Gæsluvellir

Í fyrsta skiptið sem barn mætir á gæsluvöll þarf að fylla út upplýsingablað.  Á blaðið þarf að rita nafn barns og kennitölu ásamt heimilisfangi. Forráðamenn barnsins þurfa einnig að gefa upp nafn sitt og símanúmer sem hægt er að hringja í á meðan á dvöl barnsins stendur.

Mikilvægt er að forráðamenn upplýsi starfsfólk um komu og brottför barns á gæsluvöll.

Ekki eru aðstæður til bleiuskipta á gæsluvelli.

Allt starfsfólk gæsluvalla hefur farið á skyndihjálparnámskeið. Farið er eftir ákveðnum leiðbeiningum ef slys ber að höndum og haft er samband við forráðamenn hið fyrsta. Öll börn sem skráð eru á gæsluvellina eru slysatryggð.

Gjald fyrir hverja komu á gæsluvöll er 500 kr. Ekki er tekið við reiðufé / peningum, eingöngu er tekið við greiðslu í posa.

Starfsfólki er leyfilegt að takmarka fjölda barna, en hver starfsmaður 18 ára og eldri má að hámarki vera með 14 börn. Til aðstoðar á gæsluvöllum eru unglingar úr vinnuskóla en þeir bera ekki ábyrgð á börnum.