Bæjarráð

Frá skipulagsstjóra, lagt fram til kynningar minnisblað Vegagerðarinnar og SSH, dags. 20. september 2019, að fyrirkomulagi hönnunarsamkeppni fyrir brú yfir Fossvog þar sem Vegagerðin, Reykjavíkurborg og Kópavogsbær óska eftir ráðgjöfum til að taka þátt í samkeppni um hönnun brúar yfir Fossvog.
Um er að ræða opið forval þar sem auglýst er eftir hönnunarteymum og þau valin á grundvelli hæfni/fyrri reynslu, verktilhögun og sýn á verkefnið. Með opnu forvali er öllum gefinn kostur á að setja saman hönnunarteymi verkfræðinga og
arkitekta. Markmið með gerð brúar yfir Fossvog er að bæta samgöngutengingar milli Reykjavíkur og Kópavogs. Brúnni er ætlað að styðja við vistvæna samgöngukosti á svæðinu og vera hluti af 1. áfanga uppbyggingar vegna Borgarlínu samkvæmt tillögum stýrihóps frá febrúar 2018. Á brúnni er gert ráð fyrir hjóla- og göngustíg ásamt akreinum fyrir
almenningssamgöngur sem tengjast stíga- og gatnakerfi Kópavogsbæjar og Reykjavíkurborgar.

Frá bæjarstjóra, lagt fram svar við fyrirspurn sem barst á síðasta fundi bæjarráðs um aðgang að gögnum um samkomulag ríkis og sveitarfélaga á höfuðborgarsvæðinu um skipulag og fjármögnun á uppbyggingu samgönguinnviða og rekstri almenningssamgangna til 15 ára og afléttingu trúnaðar gagnvart kjörnum fulltrúum.

Frá sviðsstjóra umhverfissviðs, dags. 16. september, lögð fram umsögn um umsókn um leyfi fyrir staðsetningu matarvagns á bæjarlandi í Ögurhvarfi. Bæjarráð frestaði afgreiðslu málsins þann 19. september sl. til næsta fundar.

Frá lögfræðideild, dags. 24. september, lagður fram úrskurður úrskurðarnefndar umhverfis- og auðlindamála í máli nr. 130/2018 þar sem kærð var ákvörðun bæjarstjórnar um að synja breytingu á deiliskipulagi Nónhæðar vegna Ekrusmára 4.

Lagt fram erindisbréf verkefnahóps sem er að vinna aðgerðaráætlun um heildarlausn úrgangsmála á höfuðborgarsvæðinu, sem óskað var eftir á síðasta fundi bæjarráðs.

Fundargerð í 18 liðum.

Fundargerð í 9 liðum.

Fundargerð í 4 liðum.

Fundargerð í 4 liðum.

Fundargerð í 3 liðum.

Fundargerð í 9 liðum

Frá bæjarfulltrúum Pírata, BF Viðreisnar og Samfylkingar, óskað er eftir að fá drög að nýju skorkorti Framfaravogarinnar fyrir Kópavogsbæ. Í svari bæjarritara þann 3. júlí við fyrirspurn um framvindu verkefnisins kom fram að stefnt væri að útgáfu nýs skorkorts fyrir lok ágústmánaðar. Nú liggur fyrir að enn vanti einhverja vísa upp á að hægt sé að klára kortið. Í ljósi þess að nú er að hefjast vinna við gerð fjárhagsáætlunar er þess óskað að þau gögn sem þegar liggja fyrir verði gerð bæjarfulltrúum aðgengileg svo styðjast megi við þau í þeirri vinnu.