Bæjarráð

Frá bæjarstjóra, lagðar fram teikningar af tillögu arkitekta að nýjum bæjarstjórnarskrifstofum í húsakynnum gamla Kópavogshælisins ásamt kostnaðaráætlun. Einnig lögð fram áætlun Mannvits um Mola-ráðhús. Loks lagt fram bréf deildarstjóra bókhaldsdeildar, dags. 11. febrúar, þar sem lýst er yfir óánægju með aðgerðarleysi bæjarstjórnar í húsnæðismálum stjórnsýslu bæjarins.

Frá bæjarstjóra, lagt fram samkomulag við Handknattleiksfélag Kópavogs um framlengingu á rekstrarsamningi um íþróttahúsið Fagralund.

Frá bæjarlögmanni, dags. 12. febrúar, lagt fram bréf ásamt uppfærðri gjaldskrá fyrir Kópavogshöfn með nýju ákvæði um gjaldtöku vegna losunar, móttöku, meðhöndlunar og förgunar úrgangs og farmleifa frá skipum í samræmi við reglugerð nr. 1201/2014.

Frá lögfræðideild, dags. 12. febrúar, lagt fram yfirlit yfir kauptilboð sem bárust í hlut Kópavogsbæjar í Þríhnúkum ehf. sem auglýstur var til sölu.

Frá deildarstjóra framkvæmdadeildar, bæjarlögmanni og deildarstjóra íþróttadeildar, dags. 16. febrúar, lagðar fram niðurstöður útboðs vegna útleigu á líkamsræktaraðstöðu í sundlaugum Kópavogs þar sem lagt er til við bæjarráð að gengið verði til samninga við RFC ehf.

Deildarstjóri gatnadeildar heldur kynningu um tillögur í sorpmálum í Kópavogi. Þá flytur Björn Halldórsson framkvæmdastjóri Sorpu einnig erindi vegna sorpmála.

Frá SSH, dags. 12. janúar, lögð fram tillaga stjórnar SSH vegna samkomulags sveitarfélaganna um sameiginlega ferðaþjónustu fyrir fatlað fólk, ásamt minnisblaði framkvæmdastjóra SSH, lokaskýrslu framkvæmdaráðs ferðaþjónustu fatlaðs fólks og umsögn samráðshóps félagsmálastjóra og fundargerð.

Frá Kvikmyndaskóla Íslands, dags. 15. febrúar, lagt fram kauptilboð í Fannborg 2, 4 og 6.

Lögð fram stefna í máli Snæfríðar Ingadóttur gegn Kópavogsbæ til ógildingar stjórnvaldsákvörðunar og viðurkenningar réttinda vegna ferðaþjónustu fyrir fatlað fólk.

Lögð fram réttarstefna í máli Gym heilsu ehf. gegn Kópavogsbæ til viðurkenningar á því að komist hafi á bindandi leigusamningur milli aðila um leigu á líkamsræktaraðstöðu í sundlaugum Kópavogs.

Lögð fram matsbeiðni f.h. Magnúsar Ingjaldssonar á hendur Kópavogsbæ þar sem óskað er eftir að dómkvaddir verði tveir matsmenn til þess að meta tjón sem matsbeiðandi telur sig hafa orðið fyrir vegna takmarkana sem Kópavogsbær hefur sett á hagnýtingu á lóð hans að Digranesvegi 81, en lóðin er að stærstum hluta skilgreind sem opið svæði en ekki atvinnu- og iðnaðarsvæði.

179. fundur afgreiðslna byggingarfulltrúa í 12. liðum.

1405. fundur félagsmálaráðs í 7. liðum.

1272. fundur skipulagsnefndar í 31. lið.

