Dagskrá
Erindi og umsagnir frá starfsmönnum
1.2201724 - Þjónustukönnun sveitarfélaga 2021
Frá Gallup, dags. 24. janúar, lagðar fram niðurstöður Kópavogsbæjar úr könnun um þjónustu sveitarfélaga.
Gestir
- Jóna Sverrisdóttir viðskiptastjóri Gallup - mæting: 08:15
Erindi og umsagnir frá starfsmönnum
2.2201499 - Turnahvarf 6. Heimild til veðsetningar
Frá lögfræðideild, dags. 20. janúar 2022, lögð fram beiðni f.h. lóðarhafa Turnarhvarfs 6, Borgarafls ehf., um heimild til að veðsetja lóðina.
Erindi og umsagnir frá starfsmönnum
3.2201679 - Austurkór 22. Umsóknir um lóð undir íbúðarhús.
Frá bæjarlögmanni, dags. 24. janúar 2022, lagðar fram umsóknir sem bárust um lóðina Austurkór 22.
Gestir
- Berglind Helga Jóhannsdóttir, fulltrúi sýslumannsins á höfuðborgarsvæðinu - mæting: 09:00
- Ása Kristjánsdóttir bæjarlögmaður - mæting: 09:00
Erindi og umsagnir frá starfsmönnum
4.2201654 - Útboð - malbiksviðgerðir 2022-2023
Frá deildarstjóra gatnadeildar, dags. 24. janúar 2022, óskað eftir heimild bæjarráðs til að bjóða í opnu útboði til eins árs með möguleika á framlengingu tvisvar sinnum eitt ár í senn, malbiksviðgerðr og nýlagnir gatna og stíga.
Ýmis erindi
5.2201603 - Til umsagnar frumvarp til laga um almannavarnir (almannavarnastig o.fl.), 181. mál.
Frá Allsherjar- og menntamálanefnd Alþingis, dags. 20. janúar 2022, lagt fram til umsagnar frumvarp til laga um almannavarnir (almannavarnastig o.fl.), 181. mál.
Ýmis erindi
6.2201621 - Til umsagnar frumvarp til laga um loftferðir, 186. mál.
Frá Umhverfis- og samgöngunefnd Alþingis, lagt fram til umsagnar frumvarp til laga um loftferðir, 186. mál. Óskað er eftir að umsögn berist eigi síðar en 3. febrúar nk.
Ýmis erindi
7.2201764 - Til umsagnar tillögu til þingsályktunar um upplýsingamiðlun um heimilisofbeldismál, 20. mál
Frá Allsherjar- og menntamálanefnd Alþingis lagt fram til umsagnar tillaga til þingsályktunar um upplýsingamiðlun um heimilisofbeldismál, 20. mál.
Þess er óskað að umsögn berist eigi síðar en 8. febrúar 2022.
Ýmis erindi
8.2201737 - Umsókn um styrk vegna þróunar og útgáfu uppskriftarbókar fyrir leik- og grunnskóla
Frá samtökum grænkera á Íslandi, dags. 23. janúar 2022, lögð fram beiðni um styrk til þróunar og útgáfu uppskriftarbókar fyrir leik- og grunnskóla.
Ýmis erindi
9.2201622 - Bókun 535. fundar stjórnar SSH - Samræming úrgangsflokkunar
Frá stjórn SSH, dags. 20. janúar 2022, lögð fram skýrsla starfshóps: Sorphirða á höfuðborgarsvæðinu - samræming
úrgangsflokkunar sem óskað er eftir að tekin verði til umræðu. Meðfylgjandi eru drög að yfirlýsingu um samstarf sveitarfélaganna vegna samræmingar úrgangsflokkunar. Þess er óskað að yfirlýsingin verði staðfest á vettvangi sveitarfélagsins og
framkvæmdastjóra þess falið fullt og ótakmarkað umboð til undirritunar hennar.
