Göngu- og hjólastígar

Stígakerfi Kópavogsbæjar skiptist upp í stofnleiðir, tengileiðir og almenna stíga. Stofnleiðir mynda net samgöngustíga sem eru greiðfærir, vel þjónustaðir á öllum árstíðum, án mikilla hindrana og með forgang fram fyrir hliðarumferð. 

Tengistígar eru stígar sem tengja stofnstíga saman, og við almenna stígakerfið og þéttbýlissvæði. Til tengistíga tilheyrir t.d. tómstunda- og útivistarstígar sem eru fyrst og fremst nýttir sem afþreyingarstígar. Almennir stígar eru stígar sem ekki falla undir skilgreiningar hér að ofan.

Með tilkomu samgöngusáttmála höfuðborgarsvæðisins sem undirritaður var í september 2019 og felur í sér sameiginlega stefnu í uppbyggingu samgönguinnviða til fimmtán ára (2019-2033), verður veitt umtalsverðum fjármunum í framkvæmdir við stofnleiðir fyrir gangandi og hjólandi á höfuðborgarsvæðinu.

 Helstu stígar í stígakerfi Kópavogs fá vetrarþjónustu en nánar má lesa um fyrirkomulag vetrarþjónustu á göngu- og hjólastígum hér.

 Á kortavef kópavogs má nálgast yfirlitskort yfir stígakerfið með að smella á samgöngur og á hjólaleiðir.

    Síðast uppfært 12. mars 2021