Frá skipulagsstjóra, dags. 16. febrúar, lögð fram að nýju tillaga ES Teiknistofu f.h. lóðarhafa dags. 28.9.2015 þar sem óskað er eftir breyttu deiliskipulagi Brekkuhvarfs 20. Á fundi skipulagsnefndar 18.1.2016 var breytt tillaga dags. 18.1.2016 þar sem komið var til móts við innsendar athugasemdir samþykkt með tilvísan til 43. gr. skipulagslaga nr. 123/2010 ásamt umsögn skipulags- og byggingardeildar dags. 18.1.2016. Á fundi bæjarstjórnar 26.1.2016 lagði bæjarfulltrúi Sverrir Óskarsson til að málinu yrði vísað til skipulagsnefndar að nýju. Bæjarstjórn samþykkti tillöguna. Skipulagsnefnd samþykkti tillögu dags. 18.1.2016 með tilvísan til 43. gr. skipulagslaga. nr. 123/2010 ásamt umsögn og vísaði málinu til bæjarráðs og bæjarstjórnar.

Frá skipulagsstjóra, dags. 16. febrúar, lagt fram að nýju að lokinni kynningu erindi Arkís ehf. dags. 20.11.2015 f.h. lóðarhafa þar sem óskað er eftir breyttu deiliskipulagi Faldarhvarfs 15-17. Í breytingunni felst að farið er með svalir 1,8 m út fyrir byggingarreit á suðurhlið húsanna sbr. uppdrætti dags. 24.11.2015. Á fundi skipulagsnefndar 30.11.2015 var samþykkt með tilvísan í 43. gr. skipulagslaga nr. 123/2010 að grenndarkynna framlagða tillögu fyrir lóðarhöfum Faldarhvarfs 11, 12 og 13 ásamt Faxahvarfi 1 og 3. Kynningu lauk 22.1.2016. Engar athugasemdir eða ábendingar bárust. Skipulagsnefnd samþykkti framlagða tillögu með tilvísan til 43. gr. skipulagslaga. nr. 123/2010 og vísaði málinu til bæjarráðs og bæjarstjórnar.

Frá skipulagsstjóra, dags. 16. febrúar, lögð fram tillaga Landark ehf., dags. 14.12.2015, að nánari útfærslu deiliskipulags bæjarrýmis í Glaðheimum - austurhluta. Skipulagsnefnd samþykkti framlagða útfærslu og vísaði málinu til afgreiðslu bæjarráðs og bæjarstjórnar.

Frá skipulagsstjóra, dags. 16. febrúar, lgt fram að nýju erindi Hildar Bjarnadóttur, arkitekts, dags. 25.11.2015 f.h. lóðarhafa þar sem óskað er eftir breyttu deiliskipulagi Hafraþings 9-11. Á fundi skipulagsnefndar 18.1.2016 var málinu frestað og því vísað til úrvinnslu skipulags- og byggingardeildar. Greint frá samráðsfundi sem haldinn var 10.2.2016. Lögð fram breytt tillaga dags. 10.2.2016 þar sem komið er til móts við framkomnar athugasemdir og ábendingar. Uppdráttur er samþykktur af athugasemdaraðlium með undirritun á uppdráttinn. Skipulagsnefnd samþykkti breytta tillögu dags. 10.2.2016 með tilvísan til 43. gr. skipulagslaga nr. 123/2010 og vísaði málinu til bæjarráðs og bæjarstjórnar.

Frá skipulagsstjóra, dags. 16. febrúar, lögð fram að nýju að lokinni kynningu tillaga lóðarhafa dags. 14.9.2015 að breyttu deiliskipulagi Vatnsendabletts 72. Á fundi skipulagsnefndar 30.11.2015 var málinu frestað og vísað til úrvinnslu skipulags- og byggingardeildar. Lögð fram breytt tillaga dags. 18.1.2016 ásamt umsögn skipulags- og byggingardeildar dags. 18.1.2016 þar sem komið er til móts við framkomnar athugasemdir og ábendingar. Á fundi skipulagsnefndar 18.1.2016 var málinu frestað. Skipulagsnefnd samþykkti breytta tillögu dags. 18.1.2016 með tilvísan til 43. gr. skipulagslaga. nr. 123/2010 ásamt umsögn og vísaði málinu til bæjarráðs og bæjarstjórnar.

426. fundur stjórnar SSH í 10. liðum.

237. fundur stjórnar Strætó í 6. liðum.