Gestir
- Páll Björgvin Guðmundsson, framkvæmdastjóri SSH - mæting: 09:35
- Birkir Rútsson deildarstjóri gatnadeildar - mæting: 09:35
- Jón Kjartan Ágústsson - mæting: 09:35
Ýmis erindi
10.2201594 - Bókun 535. fundar stjórnar SSH - samstarfssamningur skíðasvæði
Frá stjórn SSH, dags. 20. janúar 2022, lögð fram drög að samstarfssamningi sveitarfélaga á höfuðborgarsvæðinu um rekstur skíðasvæða. Óskað er eftir efnislegri umræðu, afgreiðslu og staðfestingu af hálfu sveitarfélagsins.
Gestir
- Páll Björgvin Guðmundsson framkvæmdastjóri SSH - mæting: 09:55
Ýmis erindi
11.2201614 - Bókun 535. fundar stjórnar SSH - Loftslagsstefna fyrir höfuðborgarsvæðið
Frá stjórn SSH, dags. 20. janúar, lögð fram drög að loftslagsstefnu
til umræðu hjá sveitarfélaginu.
Gestir
- Páll Björgvin Guðmundsson, framkvæmdastjóri SSH - mæting: 10:10
Ýmis erindi
12.2201608 - Fundargerð 535. fundar stjórnar SSH frá 17.01.2022
Fundargerðir nefnda
13.2201014F - Velferðarráð - 96. fundur frá 24.01.2022
Fundargerð í sjö liðum.
13.2
21111190
Fyrirspurn. Notendur fjárhagsaðstoðar
Niðurstaða Velferðarráð - 96
Velferðarráð þakkar ítarlega og greinargóða greinargerð.
Kristín Sævarsdóttir og Donata H. Bukowska lögðu fram eftirfarandi bókun:
„Í nóvember 2021 voru 107 Kópavogsbúar að þiggja fjárhagsaðstoð frá Kópavogsbæ og þar af teljast 26 vinnufærir. Nú þegar eru í gangi starfsþjálfunarsamningar við fyrirtæki á höfuðborgarsvæðinu auk þess sem sumarstörf hafa verið í boði fyrir þennan hóp. Þegar sumarstörfum lýkur er hætt við að viðkomandi einstaklingar lendi aftur í óvirkni með tilheyrandi afleiðingum.
Rannsóknir benda eindregið á að fólk sem hvorki er í vinnu né námi er í verulegri áhættu á langtíma fátækt og jaðarsetningu til framtíðar. Það eru vond lífsgæði fyrir einstaklinga auk þess sem það er dýrt fyrir samfélagið.
Það er mjög mikilvægt að Kópavogsbær setji í gang áætlun um starfsþjálfun fyrir notendur fjárhagsaðstoðar á vinnustöðum bæjarins til að auðvelda fólki að komast aftur út á vinnumarkaðinn.
Kristín Sævarsdóttir
Donata Bukowska“
Karen E. Halldórsdóttir tekur undir bókunina.
Vísað til bæjarráðs til upplýsingar.
Niðurstaða
Lagt fram.
Erindi frá bæjarfulltrúum
14.2201695 - Bæjarfulltrúi Karen Halldórsdóttir óskar eftir að fá á dagskrá endrskoðun fyrirkomulags sundkennslu í grunnskólum
Bæjarfulltrúi Karen Elísabet Halldórsdóttir óskar eftir að erindi umboðsmanns barna um fyrirkomulag sundkennslu í grunnskólum verði sett á dagskrá bæjarráðs og menntaráðs.
Erindi frá bæjarfulltrúum
15.2201762 - Tillaga bæjarfulltrúa Theódóru S Þorsteinsdóttur um að hafinn verði undirbúningur á deiliskipulagi á nýrri íbúabyggð í Vatnsendahlíð
Undirrituð leggur til að hafinn verði undirbúningur á deiliskipulagi á nýrri íbúðabyggð í Vatnsendahlíð. Fjöldi íbúða skal taka mið af því að þar rísi nýtt skólahverfi á þessu glæsilegasta byggingarlandi á höfuðborgarsvæðinu þar sem stutt er í alla þjónustu með Elliðavatn og Heiðmörkina í bakgarðinum.
Theódóra S. Þorsteinsdóttir.
Fundi slitið - kl. 11:11.