka ganga milli sala, nýjum og eldri verkum verður bætt við og skilin milli sýninganna munu verða óljósari. Markmiðið með þessu er að varpa ljósi á vinnuaðferðir listamannanna og þá einkum á nálgun þeirra við landslagið. Um leið og leitað er leiða til að brjóta upp sýningarformið sem áskorun við hefðbundið sjónarhorn safngestsins.

Sýningarstjórar eru Jón Proppé og Kristín Dagmar Jóhannesdóttir.


Mynd: Kristján Steingrímur Jónsson, frá vinnustofu listamannsins, 2017. Ljósmyndari: Anna Karen Skúladóttir