Kvíðanámskeið fyrir börn og unglinga

Námskeiðin Klókir litlir krakka, Klókir krakkar og Haltu kúlinu eru fyrir börn og unglinga með kvíðavanda. 

Á námskeiðunum læra börn og foreldrar aðferðir til að draga úr kvíða og auka sjálftraust.

  • Fræðsla um kvíða og mikilvæg atriði í uppeldi barna með kvíða
  • Aðferðir til þess að takast á við kvíða 
  • Æfa raunsæja hugsun
  • Takast á við ótta í litlum skrefum
  • Vinna með kvíðastiga
  • Ákveðniþjálfun
  • Byggja upp hugrekki og sjálfstraust
  • Draga úr forðunarhegðun
  • Nýta hvatningu og umbun í vinnu með kvíða

Námskeiðin byggja á aðferðum hugrænnar atferlismeðferðar og eru meðferðarúrræði sem voru þróuð hjá áströlsku rannsóknarmiðstöðinni Macquire University Anxiety Research Unit (MUARU) í samvinnu við Ronald M. Rapee og samstarfsmenn hans.

  • Klókir litlir krakkar - fyrir foreldra 3-7 ára barna

    Klókir litlir krakkar er námskeið fyrir foreldra 3-7 ára barna sem með kvíða eða í áhættuhópi fyrir að þróa með sér kvíðaraskanir. Námskeiðið miðar að því að fræða foreldra um eðli kvíða og kenna þeim leiðir til að takast á við kvíðahegðun barna sinna og auka sjálfstraust þeirra. Markmið námskeiðsins er að koma í veg fyrir að börn þrói með sér hegðun sem getur valdið vanlíðan og truflun í daglegu lífi.

    Námskeiðið er haldið á 1. hæð í Fannborg 6 og eru samtals 6 skipti, einu sinni í viku, u.þ.b. tvo tíma í senn. Mikilvægt er að foreldrar mæti í alla tímana og mælt er með því að báðir foreldrar sæki námskeiðið. Innifalið í námskeiði er handbók fyrir foreldra. Aðeins er pláss fyrir foreldra 8 barna á hverju námskeiði. Námskeiðsgjaldið er kr. 9500 kr.

    Næsta námskeið verður á haustönn 2020. Leiðbeinendur eru sálfræðingarnir Guðlaug Marion Mitchison og Sólveig Norðfjörð.

    Sækja um

  • Klókir krakkar – fyrir 8-12 ára börn og foreldra þeirra

    Námskeiðið er ætlað 8–12 ára börnum með kvíðavanda. Foreldrar mæta með börnunum í alla tíma námskeiðsins en foreldrum og börnum er skipt upp í foreldrahóp og barnahóp. Í upphafi námskeiðsins fá börn og foreldrar vinnubækur. Farið er yfir fræðslu um eðli kvíða og í kjölfarið kenndar aðferðir til þess að takast á við kvíða. Börnunum er kennt að hugsa eins og einkaspæjari þar sem þau finna sannanir fyrir óraunsæjum kvíðahugsunum og læra að hugsa á raunsæjan hátt. Einnig er farið í stigvaxandi berskjöldun þar sem börnin læra að mæta óttanum í litlum skrefum. Í seinni hluta meðferðarinnar er farið í félagslega færni og ákveðniþjálfun. Börnin vinna sér inn smá umbun í hverjum tíma fyrir þátttöku, heimaverkefni og fleira.

    Námskeiðið er haldið á 1. Hæð í Fannborg 6 og eru samtals 8 skipti Í 1,5 klst. í senn. Mikilvægt er að börn og foreldrar mæti í alla tímana og mælt er með því að báðir foreldrar sæki námskeiðið. Innifalið í námskeiði er handbækur fyrir börn og foreldra. Aðeins er pláss fyrir foreldra 8 börn á hverju námskeiði. Námskeiðsgjaldið er kr. 15.000 kr.

    Næsta námskeið verður á haustönn 2020. Leiðbeinendur eru sálfræðingarnir Auður Magnúsdóttir, Erlendur Egilsson og Sólveig Norðfjörð.

    Sækja um

  • Haltu kúlinu - fyrir unglinga og foreldra þeirra

    Námskeiðið er ætlað unglingum í 8. – 10. bekk með kvíðavanda. Í upphafi meðferðar fá börn og foreldrar vinnubækur. Þau eru frædd um eðli kvíða og kenndar aðferðir til að takast smám saman á við kvíða barnanna. Börnunum er kennt að hugsa eins og einkaspæjari þar sem þau finna sannanir fyrir óraunsæjum kvíðahugsunum og læra að hugsa á raunsæjan hátt. Einnig er farið í stigvaxandi berskjöldun þar sem börnin læra að mæta óttanum í litlum skrefum. Í seinni hluta meðferðarinnar er farið í félagslega færni og ákveðniþjálfun. Foreldrar fá fræðslu um kvíðaeinkenni og úrræði og hvernig það er að ala upp ungling sem er að kljást við kvíðavanda.

     Námskeiðið er haldið á 1. hæð í Fannborg 6 og eru samtals 8 skipti Í 1,5 klst. í senn. Gert er ráð fyrir að foreldrar mæti í fjóra tíma með börnum sínum. Mikilvægt er að börn og foreldrar mæti í alla tímana og mælt er með því að báðir foreldrar sæki námskeiðið. Innifalið í námskeiði er handbækur fyrir börn og foreldra. Aðeins er pláss fyrir foreldra 8 börn á hverju námskeiði. Námskeiðsgjaldið er kr. 15.000 kr.

     Næsta námskeið verður á haustönn 2020. Leiðbeinendur eru sálfræðingarnir Ása Margrét Sigurjónsdóttir og Tinna Björk Baldvinsdóttir.

    Sækja um

Síðast uppfært 16. apríl 2020