Okkar Kópavogur - spurt og svarað

Hugmyndasöfnun hefst að nýju 15. september 2021.

Hér má finna svör við algengum spurningum varðandi verkefnið. Ef nánari upplýsinga er óskað er hægt að hafa samband við Þjónustuver Kópavogsbæjar í síma 441 0000 eða í gegnum netfangið okkarkopavogur(hjá)kopavogur.is 

  • Hvert er markmið verkefnisins?

    Markmið verkefnisins er að:

    • hvetja íbúa til að láta sig nærumhverfið varða og hafa skoðun á því,
    • íbúar komi hugmyndum sínum á framfæri,
    • íbúar taki þátt í að ráðstafa fjármagni sveitarfélagsins.
  • Hvernig get ég komið minni hugmynd á framfæri?

    Tvær leiðir eru til að koma hugmynd á framfæri, annars vegar á rafrænum hugmyndavef og hins vegar á íbúafundum. Haldnir verða fimm íbúafundir, einn í hverju hverfi, þar sem þar sem íbúar geta rætt hugmyndir sínar og sameinast um að koma allt að 7 hugmyndum áfram í kosningu í vetur af hverjum fundi. Á hugmyndavefnum er einnig hægt að kynna sér hugmyndir annarra og ræða þær.

  • Hvernig virkar hugmyndavefurinn?

    Þú skráir þig inn í vefinn með netfangi eða Facebook aðgangi og byrjar á að gefa hugmyndinni þinni nafn, útskýrir hana nánar og rökstyður. Hægt er að staðsetja hugmyndina á korti og láta mynd fylgja með til nánari útskýringar.  

  • Hvernig er best að setja hugmynd á vefinn?

    Þú þarft að byrja á því að fara inn á vefsíðu verkefnisins. Þar býrðu þér til aðgang annað hvort með netfangi eða Facebook aðgangi. Að því loknu getur þú bætt við nýrri hugmynd, gefið henni nafn, útskýrt hana nánar, staðsett á korti og látið mynd fylgja með. Þú getur sett inn eins margar hugmyndir og þú vilt en mundu að hugmyndirnar þurfa að vera á bæjarlandi.

  • Get ég fengið aðstoð við innsetningu hugmynda?

    Já, þú getur fengið aðstoð. Ef nánari upplýsinga eða aðstoðar er óskað vinsamlegast hafið samband í Þjónustuver Kópavogsbæjar í síma 441-0000 eða í tölvupóst á netfangið okkarkopavogur(hjá)kopavogur.is.

  • Á hvaða tímabili get ég sent inn hugmyndir?

    Opið er fyrir innsetningu hugmynda frá 15. september til 13. október 2021. Hugmyndir eru lagðar fram á hugmyndavef verkefnisins eða á íbúafundum.

  • Hvernig veit ég hvort mín hugmynd sé framkvæmanleg?

    Til að hugmynd eigi möguleika á að komast í kosningu þarf hún að:

    • Vera til fjárfestingar en ekki rekstrar.
    • Varða umhverfi á bæjarlandi.
    • Kostnaður einstakra verkefna sé ekki lægri en 1 milljón og ekki hærri en 25 milljónir kr.
    • Líftími fjárfestingar skal vera að lágmarki fimm ár.
    • Samræmast skipulagi eða stefnu Kópavogsbæjar.
    • Vera á fullu forræði Kópavogsbæjar
  • Hvernig er bænum skipt í hverfi?

    Unnið er með fimm hverfi Kópavogs eins og þeim er skipt skv. aðalskipulagi, þ.e. Kársnes, Digranes, Smárahverfi, Fífuhvammur (Lindir og Salir), og Vatnsendi.

    Hverfaskipting

  • Hvernig skiptist fjármagn verkefnisins eftir hverfum?

    Verkefnið er til tveggja ára og eru 200 milljónum varið í framkvæmdir sem skiptast á milli fimm hverfa Kópavogs. Hvert hverfi fær 10 milljónir í grunnupphæð og eftir standa því 150 milljónir sem skiptast á milli hverfanna í hlutfalli við íbúafjölda. Fjármagnið skiptist því á eftirfarandi hátt:

     

    Bæjarhluti

    Íbúar alls*

    Hlutfall allra íbúa

    Kjörgengir íbúar*

    Grunnupphæð

    Skipting skv. íbúafjölda

    Heildarupphæð

    Kársnes

    5.889

    (15,4%)

    5.032

    10.000.000

    23.000.000

    33.000.000

    Digranes

    13.327

    (34,8%)

    11.514

    10.000.000

    52.000.000

    62.000.000

    Smárahverfi

    3.465

    (9,1%)

    2.901

    10.000.000

    14.000.000

    24.000.000

    Fífuhvammur

    6.739

    (17,6%)

    5.652

    10.000.000

    26.000.000

    36.000.000

    Vatnsendi

    8.856

    (23,1%)

    7.053

    10.000.000

    35.000.000

    45.000.000

    Samtals

    38.276

    (100%)

    32.152

    50.000.000

    150.000.000

    200.000.000

    * Tölur fengnar úr Þjóðskrá 6. apríl 20121. Auk þessara íbúa eru 280 íbúar óstaðsettir i hús eða utan svæða.

      

  • Hver metur hugmyndirnar?

    Matshópur skipaður starfsmönnum Kópavogsbæjar fer yfir innsendar hugmyndir út frá skilyrðu verkefnisins.

  • Hvað verður um hugmyndirnar sem komast ekki áfram í kosningu?

    Haldið er vel utan um allar þær hugmyndir sem safnast og þær skoðaðar nánar fyrir önnur verkefni þó þær komist ekki áfram í framkvæmd í Okkar Kópavogi.

  • Um hvað snúast kosningarnar?

    Að íbúar forgangsraði verkefnum í einu hverfi út frá því fjármagni sem því hverfi hefur verið úthlutað. 

  • Hvenær verður kosið ?

    Kosningar eru frá 26. janúar 2022 til hádegis 9. febrúar 2022.

  • Má ég bara kjósa í mínu hverfi?

    Þú mátt kjósa í einu hverfi af fimm og ert ekki bundin/n  við að kjósa í þínu hverfi.

  • Hvernig kýs ég?

    Kosningar eru rafrænar, kosningavefur verður opinn á meðan kosningarnar standa yfir.

    Allir sem fæddir eru árið 2008 og eldri og eru með lögheimili í Kópavogi hafa rétt til að kjósa, en verða að hafa Íslykil eða rafræn skilríki. Veldu þér hverfi til að kjósa í og útdeildu því fjármagni sem hverfinu hefur verið úthlutað. Að því loknu þarf að ýta á "kjósa" og skrá inn rafræn skilríki eða Íslykil.

    Þú getur kosið eins oft og þú vilt en aðeins síðasta kosning gildir.

  • Hvernig nálgast ég auðkenningu eða Íslykil?

    Allar nánari upplýsingar um rafræn skilríki má nálgast á www.audkenni.is og um Íslykil á www.island.is/islykill.

  • Hvenær hefjast framkvæmdir?

    Framkvæmdir hefjast fljótlega eftir að kosningu lýkur.

  • Hvað fer mikið fjármagn í framkvæmdir í heild sinni?

    200 milljónum er varið í framkvæmdir. 

Síðast uppfært 08. júní 2021