Félagsmiðstöðvar unglinga

Í Kópavogi eru starfandi 9 félagsmiðstöðvar fyrir unglinga á aldrinum 13 – 16 ára. Starfsstöðvar félagsmiðstöðvanna eru starfræktar í öllum grunnskólum Kópavogs. 

Hér má finna sameiginlega vefsíðu félagsmiðstöðva unglinga í Kópavogi.

  • Fyrir hvað standa félagsmiðstöðvar?

    Á frístundadeild menntasviðs eru starfandi níu félagsmiðstöðvar og eru þær allar staðsettar í hverjum grunnskóla í Kópavogi. Starf á vegum félagsmiðstöðva er í eðli sínu forvarnarstarf þar sem unnið er með viðhorf og atferli unglinga í átt til heilbrigðs lífsstíls og virkni í samfélaginu.
    Félagsmiðstöðvastarfinu er jafnframt ætlað að styðja við félagsfærni, sjálfseflingu, sköpun og heilbrigði. Þátttaka í skipulögðu frístundastarfi í umsjá fagfólks í öruggu umhverfi hefur mikið forvarnargildi. Með því að bjóða unglingum upp á jákvæð viðfangsefni í frítímanum með sterkum fyrirmyndum aukast líkur á því að þau kjósi heilbrigðan lífsstíl og forðist áhættuhegðun.
    Í félagsmiðstöðvastarfi er áhersla lögð á forvarnir gegn óæskilegri hegðun en í þeim reglum sem gilda í starfi félagsmiðstöðva er t.d. skýr afstaða tekin gegn allri vímuefnaneyslu og annarri neikvæðri og/eða óæskilegri hegðun. 

  • Hvað bjóða félagsmiðstöðvar uppá?

    Í félagsmiðstöðvunum er boðið upp á uppbyggilegt félagsstarf fyrir 10 - 16 ára börn og unglinga í frítímanum. Áhersla er lögð á að ná til þeirra unglinga sem þarfnast félagslegs stuðnings og að bjóða upp á fjölbreytileg viðfangsefni.
    Unnið er í klúbbum, sértæku hópastarfi, opnu starfi og tímabundnum verkefnum. Auk þess standa félagsmiðstöðvarnar fyrir fjölbreyttum sameiginlegum viðburðum svo sem dansleikum, rafíþróttamótum, íþróttaleikum, söng- og danskeppni, hönnunarsamkeppni og stuttmyndahátíð.

  • Opnunartími félagsmiðstöðva

    Mánudagar 17:00-22:30.

    Miðvikudagar 17:00-22:30.

    Annan hver föstudagur 19:30-23:00.

    Auk þess eru dagopnanir sem skipulagðar eru eftir viðverutíma forstöðumanns og starfsfólks í hverri félagsmiðstöð.

    Yfir sumartímann er opið mánudaga og miðvikudaga frá kl. 17:00-22:00, auk dagopnana. Frekari upplýsingar um hverja félagsmiðstöð má finna á heimasíðunni félagsmiðstöðva Kópavogs.

Síðast uppfært 04. febrúar 2021