Hvert fara peningarnir?

Kópavogsbær hefur opnað bókhald bæjarins með aðgengilegri veflausn á vefsíðu bæjarins. Þar er að finna upplýsingar um færslur ársins 2014, 2015, 2016, 2017 og fram á mitt ár 2018.  Kópavogsbær var fyrsti opinberi aðilinn á Íslandi sem opnar bókhald sitt með þessum hætti og nú hafa margir aðilar gert hið sama.

OPNA BÓKHALD KÓPAVOGSBÆJAR

Opnum Bókhaldið from Kópavogsbær UT on Vimeo.

 

Á vefnum er hægt að skoða hvaða greiðslur sveitarfélagið innti af hendi og til hverra. Hægt er að skoða útgjöld stjórnsýslunnar, einstakra stofnana og deilda. Ekki er hægt að skoða einstaka reikninga en hægt er skoða samanlagða upphæð reikninga út frá málflokkum, deildum, stofnunum, fjárhagslyklum og lánadrottnum á aðgengilegan hátt.

Lausnin er unnin í samvinnu upplýsingatæknideildar Kópavogsbæjar og nemenda í tölvunarfræði hjá Háskólanum í Reykjavík. Lausnin var lokaverkefni nemenda sem áður höfðu verið í sumarvinnu hjá Kópavogsbæ en unnið hefur verið að opnun bókhaldsins frá árinu 2014.

Síðast uppfært 19. október 2018